22
Mina Yudia kasi tokugwa ikikeiwalasi paila Yesu
(Md 26.1-5,14-16; Mk 14.1-2,10-11; Yn 11.45-53)
1 E katitaikina ola tuta Beredi Gala Deli Kala Yisi Pakala, idokaisi LuvapelalKugisi makasana Biga Kala Katumiki. pakala. 22.1 Sun 12.1-27 2 E tolula kasi tokugwa toyo toninitalapula paila Karaiwaga inainevisi ammakawala bikatumataisi matauna. Mitaga ikukolaisi tomota.
3 E Setani isikaila Yudasa idokaisi Isikariota,mKugisi Lk 6.16 kala katumiki. matauna taitala matausina tailuwotala taiyu. 4 Matauna ila, ililivalasi deli tolula kasi tokugwa toyo kumatoulanMabudona Libai isim kasi karaiwaga biyamataisi Bwala Kwebumaboma deli bikaraiwogaisi tosusuvi komwaidosi. matausina ammakawala bikasali Yesu baisa matausina. 5 E imwasawasi, ikatotilasi bisakaisi matauna mani. 6 E itagwala inainevi avai tuta bibodi bikasali matauna baisa matausina tutala tobobawa gala deli bisisuaisi.
Yesu ivagi Luvapela Pakala deli la toligalega
(Md 26.17-25; Mk 14.12-21; Yn 13.21-30)
7 Yamla makwaina Beredi Gala Deli Kala Yisi Pakala, si bubunela bikatumataisi minasina lam lulela Luvapela Pakala. 8 Mapaila Yesu iwitali Pita sola Yoni, ikaibiga, kawala, “Kulosi, kukwatubiasaisi Luvapela Pakala paila yakidasi, kidamwa bitakamsi.”
9 Ilukwaisi matauna, kawasi, “Ambaisa magim bakakatubiasi paka?”
10 Iluki matausina, kawala, “Ka, tutala bukusuvisi ovilouveka,oMapilana Yerusalem. bukubodasi taitala tau ikokeula lukwavala sopi.pKidamwa taitala touwata bikokeula lukwava, baisa bikibuboti iuwotitali taitala toliguguwa bidubadu. Kubokulaisi matauna kusuvisi bwala makwaina ambaisa bisuvi, 11 e kulukwaisi tolibwala, kawami, ‘Tovituloki ilukwaim, Am matabudona baisa bakam Luvapela Pakala deli ulo toligalega?’ 12 E bivitulokaimi tabudotala tabudoveka walakaiwa bogwa leikatubiasi. Baisa bukukwatubiasaisi.”
13 E ilosi, ibanaisi makawala bogwa leiluki matausina; e ikatubiasaisi Luvapela Pakala.
Yesu ikabomi Guyau la Kamkwam
(Md 26.26-30; Mk 14.22-26; 1 Kr 11.23-25)
14 Igau tutala paka, Yesu ikamkwamsi deli aposetolo. 15 Iluki matausina, kawala, “Saina akaliyeia sainela ikugwa bakam Luvapela Pakala makwaina deli yokomi, e oluvi baboda mmayuyu; 16 paila alukwaimi gala tuvaila bakam makwaina mitaga igau avai tuta paka makwaina bibani kala kamokwita ola Karaiwaga Yaubada.”
17 Ikau viga, inokagutoki baisa Yaubada, ikaibiga, kawala, “Kukwauwaisi, kupataisi oluwalaimi; 18 paila alukwaimi, metoya wa tuta makwaina gala tuvaila bamom kaiuwala waini igau tutala Yaubada la Karaiwaga bima.”
19 E ikau beredi, inokagutoki baisa Yaubada, ikimimisi e isaiki matausina, e ikaibiga, kawala, “Baisa wowogu,qBaisa wowogu.Mimilisi buki pilabubogwa gala wala iginisi kesala mailela 19 deli komwaidona mailela 20. asaiki paila yokomi. Baisa bukuvagaisi agu kwaboluluwai.” 20 E kamkwam bogwa leiwokuva isaiki matausina makwelana viga makawala, kawala, “Viga makwelana baisa Yaubada la kabutuvau buyavigu ikibubotirYaubada la kabutuvau buyavigu ikibuboti.Yaubada la kabutu deli mina Isireli kala kabokamokwita baisa biyavisi minasina mauna eilulasi, e tolula bikauwaisi buyavi bivisokaisi oluwalaisi tomota. Kugisi Sun 24.7-8 deli Ib 9.13. kala kamokwita e ibubusi paila yokomi. 22.20 Yer 31.31-34
21 “Mitaga ka! yamala matauna bikasalaigu isisu deli yeigu okabokamkwam. 22.21 Sam 41.9 22 Paila yeigu Latula Tomota bakaliga makawala goli agu naga. Mitaga wo! matauna bikasali Latula Tomota.”
