132
Kala yakaula Bwala Kwebumaboma
1 Mwa Guyau! Taga kulumwelavi Debida,
deli goli komwaidona makwaisina vavagi mwau eibudoboda.
2 E Guyau, kululuwai avaka eikatotila bivagi.
Kululuwai ammakawala eilivala biga katotila saina mwau baisa yoku, Yekobe la Yaubada Topeuligaga.
3 Kawala, “Gala wala bala ovalu, e gala bakenu okabagu.
4 Gala bavaiwasi, e gala bamisiki moi,
5 tatoula wala bayoudila Guyau la kabosisu,
e bakaliai la bwala matauna Yekobe la Yaubada Topeuligaga.”kKugisi VA 7.46.
6 Mapilana Bedeliem kasisuaisi kalagaisi bulogala makwaina Kabutu Didawogala,lKwaitala didawaga kwekekita e olumoulela mimilisi vavagi isailisi, makawala mapilasina dakuna pilapupatata ambaisa eiginisi Karaiwaga Kweluwotala; kugisi Sun 25.10-22.
e kabanaisi makwaina okubilela Yearim.mMapilana goli mina Pilisitia eikaimalaisi makwaina Kabutu Didawogala; kugisi 1 Sml 6.13—7.2.132.6-10 2 Lil 6.41-42
7 E kawamasi, “Ibodi bitalokaiasi ola bwala Guyau,nBaisa Bwala Kwebumaboma mapilana Yerusalem.
e bitatapwarorusi baisa omatala la takaikaia.”oKabutu Didawogala isisu olumoulela matabudona Bomikikila Sainela olopola Bwala Kwebumaboma, e makwaina goli idokaisi Yaubada la takaikaia ovalu watanawa. Kugisi mailela 6 kala katumiki.
8 Mwa Guyau! Bukuma wa Bwala Kwebumaboma, deli makwaina Kabutu Didawogala,
makwaina ikibuboti m peuligaga.
Bukuma e bukusigaga baisa.
9 Ibodi m tolula tuta komwaidona biwotetilasi duwosisia,
deli m tomota bigovasi deli mwasawa.
10 Bogwala kulivala biga katotila baisa Debida m towotetila
E Guyau, taga kupaiki guyau matauna yoku lokunagi.
11 Lokulivala biga katotila mwau baisa Debida,
e gala goli bukukwaimali makwaina katotila.
Kawam, “Taitala litumwa bavigaki biguyau,
e matauna igau kaimapum bikaraiwaga. 132.11 2 Sml 7.12-16; 1 Lil 17.11-14; Sam 89.3-4; VA 2.30
12 Kidamwa litumwa tauwau tuta komwaidona bivagaisi makawala ulo kabutu,
e bikabikuwolaisi ulo karaiwaga makwaisina lasaiki matausina,
e ka, litusia tuvaila biguyausi odalem tuta goli gala biwokuva.”
13 Guyau bogwa einagi mapilana Saiyoni,pKaina Bwala Kwebumaboma kainaga viluwela Yerusalem.
e magila bimili valu baisa.
14 Kawala, “Mapilana valu goli basigaga tuta gala biwokuva.
Magigu bakaraiwaga metoya baisa.
15 Bogwa bamitukwaii mapilana Saiyoni, basaiki komwaidona avaka ibodi biyosi,
e bogwa bavakoma tonamakava e bikomatasi.
16 Bamitukwaii la tolula paila komwaidona avaka avaka bivagaisi,
e deli tomotala biusiwosisi bigougovasi deli mwasawa.
17 Mapilana valu bavigaki taitala Debida dalela bigiyouveka,
mapilana bayamati la karaiwaga matauna guyau lanagi. 132.17 1 Gwe 11.36
18 Bogwa bayomsili sainela kala tilaula,
mitaga matauna la kabokwaraiwaga bipeula e bisiniveka goli.”
k132:5 Kugisi VA 7.46.
l132:6 Kwaitala didawaga kwekekita e olumoulela mimilisi vavagi isailisi, makawala mapilasina dakuna pilapupatata ambaisa eiginisi Karaiwaga Kweluwotala; kugisi Sun 25.10-22.
m132:6 Mapilana goli mina Pilisitia eikaimalaisi makwaina Kabutu Didawogala; kugisi 1 Sml 6.13—7.2.
132:6 132.6-10 2 Lil 6.41-42
n132:7 Baisa Bwala Kwebumaboma mapilana Yerusalem.
o132:7 Kabutu Didawogala isisu olumoulela matabudona Bomikikila Sainela olopola Bwala Kwebumaboma, e makwaina goli idokaisi Yaubada la takaikaia ovalu watanawa. Kugisi mailela 6 kala katumiki.
132:11 132.11 2 Sml 7.12-16; 1 Lil 17.11-14; Sam 89.3-4; VA 2.30
p132:13 Kaina Bwala Kwebumaboma kainaga viluwela Yerusalem.
132:17 132.17 1 Gwe 11.36