121
Guyau kada topilasi
Bogwa lakowana bagisi makwaisina koya.
Ki, ammetoya babani pilasi?
Agu pilasi bima metoya baisa Guyau,
matauna kala tobubuli labuma deli valu watanawa.
 
Matauna gala wala bitagwala avaka bivakapusiaim.
Matauna kam tokwala tuta komwaidona bimminubwali.
 
Matauna kasi tokwala mina Isireli
gala wala avai tuta binunupula matala kaina bimasisi.
Guyau biyamataim.
Bogwa isisu om kwakata paila bikolaim.
Kalasia gala bikalilavi dabam wa yam.
e wa bogi gala biyogagaim tubukona.
 
Guyau bikolaim metoya kabosilagi komwaidona.
Matauna goli bikolaim.
Ambaisa ambaisa bukula, e matauna bikolaim,
tuta baisa e tuta gala wala biwokuva.