146
Kala yakaula Yaubada Tokwatumova
1 Kala yakaula Guyau!
Bilomagu, kuyakawoli Guyau!
2 Yeigu bayakawoli matauna ogu tuta tomomova.
Yeigu bawosi baisa ulo Yaubada ogu tuta komwaidona.
3 Gala ibodi bitadubumaisi baisa tokugwala valu watanawa,
paila gala taitala tomota ibodi bikatumovaidasi.
4 Avai tuta bikaligasi, bikaimilavausi opwaipwaia,
e wa yam makwaina komwaidona si nanamsa biwokuva.
5 Availa matauna idubumi Yekobe la Yaubada paila bipilasi matauna,
deli ikikana wala baisa Guyau la Yaubada,
e matauna goli bimwasawa.
6 Guyau matauna kala Tobubuli labuma, valu watanawa deli bolita,
deli goli komwaidona avai vavagi avai vavagi olumoulesi makwaisina.
Matauna tuta komwaidona iuvagi avaka la biga katotila. 146.6 VA 4.24; 14.15
7 Matauna ipii matausina ibodasi kasi lamadada,
deli ivakoma matausina tokamolu.
Guyau matauna itaneku tokatupipi,
8 e ivigaki tokwau imitalalasi.
Matauna isimiliwoli matausina availa availa ikapusisi,
e iyebwaili la tomota tomitukwaibwaila.
9 Matauna ikoli tomitawasi eisisuaisi oda valusi.
Ipipilasi kwabuya deli weilova.
Mitaga ikodidaimi avaka si nanamsa tomitugaga.
10 Guyau matauna goli Guyau tuta kala vigimkovila.
Yokomi mina SaiyonilKugisi Sam 132.13 kala katumiki. mi Yaubada goli biguguyau tuta gala biwokuva.
Kala yakaula Guyau!