135
Wosila yakaula
1 Kala yakaula Guyau!
Yokomi la towotetila Guyau kuyakawolaisi matauna,
2 yokomi lokutotusi olumoulela Guyau la bwala,
ola Bwala Kwebumaboma da Yaubadasi.
3 Kuyakawolaisi Guyau, paila matauna giyoubwaila.
Kuwosisi kala yakaula matauna, paila matauna toninabwaila.
4 Matauna inagi Yekobe paila titoulela,
e inagi mina Isireli paila la vavagi tatoula.
5 Bogwa lanikoli da Guyausi matauna toveka,
ikalisuwoli komwaidosi ituwoli yaubada.
6 Matauna biuvagi avaka wala magila bivagi,
wa labuma, deli ovalu watanawa,
obolita, deli otukutaku.
7 Matauna bimai utuyagila deli kala bwau metoya obusibusila valu.
Matauna ivigaki utuyagila isim kala kavikavila,
deli isunupuloi yagila imai metoya ola kabosakaila.sKugisi Sam 33.7.
8 Mapilana Itipita matauna ikatumati komwaidona kuluta,
tomota deli mauna makawala wala.
9 E metoya mapilana, matauna iuvagi kabutuvatusi deli kabokatubau,
mwada bimipuki matauna guyau deli komwaidona la tosikwawa.
10 Matauna ikodidaimi bidubadu boda ituwoli ituwoli,
deli ikatumati gweguya saina mina papeula.
11 Yagasi Siyoni, matauna mina Amora si guyau,
Ogi matauna guyoula Basani,
deli goli komwaidosi guyousi Kenani.tKugisi Baw 21.21-35; Kak 2.30-33, 3.1-6.
12 Matauna ikau si pwaipwaia isaiki la tomota,
e isaiki baisa mina Isireli.
13 Mwa Guyau! Yoku tuta komwaidona bakakamitulaimsi wala yoku Yaubada,
e tubwa komwaidona bogwa biluluwaimsi.
14 Guyau bitabodi la tomota,
deli binokapisi la towotetila.
15 Boda ituwoli ituwoli si yaubada minasina eibubulokaisi metoya wa siliba deli goula,
e metoya oyumasi wala eiyoudulaisi minasina. 135.15-18 Sam 115.4-8; YG 9.20
16 Minasina isim udosi, mitaga gala gagabila bilivalasi
e isim mitasi, mitaga gala gagabila bigisasi.
17 Isim taigasi, mitaga gala gagabila bilegasi,
deli minasina gala wala igagabila biyagisasi.
18 Ibodi komwaidosi availa availa eibubulaisi e eidubumaisi minasina,
bidavilasi wala bimila tokolusi, makawala minasina bogwa eibubulaisi.
19 Kuyakawolaisi Guyau yokomi mina Isireli!
Kuyakawolaisi matauna, yokomi la tolula Yaubada!
20 Kuyakawolaisi Guyau, yokomi mina Libai!uMatausina dalela Libai iwotitalaisi tolula otutala tapwaroru wa Bwala Kwebumaboma.
Kuyakawolaisi matauna, komwaidomi yokomi totapwaroru!
21 Kuyakawolaisi Guyau mapilana Saiyoni,
e mapilana Yerusalem, makwaina la valu tatoula.
Kala yakaula Guyau!