8
1 Ka, mwada yoku luguta yoku,
deli inagu leivinunaim onunula.
E kidamwa babodaim wa keda,
bogwa wala baviyuwolaim e gala availa ibodi bikayuwaigu.
2 E bavakoulim balauwaim ola bwala inagu,
e baisa bukuvitulokaigu yebwaili kidikedala.
E, bogwa bavimomwaim wainitoula,
ulo waini metoya gigiku bukumom.
3 Mwa, yamam kikiwama avigaki agu kwabaikunu,
e yamam kakata kuyobobwaigu.
4 Veve, yokomi vilemi Yerusalem, kukwatotilasi baisa yeigu,
taga kuyobosaimasi sogu lubaigu.
Pilalima Pilitalela Wosi
Vivila komwaidosi
5 Avaivila minana leimaima metoya oviloupakala
leikaipapasi wala sola lubaila leimaisi?
Vivila
Ouula makaina mokolu lavigulaim,
ovalu makwaina leikapusiki kulum.
6 Gala avaivila bitagagi nanom,
mesinaku agumwaguta wala lubaim.
Gala avaivila bukukwaipapi mesinaku agumwaguta wala.
Kunikoli yebwaili la peula makawala kaliga kala peula.
Kalubaila mokwita lutula makawala wala kaliga.
Kalubaila kala lumkola makawala kova yuviyavila,
bisubeilulu makawala kovatala kovasupa.
7 Sopi gala gagabila biumati;
dadoya gala gagabila bisuluwi.
Mitaga kidamwa availa bivigikoli mwada
bigimoli yebwaili metoya ola guguwa komwaidona,
matauna bivigakaisi kabokakayuwa.
Vivila minana luleta
8 Ka, lumetasi nagwadi wala,
e nunula igau wala einupisi.
Ammakawala bakavigakaisi
kidamwa taitala tau bikasemwali minana?
9 Kidamwa minana makawala valu kalila
yakamaisi bakakaliaiyasi kwaitala la bulukubukwabuya silibawokuva wala.
Mitaga kidamwa minana makawala kalapisilela valu
ibodi bakakalitulaisi metoya makaina kweisila tabudotala la bwala paila bakayamataisi minana.
Vivila
10 Ka, yeigu makawala valu kalila,
deli nunugu nupiakwa makawala bolela vatoi.
Matauna lubaigu bogwa inikolaigu
mapaila ayubwaila wala, abani ulo sibwabwaila.
Tau
11 Kwaitala Solomoni la bagula bigulela waini
mapilana goli Beali Amoni.
E tobigubagula iwotitalaisi bagula makwaina,
e mapula uwala bagula,
taitala taitala matausina bimpumapu lakatuluwotala siliba baisa matauna.
12 E desi wala Solomoni ibodi biyosi mani magulona
e matausina tobigubagula taitala taitala
biyosi lakatuyu siliba paila kasi vilavila.
Mitaga yeigu ulo bagula bigulela waini,
agumwaleta wala gala taiyuwegu!
13 Ve, lubaigu, kuvitakaula balagi kaigam olumoulela bagula,
paila segwaia eitulotulasi wala bilagaisi kaigam.
Vivila
14 Mwa lubaigu, kumakaiagu,
kuma makawala natana dia,
kaina makawala natana nagwadi dia namwala
odubiluwotala koya ambaisa avai vana avai vana eisususinasi.