22
Taitala idoudou deli kala kaikai nanola, e oluvi iwosi wosila yakaula
1 Ulo Yaubada, ulo Yaubada,zMabigasina Yesu eidou metoya wa korose; kugisi Md 27.46; Mk 15.34. avaka dimlela lokusilavaigu?
Deli kala kaikai nanogu ladou paila pilasi,
mitaga gala wala abani avaka. 22.1 Md 27.46; Mk 15.34
2 Wa yam adidouwaim yoku ulo Yaubada,
mitaga gala wala kuvitakaula.
Wa bogi adoudou,
mitaga gala wala abani vaiwasi.
3 Mitaga yoku om takaikaia idokaimsi Tobumaboma,
e yoku goli mina Isireli iyakawolaimsi.
4 Tubumaiasi eidubumaimsi.
Eidubumaimsi, e yoku kukoli matausina.
5 Eidousi baisa yoku, e kukoli matausina.
Matausina eidubumaimsi, e gala wala avaka biyomwau ninasi.
6 Mitaga yeigu gala tuvaila bukudokaigusi taitala tau.
Yeigu mwatemwata wala,
e komwaidosi ikaluwouwaigusi ikavilivilaigusi wala!
7 Availa availa igigisaigusi iyosokanaigusi.
Ikanumonumsasi mayesi, deli dubasi ikatugougeunasi. 22.7 Md 27.39; Mk 15.29; Lk 23.35
8 Kawasi, “Mm! Ka, lokukwakana baisa Guyau.
Avakaga uula gala bikolaim?aYesu kala tilaula eilivalasi mailana mailela wa tuta matutona eikatudeuwaisi matauna wa korose; kugisi Md 27.41-43.
Kidamwa Guyau bogwa idokaim tombwailila yoku,
Avakaga uula gala bipilasaim? Weei!” 22.8 Md 27.43
9 Ogu tuta kaloubusi, yoku goli kuyomovaigu,
e ogu tuta pwapwawa yoku goli lokuyamataigu.
10 Igau ogu yam kaloubusi e lagaila, lakakana wala baisa yoku.
e yoku goli ulo Yaubada tuta komwaidona.
11 Taga kusikaduwonaku metoya baisa yeigu,
paila makateki baboda mwau,
e gala availa isisu paila bipilasaigu.
12 Tilaula bidubadu ititoulaigusi,
makawala bulumakaubMapilana Basani mnumonula saina bwaina ibudoki bulumakau bikaitubwasi sainela. nammwala bitoulaisi avaka mwada bivapupoiyaisi.
Ititoulaigusi makawala mina Basani si bulumakau nammwala,
minasina saina nagigasisi goli.
13 Wodosi ikapogegasi makawala udosi laiyoni,
e iguguvavilasi mwada bigadaigusi.
14 Ulo peula bogwa leiwokuva,
makawala takatusou sopi bila opwaipwaia, e nani bitamwau.
Tutuwanegu komwaidona ikasakalasi,
e ikiuta nanogu sainela.
15 Ipakalaki kaiyogu agu daka goli,
e mayegu ikapituki tubokawagu,
e kudoki bogwa lakaliga e kusilavaigu wala.
16 Budotala tomitugaga itoulaigusi,
e makawala yuwotala kaukwa ivevasi imakaiagusi
e igigadaisi yamagu deli kaikegu.
17 Tutuwanegu komwaidona isisilasi wala.
Agu tilaula itobu mitasi igigisaigusi.
18 Ikowobobutasi paila agu kwama,
e isigalaisi miyasina oluwalaisi. 22.18 Md 27.35; Mk 15.24; Lk 23.34; Yn 19.24
19 E Guyau, taga kusikaduwonaku metoya baisa yeigu.
Nani goli bukumakaiagu kukolaigu.
20 Bukukolaigu kidamwa gala basilagi metoya opuluta.
Kukolaigu metoya minasina kaukwa nagigasisi.
21 Bukukolaigu metoya minasina laiyoni.
Bogwa goli bukukolaigu metoya minasina bulumakau nammwala nagigasisi.
22 Bogwa baluki ulo tomota avaka lokuvagi,
e bayakawolaim osi tuta sigugula.cBaisa otutala tapwaroru olumoulela Bwala Kwebumaboma; kugisi tuvaila mailela 25.22.22 Ib 2.12
23 Kawagu, “Tauwau, yokomi Guyau la towotetila - ka, kuyakawolaisi matauna.
Yokomi Yekobe dalela, kutemmalaisi matauna,
e yokomi mina Isireli, kutapwarorusi baisa matauna.
24 Matauna gala wala bigigisaki tonamakava,
kaina bilumwelavi kasi mmayuyu.
Avai tuta idousi baisa matauna paila pilasi,
gala wala bitotubuloki matausina.
Bogwa bimapu si nigada e bipilasi wala.”
25 Osigugula kwaiveka bayakawolaim paila avaka lokuvagi.
Omitasi totapwaroru matausina balula avaka bogwa lakatotila.
26 Tonamakava bikamsi bikomatasi metoya lula makwaina.dBaisa Kalubaila Lulela; wa tuta makwaina kabilatala wala mauna bigabwaisi okabolula, e kesala tobobawa bikamsi wa Bwala Kwebumaboma; kugisi Tol 3.1-5.
Availa availa bimakaiasi Guyau biyakawolaisi matauna.
Ibodi biyubwailasi si guguwa bidubadu, e gala wala biwokuva.
27 Komwaidona boda ituwoli ituwoli biluluwaisi Guyau.
Tomota metoyasi ambaisa ambaisa ovalu watanawa bitovilasi baisa matauna.
Tomota komwaidosi avai migila avai migila bitapwarorusi baisa matauna.
28 Paila Guyau Yaubada matauna Guyau,
e iguguyoi boda ituwoli ituwoli.
29 Tokamnomwana komwaidosi bikavaginasi baisa matauna.
Komwaidosi mina watanawa bogwa bikavaginasi baisa omatala matauna.
30 Tubwa matubosina igau bikaloubusisi biwotitalaisi matauna.
Tomota bililivalasi paila Guyau baisa matubona oluvi.
31 Tomota igau gala bikaloubusisi,
matausina bogwa bilagaisi ammakawala Guyau eikoli la tomota.
z22:1 Mabigasina Yesu eidou metoya wa korose; kugisi Md 27.46; Mk 15.34.
22:1 22.1 Md 27.46; Mk 15.34
22:7 22.7 Md 27.39; Mk 15.29; Lk 23.35
a22:8 Yesu kala tilaula eilivalasi mailana mailela wa tuta matutona eikatudeuwaisi matauna wa korose; kugisi Md 27.41-43.
22:8 22.8 Md 27.43
b22:12 Mapilana Basani mnumonula saina bwaina ibudoki bulumakau bikaitubwasi sainela.
22:18 22.18 Md 27.35; Mk 15.24; Lk 23.34; Yn 19.24
c22:22 Baisa otutala tapwaroru olumoulela Bwala Kwebumaboma; kugisi tuvaila mailela 25.
22:22 22.22 Ib 2.12
d22:26 Baisa Kalubaila Lulela; wa tuta makwaina kabilatala wala mauna bigabwaisi okabolula, e kesala tobobawa bikamsi wa Bwala Kwebumaboma; kugisi Tol 3.1-5.