18
Debida kala wosi paila tomgwagaqDebida iwosi mapilana baisa Guyau wa yam makwaina Guyau eikoli matauna metoya baisa Saulo deli matausina kala tilaula.
(2 Sml 22.1-51)
1 Mwa Guyau! Saina ayebwailim!
Yoku wala agu tokwala.
2 Guyau matauna ulo vayoula.
Matauna agu kwali kwaipeula.
Ulo Yaubada matauna ulo kabokwala,
e kidamwa basisu deli matauna, gala wala basilagi.
Matauna itabodaigu makawala vayoula.
Matauna ikolaigu e gala goli basilagi.
3 Adou baisa Guyau,
e matauna ikolaigu metoya agu tilaula.
Kala yakaula Guyau!
4 Kabokaliga bogwa eivaulaigusi eivapataigusi,
e kaisaila katumata ikikawoulasi e ikubolaigusi.
5 Kabokaliga bogwa eivaulaigusi,
e laka eileiya agu sikula.
6 Ogu tuta mwau adou baisa Guyau.
Adou baisa ulo Yaubada paila pilasi.
Matauna ola Bwala KwebumabomarBaisa Yaubada la Bwala Kwebumaboma walakaiwa wa labuma. ilagi kaigagu
e inakaigali ulo dou paila pilasi.
7 E oluvi valu watanawa immotatina deli iigayega.
Tumilesi koya makwaisina iigayegasi deli immolikusi,
paila Yaubada bogwa eigibuluwa.
8 Mseu iyoulapula metoya okabulula,
e kovasupa deli pwanosi kwelululu iyoulapulasi metoya owodola.
9 Matauna ikopwali gawata e ibusi ima
deli lowalowa piladudubila okwaibakwaila.
10 Isila otapwala natana bubuli isim pinupanela,sMinana iyuuyausa omatala ola takaikaia Yaubada wa labuma (kugisi Isi 1.5-14; 10.21); mitaga nayu tuvaila odabala makwaina Kabutu Didawogala eikibubotaisi Yaubada la takaikaia baisa ovalu watanawa (kugisi 1 Gwe 6.23-26; 2 Sml 6.2; 2 Gwe 19.15).
e saina nanakwa leima.
E yagila ivigaki pinupanela leimakaiagu.
11 Ivakanunuvi titoulela metoya odudubila,
e lowalowa saina pilapupoupou ikasewoki sopi ikubolaisi matauna,
12 Kuna kwekulokula deli mayela kova
iviloubusisi metoya kavikavila makwaina ikukugwai matauna,
e iloupwali lowalowa mapilasina piladudubila.
13 E Guyau ibutupilapala metoya ogawata,
e kaigala matauna Towalakaiwa SainelatKugisi Sam 7.17. iyoulapula.
14 Ilavi la kaiyala ikaligigai kala tilaula.
Ibokavili matausina metoya olumalamela kavikavila.
15 Mwa Guyau! Tuta makwaina lokukwamitilaki kam tilaula,
e lokuweyabolu baisa matausina deli m gibuluwa,
e tukutaku omilaveta eimidakopwa
deli valu watanawa tumalelauIdokaisi Yaubada eibubuli valu watanawa odabala kokola, e makaisina tumilesi osikowalʹo otulubwabwau. Kugisi kaikobula deli kala katumiki Vit 7.11, e tuvaila Yob 38.16; Sam 24.2. ikatukuluvi.
16 Guyau ikalakova metoya walakaiwa e ilitakaigu.
Ibiaigu ayoulapula metoya otulubwabwau.
17 Matauna ikolaigu metoya agu tilaula saina topapeula,
e deli goli metoya matausina komwaidosi ivigakaigusi tokukolosi.
Paila matausina eipeulasi eikalisauwaigusi.
18 Ogu tuta mwau imaisi mwada biwaigusi
mitaga Guyau wala itabodaigu.
19 Matauna ipilasaigu metoya okabosilagi.
Ikolaigu paila yeigu ayomwasali matauna.
20 Guyau immapwaigu paila auvagi duwosisia.
Imitukwaiyaigu paila yeigu tobwaila wala.
21 Bogwa lakabikuwoli la Karaiwaga Guyau,
e gala wala atotubuloki ulo Yaubada.
22 Bogwa lakabikaula makwaisina la karaiwaga komwaidona,
e gala wala akoulovi la karaiwaga.
23 Matauna bogwa inikoli gala avaka agu pakula,
e yeigu gala atugwalaigu baisa uvagila sula.
24 E mapaila immapwaigu uula auvagi avaka duwosisia,
paila inikoli yeigu tobwaila wala.
25 Mwa Guyau! Yoku kukimidagi availa availa matausina ikimidagaimsi,
e kuuvagi saina bwaina sainela baisa matausina si bubunela bwainawokuva wala.
26 Yoku tomigileu baisa matausina availa availa tomigileu,
mitaga kam gigisa gibu wala baisa matausina tomitugaga.
27 Kukwatumovi matausina availa availa ninasi watanawa,
Mitaga kuvabu availa availa matausina ninasi walakaiwa.
