9
Tomota ikamitulaisi si mitugaga
1-2 Tubukona minana olumoulela kala yam kweluwoyu kwaivasi mina Isireli isigugulasi paila biposumasi kabutuvitusila si ninamwau paila si mitugaga. Wa tuta matutona bogwa isibemsilKugisi Nie 13.1-3,23-28. metoya komwaidosi tomota matausina gala mina Isireli. Isailisi pwaipwaia odubasi deli isikamsi si saigala paila kabutuvitusila si ninamwau. E oluvi itokaiasi ivitouulasi ikamitulaisi komwaidona si mitugaga matausina deli tubusia bogwa leivagaisi. 3 Kaukwau kala tuta komwaidona ikalawasi Guyau si Yaubada la Karaiwaga baisa matausina, e oluvi isaitaulasi bila ikoyavi ikamitulaisi si mitugaga deli itapwarorusi baisa Guyau si Yaubada.
4 E isisu kwaitala kubudoga paila mina Libai, e odabala itotusi Yesuwa, Bani, Kadimieli, Sebanaia, Buni, Serebia, Bani deli Kenani. Matausina ininigadasi baisa Guyau si Yaubada.
5 E mimilisi mina Libai iulaimwaisi tapwaroru, e matausina yagasi Yesuwa, Kadimieli, Bani, Asabineia, Serebia, Odia, Sebanaia deli Petaia. Ikaibigasi,
“Kutokaiasi bitayakawolaisi Guyau da Yaubadasi.
Taiyakawolaisi matauna tuta gala biwokuva, gala biwokuva.
Komwaidodasi bitayakawolaisi matauna Guyau Toguyugwayu,
ilagoli gala kwaitala yakaula metoya baisa tomota bibudoki matauna kala yakaula.
Nigada paila mitugaga kala ligaiwa
6 E oluvi mina Isireli inigadasi nigada makwaina, kawasi,
“Mwa Guyau! Yoku kammwaleta Guyau.
Kububuli labuma deli utuyam walakaiwa.
Yoku kububuli pwaipwaia deli bolita, deli goli avaka avaka leisisuaisi olumoulesi,
e komwaidona goli yoku kusaiki si momova.
Komwaidosi topapeula wa labuma ikululusi e itapwarorusi baisa yoku.
7 Guyau Yaubada, yoku lokunagi Eberam,
e kuvakadi matauna bisilavi valu Ura mapilana Babilonia,
e yoku kudouvili yagala kudoki Eberaam.9.7 Vit 11.31; 12.1; 17.5
8 Lokubani matauna gala avai tuta bikoulovaim,
mapaila kukwabutu deli matauna.
Kukwatotila bukusaiki matauna mina Kenani si kwabila,
mina Itai deli mina Amora si kwabila,
mina Peresi, mina Yebusi deli mina Gigasa si kwabila.
E kwabila makubilasina tubula igau bibudaisi si valu.
Yoku gala avai tuta bukuyogagi m biga katotila,
paila uula m biga saina madagi.9.8 Vit 15.18-21
9 “Yoku kugisibogwi kasi mmayuyu tubumaiasi mapilana Itipita.
Einigadasi paila pilasi mapilana Bolita Pilabweyani,
e yoku bogwa kulagi si nigada.9.9 Sun 3.7; 14.10-12
10 Kuvagi kabutuvatusi saina kaboyowalula baisa guyoula Itipita,
baisa la tosikwawa, deli goli tomotala la valu,
paila yoku kunikolibogwi ammakawala eilamidadaisi m tomota.
E bulogam ikaligiaki tuta matutona makawala goli tuta baisa.9.10 Sun 7.8—12.32
11 Yoku kuvigaki imila keda oluwalela bolita paila m tomota,
e oluwalela kukugwai matausina makawala oitayatila wala.
Matausina eibokavilaisi m tomota ikanopulasi obolita,
makawala dakuna bisisalili obolita saina ikikaipolu. 9.11 Sun 14.21-29; 15.4-5
12 Tutala yam kuvakadi matausina metoya kaitala lowa,
e tutala bogi kusimitali si keda metoya kovatala kova. 9.12 Sun 13.21-22
13 Wa Koya Sinai, yoku kubusi metoya wa labuma,
e kubigitoni m tomota.
Deli kusaiki matausina karaiwaga bwaina deli vituloki ibudoki si kaisisu.9.13-14 Sun 19.18—23.33
14 Yoku kuvituloki matausina kidamwa bikabomaisi m yam Sabate.
e metoya om touwata Mosese, kusaiki matausina m kwaraiwaga.
15 “Avai tuta bogwa eikamolusi kusaiki kʹasi metoya wa labuma,
deli sopi metoya odakuna avai tuta eikadakasi.
