53
Tomota si mitugaga
(Sam 14)
1 Tobubeikam ininamsaisi titoulesi kawasi,
“Yaubada gala wala avaka!”rKugisi Sam 14.1 deli kala katumiki.
Komwaidosi matausina saina gaga,
e ivagaisi vavagi makwaisina kabokakayuwa.
Gala avai tomota isisu tomitukwaibwaila. 53.1-3 Rm 3.10-12
2 Yaubada wa labuma ikululuki mina watanawa,
mwada bigisi availa isisu tokabitam,
e availa ititapwaroru baisa matauna.
3 Mitaga komwaidosi wala bogwa eisulasi,
komwaidosi goli kasi gaga makawala wala.
Gala avai tomota isisu tomitukwaibwaila, gala goli availa.
4 E Yaubada ikatupoi kawala, “Ki, kaina gala inikolaisi?
Ki, tomitugaga komwaidosi matausina tobubeikam wala?
Paila ititakunasi kʹasi metoya ililebwaisi ulo tomota,
e gala avai tuta bininigadasi baisa yeigu.”
5 Igau wala matausina bikokoluvagasisi,
gala avai tuta omitibogwa ilumkolaisi makawala.
Paila Yaubada bikatugai totuwanesi la tomota kasi tilaula.
Yaubada ikoulovi matausina,
e mapaila mina Isireli bitomgwagasi odubasi.
6 Baisa ulo nigada, kidamwa mina Isireli
bibanaisi si tomgwaga bima metoya mapilana Saiyoni.sKugisi Sam 2.6.
E matutona Guyau bimitukwaii mina Isireli tuvaila,
e bogwa goli bimwasawasi, si mwasawa saina kwevakaigaga.