78
Yaubada deli la tomota
1 Ulo tomota, kulagaisi ulo vituloki,
e kunakaigalaisi bibwaina avaka balivali.
2 E yeigu ibodi babigitomoya
deli bakatumiki vavagi kwekatupwana omitibogwa, 78.2 Md 13.35
3 vavagi makwaisina bogwa talagaisi deli tanikolaisi,
vavagi makwaisina tumidaiasi bogwa eilukwaidasi.
4 Gala ibodi bitakatupwanaisi metoya olitudoiasi.
Bitalivalaisi makwaisina baisa tubwa matubona igau bima,
bitalivalasi avaka Guyau la peula deli vavagi topilaveka
deli kabokatubau avaka bogwa leivagi.
5 Matauna isisaiki karaiwaga makwaisina baisa mina Isireli,
deli la karaiwaga isim kala ginigini baisa dalela Yekobe.
E ikatululuti tubudoiasi
paila bivitulokaisi makwaisina la karaiwaga baisa litusia,
6 mapaila baisa tubwa matubona igau bima ibodi bitakutaisi makwaisina,
mwada igau tuta bima ibodi bilukwaisi baisa litusia.hPaila mailela 5-6, kugisi Kak 6.6-7.
7 E wa keda makadana wala matausina deli goli bidubumaisi baisa Yaubada,
e gala bilumwelavaisi avaka bogwa leivagi,
mitaga tuta komwaidona bikabikuwolaisi makwaisina la katuloluta.
8 E matausina gala bivagaisi makawala tubusia,
saina tokosomapu deli tokowolova goli.
Matausina tobubogwa si dubumi baisa Yaubada iigayega wala,
e gala wala itotusi peula deli si kimadagi baisa Yaubada.
9 Mina Epereim ikapupaiyaisi si kaiyala
mitaga isakaulasi wala oyamla kabilia.
10 E gala sitana ivagaisi makawala si kabutuiKugisi Sam 25.10. deli Yaubada,
e ipakaisi bikabikuwolaisi la Karaiwaga.
11 Ilumwelavaisi avaka matauna bogwa leivagi,
e kabutuvatusi makwaisina avaka bogwa eigisaki mitasi.
12 Wa tuta makwaina tubusia eigigisaisi,
Yaubada eiuvagi kabutuvatusi makwaisinajMakwaisina vavagi mwau eikaloubusi baisa mina Itipita; kugisi mailela 43-51.
mapilana oitayatilela Sowana isisu mapilana valu Itipita. 78.12 Sun 7.8—12.32
13 Ivigaki bolita bitabai e iluvipeili matausina oluwalela goli,
e ivigaki sopi itolisi makawala tabodala bwala. 78.13 Sun 14.21-22
14 Wa yam ikugwai matausina metoya olowalowa,
e wa bogi kwemwaidona metoya ovisigala kova. 78.14 Sun 13.21-22
15 Ikatuvi dukutotu oviloupakala
e isaiki matausina kasi sopi metoya osikowala pwaipwaia. 78.15-16 Sun 17.1-7; Baw 20.2-13
16 Ivigaki sopi sumokainia iviloubusi metoya odukutotu,
e ititayelu makawala waya.
17 Mitaga isikileiwaisi wala mitugaga baisa Yaubada,
deli oviloupakala ikominimanisi baisa matauna saina Towalakaiwa.kKugisi Sam 7.17.
18 Matausina ininatalasi biwakolaisi Yaubada,
e ilukwaisi avai kaula magisi bikomasi. 78.18-31 Sun 16.2-15; Baw 11.4-23,31-35
19 Ikavilakaisi Yaubada kawasi,
“Ki, ibodi Yaubada bisakaidasi kaula oviloupakala?
20 Baisa biga mokwita matauna iwaiya dukutotu,
e sopi igiposisi.
Mitaga ki, ibodi bisakaidasi beredi
deli gwaba baisa yakidasi la tomota?”
21 Mapaila baisa Guyau igibuluwa avai tuta ilagi si biga,
e iwaiya la tomota metoya wa kova.
E la gibuluwa baisa matausina isisiniveka,
22 paila uula gala idubumaisi matauna,
deli gala idubumaisi paila bikatumovi matausina.
23 Mitaga iluki labuma walakaiwa,
e ikaraiwogi kala lulu bikapogegasi.
24 E isaiki matausina kaula metoya wa labuma,
e iwitali ididebwalisi mana paila matausina bikamsi. 78.24 Yn 6.31
25 Mapaila baisa mwada anelosi kʹasi eikomasiga,
deli Yaubada eisaiki komwaidona avaka magisi.
26 E tuvaila ivigaki yagila bomatu iuu,
deli metoya ola peula ikatumwali yagila bolimila.