23 E ivitouulasi bititamapusi taitala baisa taitala, avai tau baisa matausina bivagi vavagi baisa.
Availa bitomgwaga?
24 Itokaia kominimani oluwalaisi matausina, availa matausina bidokaisi bisiligaga. 22.24 Md 18.1; Mk 9.34; Lk 9.46 25 Yesu iluki matausina, kawala, “Si giyouvakaveka mina watanawa ikikaraiwogaisi matausina, e tomota idokaisi si gweguya tolilalasi.sMimilisi tokwaraiwaga bidokaisi titoulesi makawala mwada tomota biyebwailisi matauna. 22.25-26 Md 20.25-27; Mk 10.42-44 26 Mitaga yokomi gala makawala; mitaga availa isiligaga oluwalaimi, ibodi bivigaki titoulela budami, e availa kami tokugwa, matauwena makawala taitala towotetila. 27 Paila avaka kudokaisi? Availa ikalisau, matauna isili ikamkwam kaina matauna iwotetila? Ki, matauna isili ikamkwam? Mitaga yeigu asisu oluwalaimi makawala taitala towotetila. 22.27 Yn 13.12-15
28 “Mitaga yokomi kusikailigusi ogu tuta mwau. 29 E makawala Tamagu isakaigu ulo koni bayosi karaiwaga, tuvaila makawala asakaimi mi koni bukuyosisi karaiwaga. 30 E bukukwamsi bukumomsi metoya ogu tebeli ogu Kwaraiwaga; e bukusilaisi otakaikaia bukutoyakalasi baisa dalesi Isireli dalaluwotala dalayu. 22.30 Md 19.28
Yesu iluki Pita igau biyakali
(Md 26.31-35; Mk 14.27-31; Yn 13.36-38)
31 “Wo! Saimoni, Saimoni, ka! Setani leinigadaimi, kidamwa bikilaimi makawala witi.tKugisi Lk 3.17 kala katumiki. 32 Mitaga bogwa lanigada paila yoku mwada m dubumi gala bimama. E yoku, tutala lokuninavila, ibodi bukukwatupewoli budamwa.”
33 Iluki matauna, kawala, “Tomoya, igagabila bawokaiam wa bwala katupipi deli okaliga.”
34 Yesu ikaibiga, kawala, “Pita alukwaim, igau rekorekwa gala bisola lagaila, mitaga bukusivatolu bukuyakalaigu.”
Kauya, kalaga, puluta
35 Yesu iluki matausina, kawala, “Tutala awitalaimi e kulosi gala kami kauya, kaina kami kalaga, kaina kaikemi katubukolela, sitana kuposumasi ke?”
Ikaibigasi, kawasi, “Gala wala.” 22.35 Md 10.9-10; Mk 6.8-9; Lk 9.3; 10.4
36 Iluki matausina, kawala, “Mitaga tuta baisa, matauna isim kala kauya, bikau, e makawala kala kalaga. E matauna gala isim la puluta,ukauya…kalaga…puluta: Vavagi makwaisina tokwaidadina bikokeulasi mwada bibodaisi avai vavagi mwau, e Yesu eiluluki la toligalega ibodi bikatubaiasasi paila vavagi mwau makateki bikaloubusisi. Kidamwa kugisi mailela 49 bila 51 bukugisi bogwa eitapuloki ninasi wala. bigimoli kala kakapula e bimapu kaitala la puluta. 37 Alukwaimi paila Buki Pilabumaboma kala ginigini makwaina, ‘Leikalumgolaisi matauna deli tomitugaga.’ E ginigini makwaina ibodi bibani kala kamokwita metoya baisa yeigu. Paila avaka avaka Buki Pilabumaboma leigini paila yeigu gala avaka bisala.” 22.37 Ais 53.12
38 E ikaibigasi, kawasi, “Ka, tomoya! kayosisi kaiyu puluta.”
Iluki matausina, kawala, “Desi.”
Yesu inigada wa bagula
(Md 26.36-46; Mk 14.32-42)
39 Isunapula, e makawala la bubunela ilokaia Koya Umilela Olibe; e toligalega ibokulaisi matauna. 40 Tutala iviloubusi mapilana, iluki matausina, kawala, “Kunigadasi taga bukubodasi tamnabi.”
