9
Yesu ikatumovi togolia
(Mk 2.1-12; Lk 5.17-26)
1 Yesu isila wa waga itapelasYesu ikaimilavau ila mapilana opilikwaibwaga. ilokaia ola valu tatoula.tMapilana goli Kapaneum; kugisi Md 4.13. 2 E ka, imiakaisi matauna taitala togolia, ikanukwenu okabala. Yesu igisi si dubumi,uBaisa si dubumi matausina tokeula e kaina deli la dubumi matauna togolia kidamwa Yesu gagabila bikatumovi matauna. e iluki togolia, kawala, “Bodagu, bitalaguva lopom; m mitugaga aligaiwa.”
3 E ka, mimilisi toninitalapula paila KaraiwagavKugisi makasana Biga Kala Katumiki. inanamsasi taitala baisa taitala, “Tau matauna ibigigagi Yaubada.”
4 Mitaga Yesu inikoli si nanamsa, e ikaibiga, kawala, “Avaka paila kuninanamsasi vavagi gaga makawala? 5 Avakaga gagabila, baluki, ‘M mitugaga aligaiwa’, kaina ‘Kutokaia, kuloula’? 6 Mitaga bavitulokaimi bukunikolaisi yeigu Latula TomotawKugisi Md 8.20 kala katumiki. isim ulo karaiwaga baisa ovalu watanawa kidamwa baligaiwa mitugaga.” Mapaila iluki togolia, kawala, “Kutokaia, kukwatupwi m moi, e kula om bwala.”
7 E itokaia ila ola bwala. 8 Mitaga tobobawa igisaisi makwaina, e ikokolasi,xikokolasi.Mimilisi buki pilabubogwa eiginisi “itutu uwosi”. iyakawolaisi Yaubada paila matauna bogwa isaiki karaiwaga makawala baisa tomota.
Yesu idou Madiu bibokuli matauna
(Mk 2.13-17; Lk 5.27-32)
9 E Yesu iulilavi baisa, e ililoula igisi taitala tau yagala Madiu, isili okabopokala.yPaila matauna tokougugula pokala; kugisi Md 5.46 deli kala katumiki. E iluki matauna, kawala, “Kubokulaigu.”
E itokaia ibokuli matauna.
10 Igau Yesu isili ola bwala MadiuzGala wala tanikoli kaina Madiu la bwala kainaga Yesu la bwala. ikamkwamsi, e ka, bidubadu tokougugula pokala toyo tomitugagaaMina Yudia kasi tokugwa ipakaisi mimilisi paila uula ikamgwalalasi, e mauula idokaisi matausina tomitugaga, e gala wala bikasopisi okasi sopi kaina bikamsi okasi kulia. Mitaga Yesu deli sala idokaisi kamgwalala gala wala biyogagaisi tomota e ikalubailasi deli matausina. imaisi isilaisi deli Yesu toyo la toligalega. 9.10-11 Lk 15.1-2 11 Parisi igisaisi baisa, e ilukwaisi la toligalega, kawasi, “Avaka paila mi tovituloki ikamkwamsi deli tokougugula pokala toyo tomitugaga?”
12 Mitaga ilagi makwaina e ikaibiga, kawala, “Tobubwaila gala magisi toyuvisa, mitaga tokwatoula wala magisi. 13 Kulosi bukunevisi biga makwaina kala vituloki, ‘Yeigu gala magigu lula, mitaga magigu wala mitakwai.’ Paila yeigu lama gala badou tomitukwaibwaila bimakaiagusi mitaga tomitugaga.” 9.13 Md 12.7; Osi 6.6
Katupoi paila posuma
(Mk 2.18-22; Lk 5.33-39)
14 Wa tuta matutona Yoni la toligalega imakaiasi Yesu, kawasi, “Avaka paila yakamaisi toyo Parisi kapusoposumasi, mitaga m toligalega gala ipusoposumasi?”
15 E Yesu iluki matausina, kawala, “Kidamwa tovaivau isisu deli sala, sala gala bivalamsi ke? Mitaga igau tuta bima, tomota bilauwaisi tovaivau, e sala biposumasi wa tuta matutona.
