1 “Taga kukwamogaisi availa, e Yaubada gala bikamogaimi. 2 Paila Yaubada bikamogaimi makawala yokomi kukwamogaisi semia e binagi paila yokomi makawala kunagaisi paila semia. 7.2 Mk 4.24 3 Avaka paila kugisi msomsa omatala bodam, mitaga gala avaka baisa yoku kaibilabala isisu omatam titoulem? 4 Kaina ammakawala bukuluki bodam, kawam, ‘Kutagwala bakau msomsa metoya omatam’ - mitaga kaibilabala isisu omatam titoulem? 5 Tokwatudewa gaga yoku! Kukwaubogwi kaibilabala metoya omatam titoulem, oluviga bukugisi bimilakatila e bukukwau msomsa metoya omatala bodam.

6 “Taga kusakaisi kaukwa avaka lokukwabomaisi paila Yaubada, bitovilasi wala bigadaimi; e taga kulavaisi mi waituna okasi saikeda bunukwa, bivapupoiyaisi makwaisina goli.

7 “Kunigadasi, e Yaubada bisakaimi; kunevisi, e bukubanaisi; kunopipisisi, e biulaim paila yokomi. 8 Paila availa binigada, matauna bikau; e availa binevi, matauna babani; e availa binopipisi, matauna bibani yoyu kala ulaim. 9 Kaina avai tau yokomi, kidamwa latula binigadi kaula, bisaiki dakuna ke? 10 Kaina bisaiki keiyuna kidamwa binigadi yena, ke? 11 E yokomi tomitugaga, mitaga kukwatetasi ammakawala bukusakaisi litumia vavagi bwaina. E mokwita wala Tamami wa labuma bikalisauwaimi bisaiki vavagi bwaina baisa matausina availa availa inigadaisi.

12 “Bukuvagaisi paila semia avaka magimi bivagaisi paila yokomi; baisa goli uulotoula Mosese la Karaiwaga toyo tovitoubobutaxKugisi Md 5.17 kala katumiki. si vituloki. 7.12 Lk 6.31

13 “Bukusuvisi okalapisila kaduyokekita; paila kalapisila kaduyobeiyaya toyo keda kadagagabila bikaloubusi baisa wa Eli. Bidubadu isukwaisi makaduyona. 14 Kalapisila kaduyokekita toyo keda kadamwau ikaloubusi baisa wa momova. E taivila wala ibanaisi.

15 “Kuyamatasi paila tovitoubobuta kaponai, matausina imakaiami kasi kwama makawala sipi, mitaga olumoulesi kaukwa nagigasisi. 16 Metoya osi bubunela bukuvitusaisi matausina. Kwatuli, kaigunigwaini biuwa kaiuwala waini, kaina soweilau biuwa seuseu ke? 17 Makawala kai kaiminabwaita kaitala kaitala kaiuwala bwaina; mitaga kai kaimigaga kaiuwala gaga. 18 Kai kaiminabwaita gala gagabila biuwa gaga; tuvaila kai kaimigaga gala gagabila biuwa bwaina. 19 Mapaila avai kai gala biuwa kaiuwala bwaina, biteyasi bilavaisi bila wa kova. 7.19 Md 3.10; Lk 3.9 20 Mapaila metoya osi bubunela bukuvitusaisi matausina tovitoubobuta. 7.20 Md 12.33

21 “Gala bitadoki komwaidosi availa availa idokaigusi ‘Tomoya, Tomoya’ bisuvisi Labuma Karaiwogala.yKugisi makasana Biga Kala Katumiki. Wa tuta baisa Yesu ililivala paila mapilana valu walakaiwa, Yaubada la tomota si kabovaiwasi tuta okala vigimkovila. Mesinaku matausina ikabikuwolaisi nanola Tamagu wa labuma bisuvisi wala. 22 Wa Yam makwaiwena bidubadu bilukwaigusi, kawasi, ‘E Tomoya, Tomoya, lakakavitagaisi yagam kidamwa bakavitoubobutasi. E yagam uulela lakayabaisi baloma gaga e isunapulasi, deli lakavagaisi bidubadu vavagi siligaga.’ 23 E wa tuta matutona baluki matausina, kawagu, ‘Gala kwaitala tuta anikolaimi; kusilavaigusi yokomi tokowolova karaiwaga.’ 7.23 Sam 6.8

24 “Mapaila availa bilagi ulo biga e bivagi, matauna makawala tokabitam ikaliai la bwala odukutotu. 25 Ikuna, e idadoya, yagila iuu iiyagi bwala, mitaga gala bikapusi, paila tumilela dukutotu.

26 “E availa bilagi ulo biga e gala bivagi, matauwena makawala tonagowa ikaliai la bwala wa kanakenuva. 27 Ikuna, e idadoya, yagila iuu iiyagi bwala e ikapusi. E ikapusimolila.”

28 Yesu ivinaku biga mabigasina, e tobobawa itutu uwosi la vituloki, 7.28-29 Mk 1.22; Lk 4.32 29 paila ivituloki gala makawala toninitalapula paila si Karaiwaga.zKugisi makasana Biga Kala Katumiki. Mitaga ivituloki matausina makawala isim la karaiwaga.aToninitalapula paila Karaiwaga eikatupewolaisi si uvituloki metoya osi vituloki bidubadu tovituloki tobubogwʹo e mauula gala isim si karaiwaga titoulesi. Mitaga Yesu titoulela wala ivivituloki e gala binainevi uulotoula la karaiwaga metoya osi vituloki tobubogwa.