3
1 E, ammakawala? Sitana isim avai kabopilasi paila yakamaisi mina Yudia bikalisau avaka iyosisi matausina gala mina Yudia? Kaina mina Yudia kama gulogulasi “bobu” bitadoki kabopilasi, ke? Kaina gala? 2 Bogwa wala, bobu bitadoki pilasi kwaiveka! Ka, ikugwa - Yaubada eivigakaimasi yakamaisi mina Yudia la biga kala tokayota. 3 E mokwitala mimilisi gala si kayota bwaina. Mitaga ammakawala - kaina baisa uula bitadoki Yaubada mwada isasopa? 4 Baisa gala wala. Ilagoli tomota komwaidosi toubuwabu mitaga Yaubada ibodi bikamokwita wala. Makawala Buki Pilabumaboma kala ginigini isisu,
“Kidamwa avai tuta kulilivala,
ibodi bidokaimsi yoku toduwosisia.
Kaina avai tuta biyakalaimsi,
ibodaim wala bukupeula.” 3.4 Sam 51.4
5 E kaina yakidasi tomitugaga, mitaga makwaina ivituloki mimilakatila kidamwa Yaubada ivagi duwosisia. E kidamwa makawala, avaka goli gagabila bitakaibigasi? Kaina bakaibiga kawagu, “Yaubada eimipukwaidasi mitaga la mipuki gala duwosisia.” (Baisa makawala goli mimilisi ililivalasi.) 6 Gala! Kidamwa Yaubada gala bivagi duwosisia, ammakawala gagabila biyakali mina watanawa?
7 E kaina ulo sasopa bipilasi kala yakaula Yaubada, paila mina watanawa bogwa bigisimlilaisi kala kamokwita. Kidamwa makawala, avaka uula baboda agu kwamwaga paila mitugaga? 8 Ki, kaina bibodi bitakaibiga, kawada, “Desi wala, bitamitugagasi wala, kidamwa vavagi bwaina bikaloubusi”? Paila mimilisi tomota bogwa eikavilivilaigusi eitabinakaigusi mwada bogwa lalivala baisa. E matausina bibanaisi kasi kamwaga paila si sasopa.
Gala availa isisu tomitukwaibwaila
9 E, ammakawala baisa? Kaina yakamaisi mina Yudia kakalisauwaimi yokomi gala mina Yudia? Gala. Paila bogwa lavituloki kidamwa bubunela gaga bogwa iyosikikitaidasi, komwaidodasi goli, yakamaisi mina Yudia deli yokomi gala mina Yudia. 10 Makawala Buki Pilabumaboma kala ginigini isisu,
“Gala availa isisu tomitukwaibwaila. 3.10-12 Sam 14.1-3; 53.1-3
11 E gala availa tokwateta
kaina inainevi Yaubada.
12 Komwaidosi goli eitovilasi isilavaisi Yaubada,
e komwaidosi eisulasi wala.
Gala availa imitukwaibwaila, gala goli availa.
13 Udosi ikapogega makawala laka.
Sasopa gaga ililivalasi tuta tuta.