Bogwa kuluki matausina biyoulisi kwabila,
makubilasina bogwa lokukwatotila bukusaiki matausina. 9.15 Sun 16.4-15; 17.1-7; Kak 1.21
16 Mitaga tubumaiasi ikaiveka ninasi deli ikasai dubasi,
e ipakaisi kala kabikaula m kwaraiwaga makwaisina. 9.16-17 Baw 14.1-4; Kak 1.26-33
17 Ipakaisi bikabikaulasi, e ilumwelavaisi vavagi komwaidona bogwa lokuvagi.
Ilumwelavaisi kabutuvatusi bogwa kusunupuloi.
Ninasi ikaiveka e inagaisi taitala tokugwa
bikaimilivau matausina okatupipi baisa Itipita.
Mitaga yoku Yaubada tuta tuta kuligaiwa mitugaga.
Tomitakwai deli toyebwaili yoku, m gibuluwa iyobali.
M nokapisi isiniveka, e gala kusilavi matausina. 9.17 Sun 34.6; Baw 14.18
18 Ibubulaisi natana tokolu kala bububula makawala bulumakau namwala,
deli ikaibigasi kidamwa minana yaubada ikugwai metoya wa Itipita!
Wo Guyau! Ammakala vakaila eikaluwouwaimsi! 9.18 Sun 32.1-4
19 Mitaga gala kusilavi matausina oviloupakala,
paila m kwapisila saina kwaiveka.
Yoku gala kukiyumali lowalowa kaina kova,
makwaisina eisimitalaisi si keda wa yam deli wa bogi. 9.19-21 Kak 8.2-4
20 Metoya om mitakwai lokuluki matausina avaka ibodi bivagaisi.
Lokuvakoma matausina wa mana deli lokusaiki sopi eimomsi.
21 Metoya olumoulela kweluwovasi taitu oviloupakala
bogwa lokusaiki avaka eibodi si loula.
Kasi kakapula gala wala idadaimisi,
e kaikesi gala ikapwali deli gala immayuyu.
22 “Kutugwali matausina iyoulisi boda ituwoli ituwoli deli kabokwaraiwaga ituwoli ituwoli,
si kwabila makubilasina eitobu deli kasi kaligei titoulesi.
Iyoulisi wala kubilela Esiboni, ambaisa Siyoni la kabokwaraiwaga,
deli goli kubilela Basani, ambaisa guyau Ogi eiguyoi. 9.22 Baw 21.21-35
23 Bogwa lokusaiki matausina saina bidugaga litusia, makawala utuyam wa labuma kala bawa,
e bogwa kutagwala biyoulisi e bisisuaisi kwabila makubilasina,
makawala bogwa lokukwatotila baisa tubusia bukusaiki matausina. 9.23 Vit 15.5; 22.17; Yos 3.14-17
24 E bogwa eitomgwagasi odubasi mina Kenani,
e yoku lokukwalisau matausina tomota leisisuaisi valu makwaisina.
Bogwa lokukwaraiwogi m tomota bivagaisi avaka ninasi biuvagaisi
baisa gweguyala toyo tomotala Kenani. 9.24 Yos 11.23
25 E m tomota iyoulisi makwaisina valu isim kasi kali paila kabilia,
e iyoulisi si baleku bilukumalala, si bwala eikasewoki avai guguwa avai guguwa,
kasi utuwotu bogwa leikelibogwisi osi bwala,
e makaisina olibe deli isim kaiuwasi e deli goli waini bigulesi.
Ikamkwamsi avaka wala magisi eikikaitubwasi,
e deli saina imwasawasi paila vavagi komwaidona saina bwaina avaka avaka bogwa lokusaiki. 9.25 Kak 6.10-11
26 “Mitaga m tomota ipakaimsi deli ikoulovaimsi.
Itotubulokaisi m Kwaraiwaga.
Ikatumataisi tovitoubobuta matausina eikatululutaisi matausina,
e ilukwaisi bisivilavausi baisa yoku.
Ikaluwouwaimsi tuta tuta, 9.26-28 Tok 2.11-16
27 mapaila kutugwali kasi tilaula bivayoulisi deli bikaraiwogaisi matausina.
Metoya okasi mwau idousi baisa yoku paila pilasi,
e kumapu matausina si dou metoya wa labuma.
Metoya om nokapisi kwevakaigaga kuwitali kasi tokwaraiwaga
e ikolaisi matausina metoya baisa kasi tilaula.
28 Avai tuta valu ivakotavau, e matausina imitugagasi tuvaila,
e tuvaila kutugwali kasi tilaula bivayoulisi matausina.
