2
Keriso matauna Towalakaiwa, e la bubunela manum
1 E kaina Keriso la vasosu ikatupewolaimi? Kaina la yebwaili bivisimolaimi? Ki, bukukwabikuwolaisi deli Baloma Tobumaboma? Ki, bukulumkolaisi mitakwai deli nokapisi paila taitala baisa taitala? 2 Akatululutaimi paila bukuyomwasalaigusi bukunanamsasi makawala wala, bukuyebwailimi makawala wala, kami lumkola makawala wala, e komwaidomi bukuninitinidesisi goli. 3 Taga kuvagaisi avai vavagi metoya mi kayapila, kaina paila uula magimi bukukwaluvalovasi. Mitaga bukumanumsi taitala baisa taitala, e tuta komwaidona bukudokaisi semia ikalisauwaimi wala. 4 Deli bukuyamataisi avaka bipilasi taitala baisa taitala semia si kaisisu. Gala goli bukuyamataisi avaka bipilasi mi kaisisu titoulemi wala. 5 Ibodi bukuyosisi ninami makawala Keriso Yesu nanola.
6 E tuta komwaidona matauna Yesu eikuli Yaubada
tomwaidona olumoulela titoulela.
Mitaga matauna gala inanamsa biyosikikiti mwada
biyovitavatasi sola Yaubada.
7 Kaimapula, iligaiwa la kaisisu walakaiwa, e iligabu titoulela,
e matauna imila towotetila.
Matauna imila tomota, e ikaloubusi migila makawala tomota.
8 Matauna iyominum titoulela, e ililoula okedala
kabikaula makadana bilokaia okaliga,
e la kaliga baisa wa korosi.
9 E baisa uula Yaubada ilupi matauna mapilana
odabala walakaiwa sainela,
e idoki yagala igaveka ikalisuwoli avai yegila tuwoli tuwoli.
10 Kidamwa komwaidosi bikamiabaisi Yesu yagala,
komwaidosi mina labuma, deli mina watanawa,
deli goli matausina ovalu watanawa osikowala.fBaisa si valu tomata.
Komwaidosi bikavaginasi, 2.10-11 Ais 45.23
11 deli bikamitulaisi mimilakatila kidamwa Yesu Keriso matauna Guyau,
baisa kala yakaula Yaubada Tamadasi.
Bukuyuwoulasi oluwalaisi mina watanawa makawala utuyam
12 Mapaila segwaia mina mbwailigu yokomi. Tuta komwaidona lokukwabikuwolaigusi tutala tasisuaisi deli. Mitaga baisa tuta goli kala siligaga baisa yokomi kukwabikuwolaigusi tutala asikaduwonaku metoya baisa yokomi. E bukuvigimkulovaisi mi katumova titoulemi, deli kami kokola e mi tatuva. 13 Paila Yaubada tuta komwaidona ipupaisewa oninami, ivigakaimi totagwala deli tokwabikaula paila avaka magila.
14 Bukuvagaisi vavagi komwaidona gala deli tamapu kaina deli kominimani. 15 Kidamwa yokomi tobumaboma deli tomigileu bukusisuaisi baisa ovalu watanawa, yokomi goli Yaubada litula bwainigaga oluwalaisi toyodoudoga deli tommeikita. E ibodi bukuyuwoulasigibodi bukuyuwoulasi.Gagabila bitagini, “yokomi kuiyuwoulasi”. oluwalaisi matausina makawala utuyam ipipisisi walakaiwa, 2.15 Kak 32.5 16 e bukutugwalaisi baisa matausina bigala momova. Kidamwa bukuvagaisi makawala, bogwa bisim uula bakamnomwana paila yokomi ola YamhKugisi Pl 1.6 kala katumiki. Keriso. Paila baisa bikimitali kidamwa komwaidona ulo wotetila deli ulo paisewa gala wala ayomadaigu.
17 Kaina makateki goli buyavigu bibusi, e kaina makawala baligabu basemakavi omatala Yaubada, e bakatumkulovi mi dubumi la wotetila baisa matauna. E kidamwa makawala, yeigu bamwasawa e komwaidomi bukulumkolaisi ulo mwasawa. 18 E makawala goli yokomi deli, ibodaimi bukumwasawasi, e yeigu balumkoli mi mwasawa.
Timoti deli Epapiradaito
19 Apikwaku baisa Guyau Yesu kidamwa makateki gagabila bawitali TimotiiKugisi Pl 1.1 kala katumiki. biwokaiami, kidamwa bulogami biyomwasalaigu. 20 Mesinaku matauna Timoti wala kala lumkola makawala agu lumkola. Matauna wala gagabila binanamsa avaka bibodaimi. 21 Komwaidosi goli ininanamsasi paila titoulesi avaka iuvagaisi, e gala ininanamsasi paila uvagila Yesu Keriso. 22 Mapaila yokomi titoulemi kunikolaisi ammakawala mtona eikimitali kala bwaina. Paila matauna deli yeigu, makawala tau sola latula gulitinidesi kawotetila paila wala Bulogala Bwaina bisiniveka. 23 Mapaila apikwaku makateki bawitali matauna biwokaiami, igau goli avai tuta banikoli avai vavagi yeigu baboda. 24 Paila adubumi Guyau kidamwa yeigu titoulegu gagabila bananakwa bawokaiami.
25 E yeigu ladoki ibodi wala bawitali sodasi EpapiradaitojMatauna eikeula semakavi makwaina mina Pilipai eisakaisi Paulo (kugisi Pl 4.18); e wa tuta matutona bikaimilavau mapilana Pilipai bikokeula si leta. biwokaiami. E matauna eiwotetila deli eikabilia otaligu. E yokomi lokuvigakaisi matauna mi touwata e ipilasaigu. 26 E matauna saina magila bigisaimi komwaidomi e saina inokubukubu paila uula yokomi lokulagaisi kala katoula. 27 E mokwita eikatoula, e makateki bikaliga. Mitaga Yaubada bogwa inokapisi matauna, e gala inokapisi wala matauna mitaga yeigu tuvaila, mwada gala balumkoli nanogu kala mmayuyu sainela. 28 E yeigu asalau mwada bawitali matauna biwokaiami, kidamwa yokomi bukumwasawasi tuvaila avai tuta bukugisaisi matauna, e yeigu nanogu kala mmayuyu bitamwau wala. 29 E bukubodaisi matauna deli mi mwasawa, paila matauna sami metoya ola vasosu Guyau. Availa availa makawala matauna bukukwamiabaisi wala, 30 uula matauna ikasali titoulela la momova baisa katitaikina bikaliga, paila uula kala wotetila Keriso. Paila matauna magila wala bisakaigu pilasi makwaina avaka gala igagabila yokomi titoulemi bukusakaigusi.
f2:10 Baisa si valu tomata.
2:10 2.10-11 Ais 45.23
g2:15 ibodi bukuyuwoulasi.Gagabila bitagini, “yokomi kuiyuwoulasi”.
2:15 2.15 Kak 32.5
h2:16 Kugisi Pl 1.6 kala katumiki.
i2:19 Kugisi Pl 1.1 kala katumiki.
j2:25 Matauna eikeula semakavi makwaina mina Pilipai eisakaisi Paulo (kugisi Pl 4.18); e wa tuta matutona bikaimilavau mapilana Pilipai bikokeula si leta.