9
Yaubada deli la tomota
1 Baisa avaka alivala biga mokwita wala. Yeigu Keriso la tomota e gala tosasopa yeigu. E Baloma Tobumaboma iviyelu nanogu kala mimilakatila, e mapaila anikoli wala gala asasopa. 2 Nanogu saina mmayuyu sainela, e avalam avilamgwaga 3 paila ulo tomota, matausina mina Yudia. Kidamwa gagabila bapilasi matausina, batugwalaigu baboda avai vavagi mwau. Kaina balivala, kawagu, “Ibodi Yaubada biyabaigu kidamwa basipayumila metoya baisa Keriso.” Mitaga baisa gala bipilasi availa! 4 Ka, matausina Yaubada einagi la tomota, ivigaki matausina kidamwa litulaaKugisi Sun 4.22; Yer 31.9; Osi 11.1. e ipati kala guyugwayu deli matausina. E ikabutu matausinabIkugwa ikabutu kasitaiyu Nowa (kugisi Vit 6.18; 9.9), oluvi Eberaam (kugisi Vit 15.18; 17.2,7-9) e oluvi mina Isireli (kugisi Sun 19.1-8). deli isaiki kasi Karaiwaga. Matausina isisiaisi tapwaroru mokwita, deli ibanaisi avaka avaka Yaubada eikatotila. 9.4 Sun 9.4 5 E matausina tubusia mina Iberu si tommoyabogwa goli. Deli, Keriso imili tomota metoya odalesi matausina. Matauna Yaubada, valu komwaidona kala tokwaraiwaga, kala yakaula gala biwokuva. Emeni.
6 E yeigu gala alivala mwada Yaubada la biga katotila bimama. Paila mimilisi wala mina Isireli Yaubada inagi paila la tomota, taivilesi gala. 7 E matausina Eberaam tubula taivilesi gala Yaubada litula. Paila Yaubada iluki Eberaam, kawala, “Matausina Aisake tubula kasimwaleta badoki tubumwa.” 9.7 Vit 21.12 8 Ka, metoya baisa bitagisi matausina si kaloubusi ouwosi vivila,cBaisa livalela Isimeili deli dalela. Matauna inala Ega, minana la ula Eberaam la ula wala (kugisi Gl 4.22-23). gala goli bitadoki matausina Yaubada litula. Mitaga availa availa ikaloubusisi paila uula Yaubada la katotila,dBaisa livalela Isako deli dalela. Matauna inala Sera, minana Eberaam la kwava (kugisi Vit 17.19-21). matausina wala Yaubada litula tatoula. 9.8 Vit 18.10 9 Paila Yaubada bogwa eikatotila, kawala, “Baisa okala tuta mokwita igau bakaimilavau e Sera bibani latula tau.”
10 E ka, tuvaila. Ribeka litula taiyu tauwau tumasi taitala wala, matauna tabumasi Aisake. 11-12 Mitaga Yaubada eiluki minana, kawala, “Molitomoya igau biwotitali molagwadi.” Baisa goli eilivala, kidamwa binagi guditala matausina makawala avaka ibodi nanola. Yaubada ilivalabogwa makawala igau wala, tutala magudisina gala bivagaisi avaka kaina bwaina kaina gaga. Paila tutala Yaubada eilivala makawala, e magudisina igau wala gala bikaloubusisi. E mapaila Yaubada einagi taitala e idou magudina paila uula nanola wala, e gala goli paila uula si bubunela magudisina. 9.11-12 Vit 25.23 13 Makawala Buki Pilabumaboma kala ginigini isisu, “Yekobe tombwailigu mitaga Iso tokukologu.” 9.13 Mal 1.2-3
14 E mitaga avaka bitakaibigasi paila Yaubada la naga? Ki, mwada Yaubada toweligaga? Wo, gala wala. 15 Paila Yaubada leiluki Mosese, kawala, “Baligaiwa mitugaga paila availa magigu, deli availa magigu goli banokapisi.” 9.15 Sun 33.19 16 Mapaila baisa Yaubada la naga uulela gala paila tomota avaka magisi, kaina avaka bivagaisi. Mitaga Yaubada la naga uulotoula la nokapisi. 17 Paila Buki Pilabumaboma kala ginigini ikaibiga baisa mina Itipita si guyau, “Yeigu abudi m guyau uulotoula kidamwa yoku bukukimitali ulo peula, e mapaila komwaidosi mina watanawa bikatetasi availa yeigu.” 9.17 Sun 9.16 18 Mauula baisa Yaubada binokapisi baisa availa magila, e deli bivigaki tokatukubona availa magila.
Yaubada la ninamwau deli la nokapisi
19 E kaina taitala metoya baisa yokomi bilukwaigu, kawala, “Kidamwa makawala baisa, ammakawala gagabila Yaubada bidoki availa tomitugaga? Paila availa gagabila bisilibodi Yaubada nanola?” 20 Mwa, sogu! Ammakawam yoku kukosomapu baisa Yaubada, ke? E kugisi, kulia gala gagabila biluki kala towai, “Ki, avaka uula kububulaigu makawala?” 9.20 Ais 29.16; 45.9 21 Paila towawai kulia kalamwaleta gagabila bikaraiwaga avaka bibubuli metoya opwaipwaia. Kidamwa iyosi tala peta pwaipwaia e magila biwai kwelayu kulia, kwelatala kwelaminabwaita kwelatala kwelamigaga, gagabila goli binagi makawala.
