1 Eme no honehape hâwecmaŋkonec qowi mimicne moczi wefuwec. E šuŋene 10 â qizecne 7, erâ šuŋene sâc ira ŋicwofuŋ du 10 ŋerawec. Erâ qizec-ticnao šâŋe qâreŋ simbiŋne forawec. 2 Qowi mimicne honepo e hawarine qâto iŋucne, menezi pusime iŋucne, â micnezi laioŋ mic iŋucne. Eme oâ e šoɋac sasanaŋ-ticne â ŋicwofuŋ ŋeŋe-ticne â tâpiri sâko qikiŋnecnewec. 3 Qowi qizecne moc qâhâmokicne tinac honepo. Eme izi wicticne somieme biaŋkewec. Eme irec mâreŋ sâc ŋic jaŋe qowi hone warec boc ecnehuc râpefuŋnao jumbiŋ. 4 Erâ oâ e qowi tâpiri râcnewecte muteŋ bâteŋ ecnembiŋ. Ehuc qowi iŋuc jaha fenšoŋkehuc šiŋuc mumbiŋ: “Qowi e iŋucne mozi jukac? Erâ mozi moc wemo ecneocmu?”

5 Eme sahac mumuteŋ dâŋ â dâŋ gâgâpâcne muocte irec micne heteckekicne. Erâ gie-ticne i mosa 42 bahuc juocte dameŋ bacnekicne. 6 Eme irec Anutu e jahacne mecne â šâŋe biŋe-ticne mecne â sambâŋko ŋeŋe juju eeŋgopieŋ jaŋe mecne musoc qâsoriŋ ejarehuc juwec. 7 Erâ Anuture tiriŋicfâc râsi ejarehuc jopa sipiric ejareocte mana fâsâecnekicne, erâ wâc mâreŋne mâreŋne ŋic sahac hawari-jeŋic â dâŋmarac-jeŋic fuŋne fuŋne jaŋe ŋicbomboŋ ejare-fâreocte tâpiri râcnekicne. 8 Eme mâreŋŋic sasawa jaŋe mu šeri ecneniŋmu, ŋic šâŋe-jeŋic Lama qa hezuc ekicne ere juju papiao mârâc jaha mâreŋ fufuaonecteaŋ mi qâreŋkekicne jaŋe hâcne qowi iŋuc ecne-fâreniŋmu. 9 Hazecneheczi dâŋ kecši manazejec:

11 Eme mâreŋmaŋkonec qowi mimicne moc wefume honepo, e lama iŋucne šuŋene jajahec sawa fowec. Dâŋticnezi ine oâdâŋ. 12 Eme qowi izi qowi mârâc wefuwec ere maio ere tâpiri gie jaha bahuc jukac. Ehuc mâreŋŋic ejareme mârâc qowi, hâmocne tinac erâ ɋârewec, e dieŋzi hecneeŋgopieŋ. 13 Erâ mâsi kâcɋene baekac, ehuc mume mâreŋŋic honehapie sambâŋkonec šoc wahaekac. 14 Mâsi iŋucne hâcne baocte manacnekicnere mârâc qowi ere maio bahuc mâreŋŋic maŋ bâsifuc ejareekac. Ehuc mume qowi hâmokicne tinac erâ ɋârewec ere hawari baeŋgopieŋ. 15 Hawari i barâ râepie domaha šâhec qowi e manacnekicnere bâɋâreme dâŋ dâŋ eekac. Dâŋ dâŋ ehuc mume ŋic, e dieŋzi mi hecneeŋgopieŋ jaŋe qâhâmoc-jopaeŋgopieŋ. 16 Erâ wâc fekicne â wahakicne, mafahec â hapetac, ŋicbomboŋ â kiŋaŋ qaqa, ŋic i mâmâc sasawa ejareme mefâre-jeŋicko â mai-jeŋicko maqâreŋ bafâreeŋgopieŋ. 17 Eme qowire šâŋe qâreŋ â šare mi bajueŋgopieŋ, jaŋe wiac furi bapare aka hejareeŋgopieŋ. 18 Maŋɋârâŋ šira fokac: Ŋic moc e mamana focnekacko qowi šare-ticnere fuŋne bâfuazejec. Ʒare i ŋic mocte šâŋe. Ʒare hâcne i 666.