41 Itowada kala maloula kaina avaka ibodi bitalavi dakuna. E itapopula kwetutula inigada, ikaibiga, kawala, 42 “Tamagu, kidamwa kunagi makawala, kukwau makwelana vigavMabigana “Bamom viga” bigivakala e kala katumiki “Baboda agu mmayuyu mwau”. metoya omatagu; taga gala bavagi makawala avaka magigu mitaga bavagi makawala avaka magim.” 43 (E anelosiwE anelosi.Mimilisi buki pilabubogwa gala wala eiginisi mailela 43-44. iyoumatila baisa matauna metoya wa labuma, ikatupewoli matauna. 44 E ininigada peula deli kala mmayuyu sainela; e kala kapukwapula ibubusi opwaipwaia kala gigisa makawala buyavi lutukwela kwaiveka.)
45 Tutala itomalaula metoya ola nigada, imakaia toligalega ibani matausina immasisisi uula paila kasi kaikai. 46 E iluki matausina, kawala, “Avaka paila kummasisisi? Kutokaiasi kunigadasi taga bukubodasi tamnabi.”
Yudasa ikasali Yesu
(Md 26.47-56; Mk 14.43-50; Yn 18.2-11)
47 Ililivala, e tobobawa imaisi, e matauna idokaisi Yudasa, taitala matausina tailuwotala taiyu, ikugwai matausina. E ima otalila Yesu, mwada biviyuwoli matauna.xKasi gulogula avai tuta tau biboda sola bivayaulasi wala. 48 Mitaga Yesu iluki matauna, kawala, “Wo! Yudasa, bukukwasalaigu yeigu Latula Tomota ovayaula ke?”
49 E tutala matausina isikailisi matauna igisaisi avaka bikaloubusi, ikaibigasi, kawasi, “Tomoya, bakawaiyasi wa puluta ke?” 50 E taitala matausina iwaiya la towotetila tolula toveka, ikapituni taigala opilakakata.
51 Mitaga Yesu ikaibiga, kawala, “Desi!” Ikau taigala matauna iluvisasu.
52 E Yesu iluki tolula kasi tokugwa toyo kumatoula metoyasi wa Bwala Kwebumaboma toyo kaidadala valu, matausina imakaiasi biyosisi matauna, kawala, “Lokumaisi deli puluta toyo lewa makawala baisa tolibulebu ke? 53 Yumyambwata asikailimi wa Bwala Kwebumaboma, mitaga gala kukiulaigusi; mitaga tuta baisa yokomi mi tuta, deli dudubila kala peulayDudubila ikibuboti Diabolo la peula. la tuta.” 22.53 Lk 19.47; 21.37
Pita iyakali Yesu
(Md 26.57-58,69-75; Mk 14.53-54,66-72; Yn 18.12-18,25-27)
54 Iyosisi matauna, ivakoulisi imiakaisi matauna ola bwala Tolula Toveka; e Pita ililoula oluvi iyeikuli matauna. 55 Ivigadaisi kova omatala bwala isidailisi gulotala, e Pita isiwala. 56 E natana nawotetila igisi matauna isili omatala kova. Imitakavati matauna, e ikaibiga, kawala, “Tau matauna tuvaila isikaili matauwena.”
57 Mitaga iyakala ikaibiga, kawala, “Vilo! Gala anikoli matauwena.”
58 Igau gala imomwa taitala igisi matauna, ikaibiga, kawala, “Mwa! Yoku goli taitala matausina.”
Mitaga Pita ikaibiga, kawala, “Mwa! Yeigu gala.”
59 E kwaitala momwa bogwa leiwokuva taitolula ikominimani, kawala, “Mokwitala tau matauna isikaili matauwena goli; paila matauna guma Galili.”
60 Mitaga Pita ikaibiga, kawala, “Wo, mwa! Gala anikoli avaka kulivala.”
Ililivala, e nanakwa rekorekwa igela. 61 E Tomoya itovila igigisi Pita; e Pita iluluwai la biga Tomoya ammakawala eiluki matauna, kawala, “Igau lagaila gala bisola rekorekwa bukusivatolu bukuyakalaigu.” 62 E isunapula ivalam ivilumgaga.
Ikatudeuwaisi iwaiyasi Yesu
(Md 26.67-68; Mk 14.65)
63 E matausina leiyosisi Yesu ikikatudeuwaisi iwawaiyasi matauna; 64 itapapaisi matala, ikatupoiyaisi, kawasi, “Kuvitoubobuta! availa leiwaim ke?” 65 E deli bidubadu biga tuvaila ilulukwaisi ibigigagaisi matauna.