28 O Guyau, lokusakaigu lumalama.vLumalama baisa kabutuvitusila momova deli mitakwai.
Yoku m lumalama ititapi ulo dudubila.
29 Yoku kusakaigu peula paila bawaiya agu tilaula,
deli kusakaigu peuligaga paila bakodidaimi agu tilaula kasi taboda.
30 Matauwena Yaubada! O isa bwainigaga avaka avaka eiuvagi!
Ibodi bitadubumaisi la biga!
Matauna makawala kavitala vayoula
paila matausina availa availa inevisi kabokwala baisa matauna.
31 Guyau matauna kalamwaleta wala Yaubada.
Yaubada wala kalamwaleta kada tabodasi.
32 Matauna wala Yaubada ivigakaigu lapapeula.
Matauna iiyamati ulo keda e gala basilagi.
33 Matauna ivigakaigu baloula oraibwaga makawala ugiwagi,
e makawala ikolaigu wa koya makwaisina. 18.33 Aba 3.19
34 Matauna ivakadaigu kidikedala kabilia,
mapaila baisa ibodaigu bakabi kaiyala.
35 Mwa Guyau! Kutabodaigu e deli kukolaigu.
M yamata ivigakaigu bogwa latodabala,
deli m peuligaga ikolaigu tuta komwaidona.
36 Yoku gala kutagwala availa bikatupipaigu,
e mauula gala avai tuta akapusi.
37 Avakuli wala agu tilaula e bayosi matausina,
e gala wala basim tatoula wala bamtuli matausina.
38 Awaiya matausina ikapusisi, e gala ibodi bitokaiasi.
Ikanukwenusi wala omatagu, paila bogwa lakalisau matausina.
39 Yoku bogwa kukwatupewolaigu okabilia,
e latomgwaga odubasi agu tilaula.
40 Kuvigaki agu tilaula bisakaulasi metoya baisa yeigu,
e amtuli matausina availa availa eivigakaigusi tokukolosi.
41 Idousi paila pilasi, mitaga gala wala availa bikoli matausina.
Idousi baisa Guyau mitaga gala wala itama.
42 Akomtumtu matausina e ivigaki makawala tubumyou
avaka yagila biyuvisau bilau.
Avapupoi matausina makawala pwadidiweta olopola keda.
43 Yoku kukolaigu metoya baisa tomota matausina tokosomapu,wMatausina goli guyau Debida la tomota tatoula.
deli kuvigakaigu batokwaraiwaga odubasi boda ituwoli ituwoli.
Tomota matausina gala anikoli baisa tuta bogwa lavigaki agu viloumgwa.
44 Togilagala ikululusi omatagu.
Avai tuta bilagaigusi, matausina bikabikaulasi.
45 Bikitumouwaisi si tuvaluwa,
e deli si tatuva bisunapulasi metoya okasi kali kwepapeula.
46 Guyau matauna Tomomova goli!
Kala yakaula matauna agu taboda!
Kala kavisi matauna Yaubada Tovakaigaga, matauna ikolaigu.
47 Ivigakaigu atomgwaga odubasi agu tilaula,
e ivabu boda ituwoli ituwoli osikowagu
48 deli ikolaigu metoya ogu tounakaiyala.
Mwa Guyau! Yoku lokuvigakaigu latomgwaga odubasi agu tilaula,
deli kutabodaigu metoya matausina togigasisi.
49 E baisa uula aiyakawolaim oluwalaisi boda ituwoli ituwoli.
Ausiwosi kam yakaula. 18.49 Rm 15.9
50 Yaubada ivigaki la guyau matauna bitomgwaga mokwita,
e iyomitali la mitakwai baisa matauna availa bogwa einagi.
Iyomitali la mitakwai kwekanigaga baisa yeigu Debida deli goli dalegu.
q^ Debida iwosi mapilana baisa Guyau wa yam makwaina Guyau eikoli matauna metoya baisa Saulo deli matausina kala tilaula.
r18:6 Baisa Yaubada la Bwala Kwebumaboma walakaiwa wa labuma.
s18:10 Minana iyuuyausa omatala ola takaikaia Yaubada wa labuma (kugisi Isi 1.5-14; 10.21); mitaga nayu tuvaila odabala makwaina Kabutu Didawogala eikibubotaisi Yaubada la takaikaia baisa ovalu watanawa (kugisi 1 Gwe 6.23-26; 2 Sml 6.2; 2 Gwe 19.15).
t18:13 Kugisi Sam 7.17.
u18:15 Idokaisi Yaubada eibubuli valu watanawa odabala kokola, e makaisina tumilesi osikowalʹo otulubwabwau. Kugisi kaikobula deli kala katumiki Vit 7.11, e tuvaila Yob 38.16; Sam 24.2.
v18:28 Lumalama baisa kabutuvitusila momova deli mitakwai.
18:33 18.33 Aba 3.19
w18:43 Matausina goli guyau Debida la tomota tatoula.
18:49 18.49 Rm 15.9