16 “Kidamwa kwama yabogwa iponana, e taitala magila biyaimi, gala biyaimi metoya yaima yavau; paila yaima kaipagala bikokisi kwama e ponana biponinaveka. 17 Gala taitala ivigogu wainivau olukwava yabogwa.bMiyana bivagaisi metoya kanuvinela mauna. Kidamwa makawala, lukwava bikokisi, waini bitalagila, e lukwava bikodidaimi. Mitaga wainivau bivigogwaisi olukwava yavau, e vavagi kwaiyu bikanuvagasi bwaina wala.”
Tokwaraiwaga latula vivila
(Mk 5.21-43; Lk 8.40-56)
18 Ililivala makawala baisa matausina, e ka, taitala tokwaraiwagacMatauna si bwala tapwaroru kala tokugwa; kugisi Mk 5.22. isuvi, ikavagina omatala, kawala, “Latugu vivila makateki leikaliga; mitaga kuma kusaili yamam baisa minana, e minana bimova.”
19 E Yesu itokaia ibokuli matauna, deli la toligalega.
20 E natana vivila isisu, kala katoula buyavila ititalagila,dUula minana kala buyavi gala wala bwaina. katoula makwaina isisu kweluwotala kwaiyu taitu. 21 E minana inanamsa onanola, “Kidamwa bakabikoni kala kwama wala, babwaina namwaidogu.” E mapaila ilokaia otapwala Yesu e ikabikoni kaipagalaeMina Yudia bikatububulaisi kaipagala kasi kwama bikibubotaisi si kabikaula baisa Yaubada. Kugisi Baw 15.37-41; Md 23.5. kala kwama.
22 Mitaga Yesu itovila igisi minana, ikaibiga, kawala, “Ve! Bitalaguva lopom; m dubumi bogwa iyomovaim.” E metoya wa tuta matutona vivila minana ibwaina namwaidona.
23 Yesu ima ola bwala matauna tokwaraiwaga, e igisi toyuvisi loloni deli tobobawa ivanigonigwasi,fMina Yudia kasi gulogula bimipubogwasi mani baisa tomota kidamwa bimaisi bivanigonigwasi otutala kaliga. 24 e ikaibiga, kawala, “Kusunapulasi, paila vilakapugula minana gala ikaligimolila, mitaga immasisi wala.” E igigilaisi matauna. 25 Mitaga bogwa iyabaisi tobobawa isunapulasi, Yesu isuvi matabudona. Iyosi yamala, e minana vilakapugula itokaia. 26 E bulogala baisa ikaligiaki mapilana ovalu komwaidona.
Taiyu tokwau imitalala mitasi
27 Yesu iulilavi metoya baisa, e taiyu tokwau iiyeikulaisi matauna, ikawotasi ikaibigasi, kawasi, “Kunokapisaima, yoku Latula Debida.”gBaisa makawala mina Yudia bidokaisi yagala matauna availa Yaubada eikatotila igau biwitali bima bitokwatumova. Paila matauna dalela tomoyabogwa Guyau Debida e bikeula la karaiwaga deli la koni guyau matauna. Kugisi makasana Biga Kala Katumiki.
28 E tutala isuvi wa bwala, matausina tokwau imakaiasi matauna; e Yesu iluki matausina, kawala, “Ki, kudubumaisi gagabila bavagi baisa?”
Ilukwaisi matauna, kawasi, “Tomoya, mitaga.”
29 Mapaila ikabikoni mitasi, ikaibiga, kawala, “Bavigakaimi makawala mi dubumi.” 30 E imitalala mitasi. E Yesu ikakikili matausina, kawala, “Kuyamatasi taga taitala binikoli baisa.”
31 Mitaga ilosi ilivalasi e butula matauna ikaligiaki mapilana ovalu komwaidona.
Taitala tokutabu ilivala
32 Isusunapulasi kasitaiyu, e tomota imiakaisi matauna taitala tokutabu deli baloma gaga isikaila matauna. 33 E Yesu bogwa iyabi baloma gaga, matauna tokwatoula ilivala; e tobobawa itutu uwosi, ikaibigasi, kawasi, “Gala kwaitala tuta tagisaisi makawala baisa olumoulela Isireli.”
