139
Yaubada inikolaigu e iyamataigu
Mwa Guyau! Lokugisimlilaigu tomwaidogu e kunikolaigu wala.
Komwaidona avaka avaka lauvagi yoku kunikoli wala.
Kusikaduwonaku mitaga kukwateta ulo nanamsa komwaidona.
Yeigu kaina lauwotetila kainaga lauvaiwasi,
mitaga yoku kugigisaigu goli.
Kunikoli komwaidona avaka avaka lauvagi.
Igau gala balivala,
e yoku kunikolibogwi avaka bakaibigi.
Yokugwa kutoulaigu ambaisa ambaisa,
e metoya om peula kukolaigu goli.
Gala gagabila bakateta kala vakaila m nikoli paila yeigu,
paila kunikoli tomwaidogu e itutuvakau nanogu m nikoli.
 
Mwada basakaula metoya baisa yoku, e ambaisaga bam?
E ammakawala basakaula metoya omatam?
Kidamwa bamwena bala labuma, yoku bogwa kusisu baisa.
Kainaga balokaia Tuma akenu, e yoku bogwa kusisu baisa.
Kidamwa balokaia mapilana opilibomatu
kainaga bamili valu mapilana opilikwaibwaga,
10 ka, yoku kusibogwa paila bukuvakadaigu,
e mapilawena kusisu paila bukupilasaigu.
11 kaina gagabila baluki dudubila bikubolaigu,
kaina lumalama ititapaigu baluki bidavila bimila bogi.
12 Mitaga dudubila yoku gala wala bukudoki dudubila,
e yoku kudoki bogi saina lumalama makawala yam.
Dudubila deli lumalama kudoki makawala wala.
 
13 Yoku bogwa kububuli katuputupwaila wowogu
e kuvisosaigu olopola inagu.
14 Aiyakawolaim, paila ibodi kam kokola bisisu.
Komwaidona avaka avaka kuuvagi saina kabokatubau,
e baisa bogwa anikoli deli nanogu komwaidona.
15 Tutala tutuwanegu ibububulasi,
e kububulaigu goli olopola inagu.
Akanupepuni baisa akakaitubwa,
e yokugwa kunikolibogwi makanakila baisa.
16 Igau gala akaloubusi yoku bogwa kugisibogwaigu.
Tutala ulo yam gala bivitouula,
yoku bogwa lokuginibogwi om bukia Kugisi Sam 56.8.
avaka kala bawa yam makwaisina babani.
17 Mwa Yaubada! M nanamsa saina kwevakaigaga,b saina kwevakaigaga.Gagabila bitagini “m nanamsa saina kwembwailigu”.
e makwaisina saina bidugaga goli.
18 Kidamwa bakalau makwaisina,
bogwa bikalisau kanakenuva kala bawa.
E ka, tutalaga bamamata,c tutalaga bamamata.Gagabila bitagini “tutalaga bavenoku kakalawa”. yoku wala mayeigu.
 
19 Mwa Guyau! Saina magigu bukukwatumati tomitugaga.
Saina magigu togigasisi bisilavaigusi.
20 Ibigigagaimsi e ipakaimsi,
e ilivalaisi vavagi gaga paila yoku.
21 E Guyau, mina kukologu wala matausina ikikoulovaimsi,
e akaluwou matausina availa availa bogwa eipakaimsi.
22 Ulo kowolova paila matausina mina kukologu gala wala isim kala kalitutila,
e matausina ladoki agu tilaula goli.
 
23 Mwa Guyau! Bukugisimlilaigu tomwaidogu e bukunikoli nanogu.
Bukuwakolaigu e bukubani ulo nanamsa.
24 Bukunevikoli kaina bukubani avai vavagi gaga olumoulegu,
e bukuvakadaigu bala keda makadana kadakanigagad makadana kadakanigaga.Gagabila bitagini “makadana si keda tubugwa.” babani momova.

a139:16 Kugisi Sam 56.8.

b139:17 saina kwevakaigaga.Gagabila bitagini “m nanamsa saina kwembwailigu”.

c139:18 tutalaga bamamata.Gagabila bitagini “tutalaga bavenoku kakalawa”.

d139:24 makadana kadakanigaga.Gagabila bitagini “makadana si keda tubugwa.”