51
Nigada paila mitugaga kala ligaiwa
1 Mwa Yaubada! Bukunokapisaigu,
paila yoku saina tomitakwai.
Metoya om nokapisi kwaiveka
bukuligaiwa komwaidona ulo mitugaga.
2 Bukuwinisau ulo mitugaga komwaidona
e bukukwatumigileuwaigu metoya ogu mitugaga!
3 Bogwa lavitoki tolosila agu pakula.
e tuta tuta aninamsi makwaisina ulo mitugaga.
4 Bogwa lasula baisa yoku, kammwaleta wala yoku,
e lavagi baisa avaka yoku kudoki mitugaga.
E mauula kuyakalaigu, e m yakala baisa duwosisia.
Lokukwamogaigu, e ibodi goli bukuvagi baisa. 51.4 Rm 3.4
5 Yeigu tomitugaga metoya ogu tuta kaloubusi.
Ka, metoya ogu yam kaloubusi yeigu asulosula goli.
6 Bubunela kamokwita deli biga mokwita, baisa goli magim.
Ibodi bitapuloki nanogu m kwabitam.
7 Kukwau ulo mitugaga e bogwa bamigileu.
Kuvakakaiyaigu e yeigu bamigileu tomwaidogu.
8 Mokwita yoku lokuyomami wowogu deli kukimkumkwaigu.
mitaga kutagwala balagi butula mwasawa
e yeigu bogwa bamwasawa tuvaila.
9 Taga bukugisi ulo mitugaga,
e bukuligaiwa ulo mitugaga komwaidona.
10 Mwa Yaubada! Bukububuli nona migileu olumoulegu,
e bukuvigakaigu batovau deli bakatalova.
11 Gala bukuyabaigu metoya omatam,
e gala bukukwau m baloma tobumabomaoBaisa Yaubada la peula ikatumovi deli iyomwasali komwaidosi mina watanawa. metoya baisa yeigu.
12 Bukutagwala babani tuvaila mwasawa metoya om kwatumova,
e kupilasaigu kidamwa batugwalaigu tomwaidogu e bakabikuwolaim goli.
13 E mapaila bavituloki makwaisina m kwaraiwaga baisa tomitugaga,
e bininavilasi goli baisa yoku.
14 Mwa Guyau! Kukoli ulo momova, e bukukwatumovaigu,
e deli nanogu kala mwamwasila bakamituli m mitakwai.
15 E Guyau, kuulaim wodogu
e bogwa bayakawolaim.
16 Yoku gala wala magim lula,
kaina goli bagabu lula baisa yoku.
Lula kwegubugabu gala wala biyomwasali nanom.
17 Mwa Yaubada! Nanogu kala manum baisa lavigaki ulo lula baisa yoku.
Gala bukupaiki avai toninavila kidamwa deli nanola manum biwokaiam.
18 Mwa Yaubada! Bukumitukwaii mapilana Saiyoni, e bukupilasi makwaina valu.
Kukwaliivau kalila mapilana Yerusalem.
19 E oluvi bakalulasi lulatoula deli lula kwegubugabu,
e baisa goli biyomwasali nanom.
E bakagabwaisi bulumakau nammwala om kwabolula.