BINAŊ QÂHÂC I
BINAŊ QÂHÂC I â II
BINAŊ QÂHÂC I â II irec maŋnao Judaŋic ŋicwofuŋfâc‐jeŋic sasawa jaŋere binaŋ mocwâc qâhâckehuc râekicnere papia ʒâŋne BINAŊ QÂHÂC mukicne. Papia qizec jajahec i mârâc jaha jâmbâŋ papia mocjahao qâzuckepie fowec. Juku ʒâhec ine bâfâuckepie papia qizec jajahec fuapic.
Papia fufuŋkenao Saulo â Dawidi jahere binaŋ mocwâc fuakac, â tataranao ine Judaŋic Babilonia mâreŋko kâpâcwâruo bacjopa rakicne irec binaŋ fokac. Ine hâcne, Judaŋic erâ ŋicwofuŋfâc‐jeŋic jaŋe Anuture maio weniŋuc juhapie Wofuŋzi hone bafic â jopa bâtiŋ ejarewec irec dâŋ â binaŋ wiac i mu bac efârekicne.
Dâŋ neŋgocne sâko gaŋne gaŋe forakac ine kecʒiŋuc:
Bin I 1—10. Ira Adamtaonec ŋic gaŋne gaŋne fua wefukupie Saulozi Israe ŋic jaŋere ŋicwofuŋ erâ juku hâmowec irec dâŋ â binaŋ fokac.
Bin I 11—29. Ira ŋicwofuŋ Dawidire binaŋ qâreŋkekicne forakac.
Bin II 1—9. Ira Salomore dâŋ â binaŋ bâfuaŋgopeneŋ.
Bin II 10—36. Ira ine Israe ŋic jaŋere uucmaŋ fâuckeme Judaŋiczi juwefuku kâpâcwâruo rafârembiŋ, irec binaŋ râekicne.
Ŋifec ine Anutuzi Wofuŋ jujareha ere gurufâc jumbiŋ, â Jerusalem haeo taha ufuŋ‐jeŋic ŋeha ira Anutu mai ecnembiŋ irec binaŋ i wâc mâmâc râekicne fokac. Ine hâcne, qâreŋŋic e fuŋne jajahec kecʒiŋucte Judaŋic jaŋere binaŋ mocwâc banârewec:
1. Judaŋic jaŋerao wiac hâhâwicne fuarâ foha Anutuzi sifu dâŋ mupaŋke‐jarewec irec fârine fuaocte giene bahuc juwec. Irec e mana‐jareha kâpâcwâruonec risierâ sahackopec â maŋkopec juju i heɋârerâ gurufâc‐ticne ʒuhuckerâ jumbiŋ. Moc iŋuc nâzâ nâwotuc eocte papia‐ticne qâreŋkewec.
2. Â moc ine Jerusalem haeo Wofuŋ mai eecne i weniŋuc erâ fuŋkembiŋ, â taha bapa â Lewiŋic jaŋe gie‐jeŋic weniŋuc erâ bambiŋ i wâc nâzâ nâwotuc eocte qâreŋkewec. Ehuc, Dawidizi taha ufuŋ fufua â maŋnao taha gie bapa â wiac gâcne ebac ee irec ʒaʒawie gie bame juku ʒâhec ŋokâ‐ticne Salomozi taha ufuŋ bajâmbâŋkewec irec dâŋ i mâmâc mu qâreŋ ewec.
1
Adamte ɋâricfâc jaŋere ʒâŋe biri
(Fuf 5:1–32)
Adam, Sete â Enosi; Kenaŋ, Mahalale â Jarede; Enoko, Metusela â Lamec; Noa, Sem, Ham â Jafete.
Noa ŋokâfâc‐ticne jaŋere ɋâricfâc
(Fuf 10:1–32)
Jafetere ŋokâfâc ʒiŋuc fuambiŋ: Gomera, Magogo, Madai, Jawaŋ, Tubali, Meseke â Tirasi. Eme Gomerare ŋokâfâc ʒiŋuc fuambiŋ: Asakenaʒa, Difata â Togama. Eme Jawaŋte ŋokâfâc fuambiŋ ine ʒiŋuc: Elisa, Tarasisi, Kitim â Rodanim.