34 Mitaga Parisi ikaibigasi, kawasi, “Iiyabi baloma gaga paila uula si guyau baloma gaga ikatupewoli.”hikatupewoli. Mimilisi buki pilabubogwa gala wala iginisi mailela 34.9.34 Md 10.25; 12.24; Mk 3.22; Lk 11.15
Yesu saina inokapisi tomota
35 E Yesu ititavina komwaidona valu vilouvakaveka toyo viloukikekita. Iuvituloki osi bwala tapwaroru, ikikamituli Bulogala Bwaina paila Labuma Karaiwogala, ikatumovi komwaidona lelia toyo katoula. 9.35 Md 4.23; Mk 1.39; Lk 4.44 36 Mitaga tutala igigisi tobobawa, inokapisi matausina paila iwaki silaveva deli ibutugeyaisi makawala sipi gala isim kasi toyamata. 9.36 Baw 27.17; 1 Gwe 22.17; 2 Lil 18.16; Isi 34.5; Mk 6.34 37 E iluki la toligalega, kawala, “Mokwita bagula ikabinai sainela, mitaga totayoyuwa gala ibawasi. 9.37-38 Lk 10.2 38 Mapaila kunigadaisi tolibagula biwitali totayoyuwa bilosi ola bagula paila la tayoyuwa.”
s9:1 Yesu ikaimilavau ila mapilana opilikwaibwaga.
t9:1 Mapilana goli Kapaneum; kugisi Md 4.13.
u9:2 Baisa si dubumi matausina tokeula e kaina deli la dubumi matauna togolia kidamwa Yesu gagabila bikatumovi matauna.
v9:3 Kugisi makasana Biga Kala Katumiki.
w9:6 Kugisi Md 8.20 kala katumiki.
x9:8 ikokolasi.Mimilisi buki pilabubogwa eiginisi “itutu uwosi”.
y9:9 Paila matauna tokougugula pokala; kugisi Md 5.46 deli kala katumiki.
z9:10 Gala wala tanikoli kaina Madiu la bwala kainaga Yesu la bwala.
a9:10 Mina Yudia kasi tokugwa ipakaisi mimilisi paila uula ikamgwalalasi, e mauula idokaisi matausina tomitugaga, e gala wala bikasopisi okasi sopi kaina bikamsi okasi kulia. Mitaga Yesu deli sala idokaisi kamgwalala gala wala biyogagaisi tomota e ikalubailasi deli matausina.
9:10 9.10-11 Lk 15.1-2
9:13 9.13 Md 12.7; Osi 6.6
b9:17 Miyana bivagaisi metoya kanuvinela mauna.
c9:18 Matauna si bwala tapwaroru kala tokugwa; kugisi Mk 5.22.
d9:20 Uula minana kala buyavi gala wala bwaina.
e9:21 Mina Yudia bikatububulaisi kaipagala kasi kwama bikibubotaisi si kabikaula baisa Yaubada. Kugisi Baw 15.37-41; Md 23.5.
f9:23 Mina Yudia kasi gulogula bimipubogwasi mani baisa tomota kidamwa bimaisi bivanigonigwasi otutala kaliga.
g9:27 Baisa makawala mina Yudia bidokaisi yagala matauna availa Yaubada eikatotila igau biwitali bima bitokwatumova. Paila matauna dalela tomoyabogwa Guyau Debida e bikeula la karaiwaga deli la koni guyau matauna. Kugisi makasana Biga Kala Katumiki.
h9:34 ikatupewoli. Mimilisi buki pilabubogwa gala wala iginisi mailela 34.
9:34 9.34 Md 10.25; 12.24; Mk 3.22; Lk 11.15
9:35 9.35 Md 4.23; Mk 1.39; Lk 4.44
9:36 9.36 Baw 27.17; 1 Gwe 22.17; 2 Lil 18.16; Isi 34.5; Mk 6.34
9:37 9.37-38 Lk 10.2