85
God Nange Israel Embo Da Irari Esimbugaetira, Ainda Banungariri.
1 Bajari, ni ninda natofo da enda dae joka usesi. Ni sifo aminda sonembeteso, Israel sekago ati ghayafade useri.
2 Ninda natofo da ari ekoko kote dotutusesi, a nenda dimbari isambu kote dodo gukai futusesi.
3 Dubo ekoko nemokena edo ghusesa tukughusesi.
Aminguse, ninda dubo ekoko da fakina jighi fefetusesi.
4 Arie God, namanenda jebuga da susu nimori. Namane bu jovereghe fu!
Aminguse, namanekena bauso sosou eraesa, ava dodo, dubo jama e!
5 Are! Ni evovodae namanekena dubo ekoko use iraresa, ai? Ninda dubo ekoko jo nanjigo fua tukughae arira, ai?
6 Sonembe, namane ninda natofo sekago fakina edo, ni jighoro erase!
7 Arie Bajari, namane nange evovo dae dubo buraesa ava, aso isagha ari gaore!
Namane sonembuse, ninda jebuga mutaso baore!
8 Bajari God reava resira ava, na niningerena: namonde nunda totofori.
Ágido, namonde jo sekago jovereghe yama daghari da ari ae arera amo, nunda mainungari namonde kena mutarira.
9 Geka bekári, nu simbuge fetedo, mave numo igheghi eraera ava sonembari jebugarera.
Kotugo namonde sonembeari jebugeraera ainda duro ava, namondeda reighi eminda irarira.
10 God rea ari dae sisira ainda beká ava nune ari nunda dubo bari ainghae dabade isagha ari garera.
Akotugo dambugo irari nengae mainungari ghae barago sifo daba aminda isagha ari garera.
11 Namonde Israel embo God tumonde baingheraera aimi ungo God kena sirigaoro,
God aito kakara fugeraira aimi nunda ungo sirige namonde unumbarira.
12 Bajari namonde esimbugari susu iti fafode arera.
Aminguse, namondeda enda emo oka bayau digutururari mindarera.
13 Ari dambugo ari aimi, Bajari da emboro rerebe, giti irurari, nu amboda yarira.