32
Mitugaga kala kamatula e kala ligaiwa
1 Bitamwasawa kidamwa Yaubada biligaiwa da mitugaga,
deli biligaiwa da sula bidubadu. 32.1-2 Rm 4.7-8
2 Bitamwasawa kidamwa Guyau gala bikamituli da sula,
e gala goli takiumsi avai sopa.
3 Avai tuta gala akamituli ulo mitugaga,
e asomata wala valam yam komwaidona.
4 E Guyau, yam deli bogi kumipukwaigu.eKaina eiboda lelia mwau e idoki Yaubada immipuki matauna makawala.
Ulo peula komwaidona eitamwau,
makawala kalasia ivakai dumia pwaipwayela.
5 Oluvi akamituli ulo mitugaga baisa yoku,
gala wala akatupwani makwaisina ulo sula.
Anagi bakamituli baisa yoku,
e yoku lokuligaiwa komwaidona ulo mitugaga. 32.5 2 Sml 12.13
6 E ibodi m tomota mina katalova komwaidosi
binigadasi makawala baisa yoku osi tuta mwau,
e avai tuta bidubadu vavagi mwau biviloubusi,
vavagi makwaisina gala wala bimakaia matausina.
7 Yoku ulo kabosipepuni.
Bogwa bukukolaigu e gala baboda avai vavagi mwau.
E awosi saina peula paila m kwatumova,
paila yoku kuyamataigu wala.
8 E Guyau ikaibiga kawala, “Bogwa bavitulokaim
e bakamitububuli avai keda ibodaim bukuloula.
E yeigu bakatululutaim.
9 Gala ibodi bukuvigakaimi makawala wosa kaina miuli,
paila minasina gala isim ninasi.
Minasina ibodi kabokuliga bisisu oudosi
e tokuliga bikaraiwogi minasina si liloula.”
10 Tomitugaga ibodi bilumkolaisi mmayuyu sainela.
Mitaga matausina availa availa idubumaisi Guyau
bogwa bikwalasi ola mitakwai.
11 Yokomi tomitukwaibwaila
bukumwasawasi e bukukwaimwanasi
paila uula vavagi makwaisina
avaka Guyau bogwa eivagi.
E yokomi availa availa kukwabikuwolaisi matauna bukugovasi deli mwasawa.