40
Wosila yakaula
1 Yeigu avinagai paila Guyau la pilasi,
e inakaigalaigu goli, ilagi ulo dou.
2 Ikatusunupuloiyaigu metoya makwaina mlopu
mwada gala basalili opwadidiweta saina sunusonu.
Isailigu odukutotu e bogwa labwaina,
e gagabila baliloula bwaina.
3 Ivitulokaigu agu wosi pilavau kidamwa bawosi,
e mapilana goli wosila yakaula paila da Yaubadasi.
Bidubadu tomota bigisaisi baisa
e bogwa bidubumaisi Guyau.
4 Bitamwasawa kidamwa tadubumi Guyau,
e gala wala tatovila mwada bitatemmali avai tokolu,
kainaga bitatoulala osi tapwaroru matausina ititapwarorusi baisa yaubada sasopa.
5 Mwa! Guyau ma Yaubadasi, saina bidubadu m mitakwai baisa yakamaisi.
Gala goli taitala bipataim!
Bidubadu vavagi bogwa lokunigibau paila wala yakamaisi.
E kidamwa bavitouula lilivala paila makwaisina,
gala wala bavinaku, paila saina bidugaga!
6 Yoku gala magim lula kaina semakavi.
Gala magim bakagabwaisi mauna namwaidona okabolula,
e gala wala magim avai lula mwada mitugaga kala ligaiwa.
Kaimapula goli lokusakaigu taigagu,vMakawala goli gagabila bilagi kala karaiwaga e bikabikaula baisa Yaubada. kidamwa baligimlilaim, 40.6-8 Ib 10.5-7
7 e mapaila avitakaulokaim kawagu, “Mayeigu ka!
Lokusakaigu mapilana bukila Guyau la Karaiwaga,
e olumoulela mapilana bogwa babani agu kwatuloluta.
8 E mwa! Yaubada, nanom baisa kwembwailigu,
e m vituloki akakabikaula baisa onanogu.”
9 E Guyau, bogwa lakamituli bulogala bwaina kidamwa yoku kukolaimasi,
e akamituli osi sigugulawKugisi Sam 26.12. m tomota komwaidona.
Ka, yoku kunikolibogwi kidamwa gala wala avai tuta basim kamatula paila makwaina.
10 Gala ayusi bulogala katumova paila titoulegu wala.
Tuta tuta lalilivala paila yoku tokimadagi deli topilasi.
Osi sigugula komwaidosi m tomota gala wala akapatu,
mitaga lalilivala paila m giyoubwaila deli m mitakwai.
11 E Guyau, anikoli kidamwa gala kwaitala tuta bukusaim m nokapisi baisa yeigu.
Paila yoku m giyoubwaila deli m yebwaili bikolaigu tuta komwaidona.
Nigada paila pilasi
(Sam 70)
12 Bidubadu vavagi mwau ititoulaigusi,
e gala goli gagabila bakalau!
Komwaidona ulo mitugaga eiyosaigusi,
e gala gagabila bagisi avaka.xKala mmayuyu sainela ivigaki saina uvalam isapila matala, mauula gala gagabila bigisi avaka; kugisi Sam 6.7.
Mitugaga makwaisina kasi bawa ikalisau kala bawa kulugu,
e ulo tuvaluwa bogwa eitamwau.
13 Mwa Guyau! Kukwatumovaigu! Tuta baisa wala bukupilasaigu!
14 Ibodi matausina availa availa mwada bikatumataigusi
bimamasi deli bitakainowasi.
Ibodi matausina availa availa imwasawasi paila uula yeigu aboda mwau,
bitovilasi bikaimilavausi deli kasi mmosila.
15 Ibodi matausina availa availa iyosokanaigusi,
biyowa luposi sainela paila leimamasi.
16 Ibodi komwaidosi availa availa imakaiamsi
bimwasawasi deli ninasi kala mwamwasila.
Ibodi komwaidosi availa availa ilivalasi biga nokagutoki paila m kwatumova
tuta tuta bililivalasi kawasi, “O Guyau, saina Tovakaigaga yoku!”
17 E Guyau, yeigu tomama e tonamakava goli yeigu,
mitaga yoku gala kulumwelavaigu.
Yoku agu tokwatumova e ulo Yaubada yoku.
Mwa! Nani bukuma kupilasaigu!