22 E makawala wala avaka Yaubada bogwa leivagi. Yaubada magila biyomitali la ninamwau e mapaila komwaidosi mina watanawa bikatetasi la peula. Mauula goli la peuloki baisa matausina availa availa ibodi bilumkolaisi la ninamwau, availa availa matausina goli makateki bikodidaimisi. 23 Deli goli Yaubada magila biulaim kala kalugologusa saina guyugwayu, avaka leiligabu baisa yakidasi availa availa talumkolaisi la nokapisi. Baisa goli availa availa yakidasi Yaubada leinagi bitasikomasi kala kalugologusa. 24 Paila yakidasi bogwa idouwaidasi wala, gala goli yakamaisi mina Yudia wala, mitaga tuvaila yokomi gala mina Yudia. 25 Paila baisa makawala avaka isisu wa Buki Pilabumaboma mapilana Osia,
“E matausina gala uli tomota,
igau badoki matausina uli tomota.
E kabokwaraiwaga makwaina gala ayebwaili,
igau badoki kwembwailigu. 9.25 Osi 2.23
26 E mapilana valu ambaisa laluki, ‘Yokomi gala uli tomota’,
tomota bogwa bidokaisi matausina Yaubada Tomomova litula.” 9.26 Osi 1.10
27 E Aisea ikatuvagwagu paila Isireli, “Kalubikoya goli mina Isireli kasi bawa makawala kanakenuva obolita, mitaga gala bibawasi Yaubada bikoli matausina bimovasi. 9.27-28 Ais 10.22-23 28 Paila Guyau nani bivigimkulovi nanola baisa komwaidosi mina watanawa.” 29 Baisa makawala Aisea ikaibigabogwa, “Kidamwa Guyau Topeuligaga sainela gala bitagwala mimilisi pesila yakidasi bisisuaisi, yakidasi bitasilagisi makawala Sodom. Bitabodasi mwau makawala Gomora.”eMapilasina Sodom deli Gomora Guyau Yaubada eikatudoum ola tuta Eberaam paila uula mina Sodom deli mina Gomora si mitugaga gala wala bitakaibiga (kugisi Vit 19.13,24-25).9.29 Ais 1.9
Mina Isireli deli Bulogala Bwaina
30 E avaka ibodi bitakaibigasi? Ka, bitakaibigasi baisa. Matausina gala mina Yudia gala inainevisi ammakawala bivigakaisi titoulesi tomitukwaibwaila omatala Yaubada. Mitaga Yaubada bogwa leikabwaili paila uula si dubumi. 31 Mitaga mina Yudia matausina omitibogwa Yaubada bogwa leinagi, matausina goli inainevisi avai karaiwaga bikiduwosisii matausina omatala Yaubada, mitaga gala wala ibanaisi. 32 E avaka uula gala ibanaisi? Gala wala bibanaisi avaka, paila si nainevi uulotoula si vigakola e gala si dubumi. Si silibeibeu paila uula makwaina dakuna kabokapusi. 33 Makwaina goli kala ginigini isisu wa Buki Pilabumaboma.
“Ka, mapilana Saiyoni lavitau dakunafBaisa livalela Yesu Keriso; kugisi 1 Pt 2.4-8. kabokapusi.
E tomota bisilibeibeusi paila uula makwaina.
Mitaga availa bidubumi matauna gala goli bimmosila.” 9.33 Ais 28.16
a9:4 Kugisi Sun 4.22; Yer 31.9; Osi 11.1.
b9:4 Ikugwa ikabutu kasitaiyu Nowa (kugisi Vit 6.18; 9.9), oluvi Eberaam (kugisi Vit 15.18; 17.2,7-9) e oluvi mina Isireli (kugisi Sun 19.1-8).
9:4 9.4 Sun 9.4
9:7 9.7 Vit 21.12
c9:8 Baisa livalela Isimeili deli dalela. Matauna inala Ega, minana la ula Eberaam la ula wala (kugisi Gl 4.22-23).
d9:8 Baisa livalela Isako deli dalela. Matauna inala Sera, minana Eberaam la kwava (kugisi Vit 17.19-21).
9:8 9.8 Vit 18.10
9:11-12 9.11-12 Vit 25.23
9:13 9.13 Mal 1.2-3
9:15 9.15 Sun 33.19
9:17 9.17 Sun 9.16
9:20 9.20 Ais 29.16; 45.9
9:25 9.25 Osi 2.23
9:26 9.26 Osi 1.10
9:27 9.27-28 Ais 10.22-23
e9:29 Mapilasina Sodom deli Gomora Guyau Yaubada eikatudoum ola tuta Eberaam paila uula mina Sodom deli mina Gomora si mitugaga gala wala bitakaibiga (kugisi Vit 19.13,24-25).
9:29 9.29 Ais 1.9
f9:33 Baisa livalela Yesu Keriso; kugisi 1 Pt 2.4-8.
9:33 9.33 Ais 28.16