Eme Hamte ŋokâfâc ʒiŋuc fuambiŋ: Kusu, Aigita, Puti â Kanaaŋ. Kusure ŋokâfâc ine ʒiŋuc fuambiŋ: Sebe, Hawila, Sabita, Rama â Sabateka. Eme Ramare ŋokâ jahec jahere ʒâŋe ine Seba â Dedaŋ. 10 Kusu e Nimorodire mamac. Eme Nimorodizi hâcne mâreŋko tâpiri ɋicwânʒâŋhec juju irec gie fuŋkewec.
11 Eme Aigita e Ludim, Anamim, Lehabim, Nafituhim, 12 Patarusim, Kasilukim â Kafatorim jaŋere mamac. Eme Kasilukimtaonec ine Filisa ŋic jaŋe fua sawec embiŋ.
13 Eme Kanaaŋ e mârâc ŋokâ‐ticne Sidoŋ â Hete jahere mamac. 14 Erâ e Jebusi ŋic â Amori ŋic â Girigasi ŋic 15 â Hiwiŋic â Areki ŋic â Siniŋic, 16 â Arawadi ŋic â Zemari ŋic erâ Hamati ŋic jaŋere apa wâc juwec.
17 Eme Semte ŋokâfâc ine ʒiŋuc fuambiŋ: Elam, Asihuru, Arapakisa, Ludi, Aram, Uzi, Hulu, Getera â Meseke. 18 Eme Arapakisare ŋokâ ine Sela â Selare ŋokâ ine Ebere. 19 Eme Ebere ere ŋokâ jajahec fuapic: Mocte ʒâŋe Pelege. Pelegere dameŋko hâcne mâreŋte ŋecjucfâc jaŋe dâŋte erâ fâuckembiŋ. Pelege ɋaticnere ʒâŋe ine Jokataŋ. 20 Jokataŋ e ine Alamoda, Selefe, Hazamawe, Jera, 21 Hadoram, Uʒali, Dikela, 22 Ebali, Abimae, Seba, 23 Ofiri, Hawila â Jobabe jaŋere mamac; ŋic ʒâŋe hâcne Jokataŋte ŋokâfâc sasawa.
Sem ɋâricfâc‐ticne jaŋere ʒâŋe
(Fuf 11:10–26)
24 Semte ŋokâfâc ʒiŋuc fuambiŋ: Arapakisa, Sela, 25 Ebere, Pelege, Reu, 26 Serugu, Naho, Tera 27 â Abram, Abraham hâcne.
Isimae â Ketura jahare ɋâricfâc
(Fuf 25:1–6, 12–18)
28 Abrahamte ŋokâ jajahec jahere ʒâŋe Isaka â Isimae. 29 Eme gaŋne gaŋne fua wefumbiŋ ine ʒiŋuc: Isimaere mârâc ŋokâ ine Nebajoti. Ehame ere râpeo fua rambiŋ ine ʒiŋuc: Kedara, Adibele, Mibesam, 30 Misima, Duma, Masa, Hadadi, Tema, 31 Jeturu, Nafisi â Kedema. Ŋic i jaŋe hâcne Isimaere ŋokâfâc sasawa. 32 Eme Abrahamzi ŋokac mamare rowec, ʒâŋene Ketura e ŋokâfâcne ʒiŋuc rocjopawec: Ʒimiraŋ, Jokisaŋ, Medaŋ, Midiaŋ, Isibaka â Sua. Eme Jokisaŋte ŋokâ jahec ine ʒiŋuc: Seba â Dedaŋ. 33 Eme Midiaŋte ŋokâfâc ine Efa, Efere, Hanoki, Abida â Elida. Ŋic jaŋe hâcne Keturare ɋâricfâc sasawa.