Taga avai tuta matausina isivilasi e inigadaimsi paila bukukoli matausina,
e om kwabosisu wa labuma lokulagi, e tuta tuta
kukoli matausina metoya om nokapisi kwaiveka.
29 Bogwa lokukwatululuti matausina mwada bikabikuwolaisi m vituloki,
taga ninasi ikaiveka, e matausina ipakaisi m kwaraiwaga,
ilagoli kidikedala m Kwaraiwaga baisa kedala momova.
Ipakaisi bikabikaulasi paila ninasi ikatukikitaisi deli ikasai. 9.29 Tol 18.5
30 Taitu taitu kukwatululuti wala deli m peuloki.
Lokuviyelu ninasi m tovitoubobuta paila bilivalasi,
taga m tomota ituli taigasi.
Mapaila kutugwali ituwoli valu bikalisauwaisi matausina, 9.30 2 Gwe 17.13-18; 2 Lil 36.15-16
31 E ka, gala kusilavi kaina kukwatudoum matausina,
paila wala m nokapisi saina kwevakaigaga.
Yoku goli Yaubada tomitakwai deli tonokapisi sainela.
32 “E Yaubada, ma Yaubadasi yoku, saina tovakaigaga yoku.
Saina kabokokola deli saina topeuligaga yoku.
Lokukwatotila om kwabutu, e saina kukimidagi.
Ka, metoya tuta matutona guyousi mina Asiria ilamidadaimasi,
e leima goli tuta baisa, bogwa lakabodasi mmayuyu saina kwaiveka.
Ma gweguyasi, kama tokugwasi, ma tolulasi, e deli ma tovitoubobutasi,
e tubumaiasi, deli komwaidomasi ma tomotasi eibodasi mmayuyu.
Bukululuwai ammakala kala kwaiveka lakabodasi mmayuyu. 9.32 2 Gwe 15.19,29; 17.3-6; Esi 4.2,10
33 Bogwa lokuvagi duwosisia, paila bogwa lokumipukwaimasi.
Ilagoli yakamaisi lakamitugagasi mitaga yoku saina tokimadagi.
34 Tubumaiasi, ma gweguyasi, kama tokugwasi, deli ma tolulasi
gala ivagaisi makawala m Kwaraiwaga.
Gala ilagaisi m kwaraiwaga deli m kwatuloluta.
35 Metoya om kwabwaila, gweguya ikaraiwogaisi m tomota
tuta makwaina leisisuaisi olumoulela makwaina valu kubilaveka deli kubilumalala lokusaiki matausina.
Mitaga matausina ipakaisi bisivilasi metoya osi mitugaga e ipakaisi biwotitalaimsi.
36 E mauula tuta baisa, yakamaisi ula wala olumoulela valu makwaina lokusakaimasi
makubilana kubilumalala lakabubanaisi kamasi.
37 Ka, tuta baisa komwaidona kabinaila makubilasina ilokaia wala gweguya,
matausina lokusaili odabamasi, paila uula bogwa lakamitugagasi.
Iuvagaisi avaka wala ninasi baisa yakamaisi deli ma bulutuvalusi,
e yakamaisi goli kasisuaisi olumoulela kabommayuyu sainela!”
Tomota iginisi yagasi bikibuboti si tagwala baisa Karaiwaga
38 Uula wala komwaidona avaka eikikaloubusisi, e ka, baisa tuta yakidasi mina Isireli taginisi kwaitala tagwala kwaipeula pweipula, e kada tokugwasi, mina Libai, deli goli da tolulasi isailisi kibila yumasi baisa miyana.
l9:1-2 Kugisi Nie 13.1-3,23-28.
9:7 9.7 Vit 11.31; 12.1; 17.5
9:8 9.8 Vit 15.18-21
9:9 9.9 Sun 3.7; 14.10-12
9:10 9.10 Sun 7.8—12.32
9:11 9.11 Sun 14.21-29; 15.4-5
9:12 9.12 Sun 13.21-22
9:13 9.13-14 Sun 19.18—23.33
9:15 9.15 Sun 16.4-15; 17.1-7; Kak 1.21
9:16 9.16-17 Baw 14.1-4; Kak 1.26-33
9:17 9.17 Sun 34.6; Baw 14.18
9:18 9.18 Sun 32.1-4
9:19 9.19-21 Kak 8.2-4
9:22 9.22 Baw 21.21-35
9:23 9.23 Vit 15.5; 22.17; Yos 3.14-17
9:24 9.24 Yos 11.23
9:25 9.25 Kak 6.10-11
9:26 9.26-28 Tok 2.11-16
9:29 9.29 Tol 18.5
9:30 9.30 2 Gwe 17.13-18; 2 Lil 36.15-16
9:32 9.32 2 Gwe 15.19,29; 17.3-6; Esi 4.2,10