Deli biga gaga isusunapulasi,
kala yayana makawala soka kalula. 3.13 Sam 5.9; 140.3
14 Ivakasau udosi matowa saina pwayuyu, 3.14 Sam 10.7
15 saina nanakwa mwada biwawaiyasi deli bikatumataisi. 3.15-17 Ais 59.7-8
16 Ambaisa ambaisa ititavinasi iyomitulaisi kovisi boda deli yommayuyu.
17 Gala ikatetasi kedala vakota,
18 e gala iligalegasi biga ammakawala bikukolaisi Yaubada.” 3.18 Sam 36.1
19 Tanikolaisi makwaina mina Yudia si Karaiwaga avaka ililivala. Bogwa iluluki matausina availa availa mwada bikabikuwolaisi, baisa goli mina Yudia. E mapaila gala gagabila mina Yudia bitabilibilisi wa yam yakala. Komwaidosi goli mina watanawa bogwa bibodasi yakala omatala Yaubada. 20 Paila Yaubada gala bikabwaili availa paila uula ikabikuwoli Karaiwaga makwaina. Mitaga Karaiwaga makwaina uulela baisa - tomota binikolaisi bogwa imitugagasi. 3.20 Sam 143.2; Gl 2.16
Ammakawala Yaubada ikikabwaili tomota
21 Mitaga tuta baisa gagabila bitavitoki tolosila ammakawala Yaubada bikabwailidasi. Gala goli metoya avai karaiwaga, ilagoli Mosese la Karaiwaga deli tovitoubobutaiBaisa katupoyu la katupwaila mina Yudia si Buki Pilabumaboma. Mitaga kidamwa bilivala baisa, bogwa eikibuboti pilamwaidona buki. bogwa leisolasi paila vavagi makwaina. 22 Ka, Yaubada ikabwailidasi paila uula tadubumaisi Yesu Keriso. Availa availa goli idubumaisi Keriso, Yaubada ivagi makawala paila matausina. Paila komwaidosi si bubunela makawala wala. 3.22 Gl 2.16 23 Tomota komwaidosi tomitugaga, deli si sisu kaduwonaku metoya omatala Yaubada Towalakaiwa. 24 Mitaga Yaubada bogwa isemakavi la mitakwai baisa komwaidosi, e mauula bogwa ikabwaili komwaidosi. Uula goli Keriso Yesu, matauna kasi totaneku tomitugaga. 25 Paila Yesu Keriso ikaliga, e mauula Yaubada itugwali Yesu Keriso kidamwa bivigaki matauna uulela mitugaga kala ligaiwa. Paila availa bidubumi matauna Yesu Keriso bibani la mitugaga kala ligaiwa. E mauula Yaubada itugwali Yesu, kidamwa bivituloki ammakawala matauna titoulela tobwaila. Paila omitibogwa Yaubada ipeuloki wala. Bogwa igisi tomota si mitugaga mitaga gala bimipuki matausina. 26 Mitaga tuta baisa magila da mitugagasi bikiduwosisia wala, paila uula magila wala bivituloki ammakawala matauna titoulela tobwaila. E metoya baisa Yaubada ivituloki titoulela tobwaila. E deli, ivituloki kidamwa ikabwaili matausina availa availa eidubumaisi Yesu.
27 E kidamwa goli Yaubada bikiduwosisiaidasi baisa makawala deli bikabwailidasi, avai kamnomwana isisu? Gala wala avaka. E avaka uula gala gagabila availa bikamnomwana? Kaina uula tomota ikabikuwolaisi makwaina Karaiwaga? Gala. Mitaga uulotoula tomota si dubumi. 28 Paila Yaubada ikabwailidasi e yakamaisi kadokaisi uula dubumi wala. Gala wala Yaubada bikabwaili availa paila uula la kabikaula baisa Karaiwaga makwaina. 29 E kwatuli? Kaina bitadoki Yaubada matauna si Yaubada mina Yudia kasimwaleta? Wa! Ka, matauna deli si Yaubada matausina gala mina Yudia, ke? Baisa goli biga mokwita. 30 Yaubada taitinidesi, e bogwa bikabwaili mina Yudia paila uula si dubumi, deli goli bikabwaili matausina gala mina Yudia paila uula si dubumi. 3.30 Kak 6.4; Gl 3.20 31 E ammakawala baisa? Kaina bogwa takodidaimisi mina Yudia kasi Karaiwaga mwada kaimapula dubumi makwaina, ke? Gala goli! Mitaga bogwa takamiabaisi makwaina Karaiwaga.
3:4 3.4 Sam 51.4
3:10 3.10-12 Sam 14.1-3; 53.1-3
3:13 3.13 Sam 5.9; 140.3
3:14 3.14 Sam 10.7
3:15 3.15-17 Ais 59.7-8
3:18 3.18 Sam 36.1
3:20 3.20 Sam 143.2; Gl 2.16
i3:21 Baisa katupoyu la katupwaila mina Yudia si Buki Pilabumaboma. Mitaga kidamwa bilivala baisa, bogwa eikibuboti pilamwaidona buki.
3:22 3.22 Gl 2.16
3:30 3.30 Kak 6.4; Gl 3.20