27 E iwitali mauna baisa la tomota,
e kala bidubadu makawala kanakenuva okawolawa.
28 Ikapusisi olopola kabosikaiwa
deli ikanuulaisi buliyoyova ikanupataisi.
29 Mapaila baisa tomota ikamsi e ikomatasi.
Yaubada isaiki matausina avaka magisi.
30 Mitaga gala wala iukuwokuva kasi vikeiya,
mapaila iyayosasi wala kamkwam,
31 avai tuta Yaubada eigibuluwa baisa matausina
e ikatumati matausina dabala si wota,
e matausina si todabala tubovaula Isireli.
32 Mitaga tomota isikileiwaisi wala mitugaga,
kalubikoya eivagi la kabutuvatusi mitaga gala wala idubumaisi matauna.
33 Mapaila baisa ivigimkulovi si tuta makawala sivatala wala yagisa,
deli ikatumtuwoli matausina metoya osilagi.
34 E avai tuta wala bikatumati mimilisi,
e kesalaga komwaidosi bitovilakaisi matauna,
bininavilasi e bikayubabaisi baisa matauna.
35 Bogwa eiluwaisi mwada Yaubada matauna kasi tokwala,
e matauna Topeuligaga kasi topilasi.
36 Kasi udokaiwa wala ililivalasi,
mitaga si biga komwaidona sopawokuva wala.
37 Komwaidosi wala gala ikatilavaisi titoulesi baisa matauna,
e gala ivagaisi makawala si kabutu deli matauna. 78.37 VA 8.21
38 Mitaga Yaubada saina inokapisi la tomota,
iligaiwa si mitugaga
deli gala ikatumtuwoli matausina.
Sivabidubadu la gibuluwa ikiyumali,
deli iyosi kala leiya.
39 Iluluwai paila matausina mina watanawa wala,
kaina matausina makawala yagila biuu wala bima, biuyeiya.
40 Sivabidubadu ikosomapwaisi Guyau oviloupakala,
e sivabidubadu eiyomwauwaisi nanola!
41 Tuta tuta iwakolaisi wala Yaubada,
e isisakaisi kala mmayuyu matauna mina Isireli si Yaubada Tobumaboma.
42 Matausina bogwa eilumwelavaisi la peuligaga,
e ilumwelavaisi yam makwaina eikoli matausina metoya oyumasi kasi tilaula,
43 e deli ivagi vavagi topilaveka deli la kabutuvatusi
mapilana oitayatilela Sowana isisu mapilana valu Itipita.
44 Ikivili waya imili buyavi,
e mina Itipita gala wala sitana sopi paila bimomsi. 78.44 Sun 7.17-21
45 E iwitali nigunagu baisa matausina saina ikaiki uwosi,
e deli kumeu minasina iyogagaisi si valu. 78.45 Sun 8.1-6,20-24
46 E iwitali nipawa paila bikomasi si bagula,
e deli biyogagaisi kwabila. 78.46 Sun 10.12-15
47 Ikatumati matamsina si waini metoya kuna kwekulokula,
e deli si seuseu metoya wa numla. 78.47-48 Sun 9.22-25
48 Ikatumati si bulumakau metoya kuna kwekulokula,
e deli si sipi mayuwosina metoya kavikavila.
49 Ivigaki baisa matausina saina ninamwau kwaiveka,
e ikasau la gibuluwa deli la gidaleiya,
ivigaki la katumatila paila kaliga.
50 Gala goli ikiyumali kala leiya
kaina ikoli si momova,
mitaga ikatumtuwoli wala metoya wa lelia mwau.
51 Ikatumati si kuluta tauwau
komwaidona mina Itipita. 78.51 Sun 12.29
52 E oluvi ivakouli la tomota ivisunupuloi makawala taitala toyamata iiyamati la sipi,
e ivakadi matausina metoya oviloupakala. 78.52 Sun 13.17-22
53 Ivakouli matausina ilau mitilabi wala, e gala wala ikokolasi,
mitaga bolita itayelu ikeiita e ikuboli kasi tilaula. 78.53 Sun 14.26-28
54 Iviloubusii matausina baisa ola valu kwebumaboma,
baisa koya makwaisina Guyau titoulela eiyouli. 78.54 Sun 15.17; Yos 3.14-17
55 Ibokavili tomotala valu makwaina avai tuta la tomota eisuvaisi kulusi.
Ivili si pwaipwaia oluwalaisi dalela Isireli,
deli isaiki si bwala baisa la tomota. 78.55 Yos 11.16-23
56 Mitaga matausina ikosomapwaisi wala Yaubada Topeuligaga,
e iwakolaisi matauna.
Matausina gala ikabikuwolaisi la karaiwaga isim kala ginigini, 78.56 Tok 2.11-15
57 mitaga saina tokosomapu deli tokowolova makawala tumisia,
e gala isim kasi yeiwau, makawala kaiyala kaididoudoga.
