71
Taitala tomoya la nigada
Mwa Guyau! Bogwa lamakaiam paila bukukolaigu.
Gala avai tuta bukutugwalaigu mwada bamama!
Kupilasaigu deli kukolaigu, paila yoku saina tomitukwaibwaila.
Kunakaigalaigu e kukwatumovaigu!
Bukuvigakaim ulo kabokwala bwaina,
deli makawala bolela kabilia kwaipeula paila bukukolaigu.
Yoku wala agu tokwala deli agu taboda.
 
Mwa! Ulo Yaubada, kukolaigu metoya oyumasi tomitugaga,
metoya osi peula matausina tovakatutuki deli tovagisi gaga.
Mwa Guyau! Lapikwakwaim goli.
Igau otubovaugu e leima lagaila, yeigu bogwa wala ladubumaim.
Ogu tuta komwaidona lakakana baisa wala yoku.
Tutala yam makwaina lakaloubusi leima lagaila, yoku bogwa kutabodaigu.
E tuta komwaidona bayakawolaim wala.
 
Ulo bubunela bivigaki si kabogigisat kabogigisa.Gagabila bitagini, “katuloluta”. tomota bidubadu,
uula wala yoku agu taboda topeula.
Yam komwaidona ayakawolaim,
e akamituli m guyugwayu.
Mapaila tuta baisa taga bukupakaigu paila uula bogwa latomoya,
e gala bukusilavaigu paila uula bogwa lakabikaitukwa.
10 Agu tilaula ililivalasi deli ikeiwalaigusi,
magisi wala bikatumataigusi.
11 Mapaila ikaibigasi kawasi, “Yaubada bogwa eisilavi matauna,
e ibodi wala bitalokaiasi matauna e bitayosisi,
paila gala wala availa bikoli matauna.”
 
12 Mwa Yaubada! Taga kusikaduwonaku metoya baisa yeigu.
Ulo Yaubada, nani kuma kupilasaigu!
13 Ibodi availa availa matausina mwada biwaigusi
bimamasi deli bidoumsi.
Ibodi availa availa matausina mwada biyomiyuyaigusi
biuliki wala kasi mmosila.
14 Tuta komwaidona apikwakwaim goli,
e tuta tuta ulo yakaula bakatumkulovi wala.
15 Bakamituli wala m bobwailila,
e yam kwemwaidona balilivali wala m kwatumova,
ilagoli ulo kateta pikekita wala.
16 Guyau Yaubada, bayakawoli wala m peula,
e bakamituli m bobwailila, e kalamwaleta wala m bobwailila.
 
17 Yoku wala lokuvitulokaigu igau otubovaugu e leima lagaila,
e yam lagaila asetuwoli alilivala paila vavagi makwaisina kabokatubau lokuuvagi.
18 E tuta baisa bogwa latomoya deli bogwa lakasousou.
Mwa Yaubada! Taga kusilavaigu!
Kusikailigu wala e yeigu bakakamituli wala m peuligaga
baisa komwaidona tubwa matubosina igau bimaisi.
 
19 O Yaubada, m mitukwaibwaila ila isakaila gawata.
Yoku bogwa lokuvagi vavagi siligaga,
e gala wala availa makawala yoku.
20 Yoku bogwa lokusakaigu agu mwau deli agu mmayuyu,
mitaga igau bukukwaimilivau ulo peula.
Yoku goli bukukwaliduboli agu laka.
21 Yoku bogwa bukuvasiganaigu gala makawala omitibogwa,
e yoku goli bukuvisimolaigu.
 
22 Ulo Yaubada, yeigu bogwala eimati bayakawolaim metoya wa gita.
Bayakawoli m kimadagi,
e ogu gita yeigu bawawai deli wosila tapwaroru baisa yoku,
yoku goli mina Isireli si Tobumaboma.
23 Yeigu bagougova deli ulo mwasawa tutala awawai gita paila yoku,
e tomwaidogu goli bawosi,
paila yoku bogwa lokukolaigu.
24 Yeigu balilivala wala paila m mitukwaibwaila yam kwemwaidona,
paila uula matausina availa availa mwada biyogagaigusi
bogwa goli eimamasi deli eimmosilasi.

t71:7 kabogigisa.Gagabila bitagini, “katuloluta”.