14
Mave God Ighagha Arira Aikena Mo, Kotari Tefori.
1 Mave tofo mandi “God tefo” erekotira amo, nu daghe irise, sari garera.
Evetu genembo avavaga nenda dubo joká bebeta edo irera. Ne tafasara beká ava eraera.
Eni jo ari eveva ae eraira.
2 Bajari utuda irise, evetu genembo fuge gosuse,
evetu genembo dubo kotise numoa tumonde baingheraera ava, tava eraira.
3 Avata ne isasambu emboro eveva do dariguse ari ekoko eraera.
Ne totofo bebeta edo irera.
Jo dabakoimi ari eveva ae eraira, eniko tefo bekári.
4 Bajari resira, “Ari ekoko embokena kotari tefori?
Ne nanda natofokena bagia use, namokena jo banungae eraera.”
5 Avata amboda ne ghamo takegha arira.
Ainda beká mo, God evetu genembo nunda sari ava eraera ainde dabade,
fetirari garera.
6 Ari ekoko emboi evetu genembo eveva ainda kotari a uju ava buregeraera.
Avata evetu genembo eveva nenda ambo sose fetari da vasa Bajari numori.
7 Arie, jebuga Saion*Afige, geka eni Saion dae gefusera, tuturo 2:6 duruda tege, garesa! ghedo foa Israel embo kena sirorare!
Bajari nenda ati ghayafa sekago mutari barera amo,
Jacob da imemesiri, Israel embo, isasambu ivuga use irarera.