58 Iyogibuluwaisi matauna metoya si kabotapwaroru baisa yaubada sasopa,
e metoya si tokolu iyuvaisi kala leiya.
59 Yaubada igibuluwa avai tuta eigisi makawala,
mapaila baisa ipakaivigasi wala la tomota.
60 Isilavi la buliyoyovalBaisa si kabotapwaroru. mapilana Sailo,mIgau gala bikaloubusi guyau Debida, mina Isireli idokaisi mapilana Sailo si kabotapwaroru; kugisi Yos 18.1; 1 Sml 1.3.
bwala makwaina ambaisa eisibogwa deli yakidasi. 78.60 Yos 18.1; Yer 7.12-14; 26.6
61 E itagwala kada tilaulasi bilebwaisi Kabutu Didawogala,nKugisi 1 Sml 4.1-22 deli makasana Biga Kala Katumiki.
makwainaga kabutuvitusila la peula deli la guyugwayu. 78.61 1 Sml 4.4-22
62 Matauna igibuluwa baisa wala la tomota tatoula,
e itugwali matausina bikaligasi oyumasi kasi tilaula.
63 Uluulatila ikaligasi okabilia,
e kapugopugula gala wala availa bivaiyasi.
64 Tolula ikaligasi metoya oyowai,
e kakausi gala itagwalasi paila bilibusi.
65 E kala vigimkovila Yaubada imamata e kala gigisa makawala eitokaia metoya omasisi,
e matauna makawala taitala tau saina topeula avai tuta eimom waini.
66 Ibokavili kala tilaula ikeiitasi
deli kasi mmosila gala biwokuva paila eikalisau.
67 Mitaga ipaiki dalela Yosepa,
e gala inagi dalela Epereim.oYosepa…Epereim: Baisa kabokwaraiwaga makwaina opiliyavata.
68 Kaimapula wala inagi dalela Yuda,pBaisa kabokwaraiwaga makwaina opilibolimila.
deli makwaina Koya Saiyoni, makwaina goli kwembwailila.
69 E mapilana valu ikaliai la Bwala Kwebumaboma,
makawala goli la valu wa labuma.
E ivigaki gala biyega, makawala valu watanawa kala peula,
bitovagasi tuta komwaidona.
70 E inagi la touwata Debida.
Ikau matauna metoya osaivau, 78.70-71 1 Sml 16.11-12; 2 Sml 7.8; 1 Lil 17.7
71 baisa goli matauna iiyamati mayuwosina la sipi,
e ivigaki matauna biguyoi mina Isireli,
e matauna goli Yaubada la tomota kasi toyamata.
72 Debida ivauli matausina metoya ola ninatotila,
e ivakadi matausina metoya ola giyoubwaila.
78:2 78.2 Md 13.35
h78:6 Paila mailela 5-6, kugisi Kak 6.6-7.
i78:10 Kugisi Sam 25.10.
j78:12 Makwaisina vavagi mwau eikaloubusi baisa mina Itipita; kugisi mailela 43-51.
78:12 78.12 Sun 7.8—12.32
78:13 78.13 Sun 14.21-22
78:14 78.14 Sun 13.21-22
78:15 78.15-16 Sun 17.1-7; Baw 20.2-13
k78:17 Kugisi Sam 7.17.
78:18 78.18-31 Sun 16.2-15; Baw 11.4-23,31-35
78:24 78.24 Yn 6.31
78:37 78.37 VA 8.21
78:44 78.44 Sun 7.17-21
78:45 78.45 Sun 8.1-6,20-24
78:46 78.46 Sun 10.12-15
78:47 78.47-48 Sun 9.22-25
78:51 78.51 Sun 12.29
78:52 78.52 Sun 13.17-22
78:53 78.53 Sun 14.26-28
78:54 78.54 Sun 15.17; Yos 3.14-17
78:55 78.55 Yos 11.16-23
78:56 78.56 Tok 2.11-15
l78:60 Baisa si kabotapwaroru.
m78:60 Igau gala bikaloubusi guyau Debida, mina Isireli idokaisi mapilana Sailo si kabotapwaroru; kugisi Yos 18.1; 1 Sml 1.3.
78:60 78.60 Yos 18.1; Yer 7.12-14; 26.6
n78:61 Kugisi 1 Sml 4.1-22 deli makasana Biga Kala Katumiki.
78:61 78.61 1 Sml 4.4-22
o78:67 Yosepa…Epereim: Baisa kabokwaraiwaga makwaina opiliyavata.
p78:68 Baisa kabokwaraiwaga makwaina opilibolimila.
78:70 78.70-71 1 Sml 16.11-12; 2 Sml 7.8; 1 Lil 17.7