Yesu omitasi togugula komwaidosi
(Md 26.59-66; Mk 14.55-64; Yn 18.19-24)
66 Igau iyuwoula kalasia kaidadala valu isigugulasi, matausina tolula kasi tokugwa deli toninitalapula paila Karaiwaga. Ivakoulisi matauna osi sigugula.zMabudona mina Yudia kasi tokwaraiwaga paila uvagila tapwaroru, kala bawa biboda tailuwolima tailuwoyu, e kasi tokugwa matauna Tolula Toveka. E ikaibigasi, kawasi, 67 “Kidamwa yoku matauna Mesaia, bukulukwaimasi.”
Mitaga iluki matausina, kawala, “Kidamwa balukwaimi gala bukudubumaisi; 68 e kidamwa bakatupoiyaimi, gala bukumapwaisi ulo biga. 69 Mitaga metoya wa tuta matutowena yeigu Latula Tomota basili ola kakataaKugisi Lk 20.42 kala katumiki. Yaubada Topeuligaga.”
70 E komwaidosi ikaibigasi, kawasi, “Ki, yokula Yaubada Latula?”
Iluki matausina, kawala, “Yokomila kukwaibigasi kidamwa yeigu matauna.”bYokomila kukwaibigasi kidamwa yeigu matauna. Gagabila bitagini, “Baisa biga mokwita, makawala yokomi lokukwaibigasi.”
71 E ikaibigasi, kawasi, “Avai kamatula tuvaila magidasi? Paila titouledasi leitalagaisi metoya owodola titoulela.”
l22:1 Kugisi makasana Biga Kala Katumiki.
22:1 22.1 Sun 12.1-27
m22:3 Kugisi Lk 6.16 kala katumiki.
n22:4 Mabudona Libai isim kasi karaiwaga biyamataisi Bwala Kwebumaboma deli bikaraiwogaisi tosusuvi komwaidosi.
o22:10 Mapilana Yerusalem.
p22:10 Kidamwa taitala touwata bikokeula lukwava, baisa bikibuboti iuwotitali taitala toliguguwa bidubadu.
q22:19 Baisa wowogu.Mimilisi buki pilabubogwa gala wala iginisi kesala mailela 19 deli komwaidona mailela 20.
r22:20 Yaubada la kabutuvau buyavigu ikibuboti.Yaubada la kabutu deli mina Isireli kala kabokamokwita baisa biyavisi minasina mauna eilulasi, e tolula bikauwaisi buyavi bivisokaisi oluwalaisi tomota. Kugisi Sun 24.7-8 deli Ib 9.13.
22:20 22.20 Yer 31.31-34
22:21 22.21 Sam 41.9
22:24 22.24 Md 18.1; Mk 9.34; Lk 9.46
s22:25 Mimilisi tokwaraiwaga bidokaisi titoulesi makawala mwada tomota biyebwailisi matauna.
22:25 22.25-26 Md 20.25-27; Mk 10.42-44
22:27 22.27 Yn 13.12-15
22:30 22.30 Md 19.28
t22:31 Kugisi Lk 3.17 kala katumiki.
22:35 22.35 Md 10.9-10; Mk 6.8-9; Lk 9.3; 10.4
u22:36 kauya…kalaga…puluta: Vavagi makwaisina tokwaidadina bikokeulasi mwada bibodaisi avai vavagi mwau, e Yesu eiluluki la toligalega ibodi bikatubaiasasi paila vavagi mwau makateki bikaloubusisi. Kidamwa kugisi mailela 49 bila 51 bukugisi bogwa eitapuloki ninasi wala.
22:37 22.37 Ais 53.12
v22:42 Mabigana “Bamom viga” bigivakala e kala katumiki “Baboda agu mmayuyu mwau”.
w22:43 E anelosi.Mimilisi buki pilabubogwa gala wala eiginisi mailela 43-44.
x22:47 Kasi gulogula avai tuta tau biboda sola bivayaulasi wala.
y22:53 Dudubila ikibuboti Diabolo la peula.
22:53 22.53 Lk 19.47; 21.37
z22:66 Mabudona mina Yudia kasi tokwaraiwaga paila uvagila tapwaroru, kala bawa biboda tailuwolima tailuwoyu, e kasi tokugwa matauna Tolula Toveka.
a22:69 Kugisi Lk 20.42 kala katumiki.
b22:70 Yokomila kukwaibigasi kidamwa yeigu matauna. Gagabila bitagini, “Baisa biga mokwita, makawala yokomi lokukwaibigasi.”