Esaure ɋâricfâc jaŋere ʒâŋe
(Fuf 36:1–43)
34 Abraham e Isakare mamac. Isakare ŋokâ jahec ine Esau â Israe. 35 Eme Esaure ŋokâfâc ine ʒiŋuc: Elifaʒi, Reguele, Jeusi, Jalam â Kora. 36 Elifaʒire ŋokâfâc ine ʒiŋuc: Temaŋ, Omare, Zefi, Gatam, Kenaʒi, Timina â Amaleke. 37 Eme Reguelene ŋokâfâc ine ʒiŋuc: Nahati, Ʒera, Sama â Miʒa.
38 Eme Seirire ŋokâfâc ine ʒiŋuc: Lotaŋ, Sobali, Zibeoŋ, Ana, Disoŋ, Eʒere â Disaŋ. 39 Eme Lotaŋte ŋokâ jahec ine ʒiŋuc: Hori â Hamam â Lotaŋte seŋ ine Timina. 40 Eme Sobalire ŋokâfâc ine ʒiŋuc: Aliaŋ, Manahati, Ebali, Sefi â Onam. Eme Zibeoŋte ŋokâ jahec ine Aja â Ana. 41 Eme Anare ŋokâ ine Disoŋ. Eme Disoŋte ŋokâfâc ine ʒiŋuc: Hamaraŋ, Esibaŋ, Itiraŋ â Keraŋ. 42 Eme Eʒere ere ŋokâfâc ine ʒiŋuc: Bilihaŋ, Ʒawaŋ â Jakaŋ. Eme Disaŋte ŋokâ jahec ine Uzi â Araŋ.
43 Israe ŋic jaŋerao ŋicwofuŋ mi juhapie Edom mâreŋko ŋicwofuŋ ʒiŋuczi jumbiŋ: Beoro ŋokâ‐ticne Bela. E hae‐ticnere ʒâŋe Diŋhaba. 44 Bela hâmome Bozera haeonec ŋic moc, ʒâŋene Ʒera, ere ŋokâ Jobabezi tucticne qarâ ŋicwofuŋ juwec. 45 Juku Jobabe e hâmome Temaŋ ŋic jaŋere mâreŋko‐nec ŋic moc, ʒâŋene Husam, eki tucticne qarâ ŋicwofuŋ juwec. 46 Juku Husam e wâc iŋuc jaha hâmome Bedadere ŋokâ Hadadizi tucticne qâra ŋicwofuŋ juwec. Eki hâcne Moabi mâreŋko Midiaŋ ŋic bawahac‐jopawec. Hadadi e hae‐ticnere ʒâŋe Awiti. 47 Juku Hadadi e wâc hâmome Masareka haeonec ŋic moc, ʒâŋene Samala, eki tucticne qarâ ŋicwofuŋ juwec. 48 Juku Samala e wâc hâmome Eufrata opâo hae moc ŋewec ʒâŋene Rehoboti irecnec ŋic moc, ʒâŋene Sauli eki tucticne qarâ ŋicwofuŋ juwec. 49 Juku Sauli e wâc iŋuc jaha hâmome Akaboro ŋokâ‐ticne Baali‐Hanaŋzi tucticne qarâ ŋicwofuŋ juwec. 50 Juku Baali‐Hanaŋ e wâc hâmome Hadadi wasenezi tucticne qarâ ŋicwofuŋ juwec. E hae‐ticnere ʒâŋe Pati â ŋonâŋ‐ticnere ʒâŋe ine Mehetabe. Mehetabe e Matiredere otâ â ŋosa‐ticne ine Meʒahaba. 51 Eme juku Hadadi e wâc hâmowec.
Eme Edom mâreŋko ŋic fekicne ʒiŋuczi jumbiŋ: Timina, Alia, Jeteti, 52 Oholibama, Ela, Pinoŋ, 53 Kenaʒi, Temaŋ, Mibezare, 54 Magadiele â Iram. Ŋic i jaŋe hâcne Edom mâreŋko fekicne jumbiŋ.