87
Jerusalem Dae Sakai Sisira Ainda Gekari.
1 Enda jiro fumbari kakara aminda Bajari nunda bogu begaya didighusira.
2 Israel jokáda reighi mendeni mendeni iritirira, avata Bajari Jerusalem ava dubo bu gogoghomberaira.
3 God da bogu begaya aminda dighi ireva, nemokena resena.
Geka eveva gaveva nendae setiri vovoserira, ningivu!
4 Oro ningiami nanda sari ava eraera, tege nanda bukuda gembarena amo,
na oro Egypt nengae Babylon ghae da javo ava, nébarago gembarena.
Evetu genembo Jerusalem aminda siroredo irera, tege nanda bukuda gembarena amo, na Philistia embo, Taia embo
Ethiopia embo da javo ava gembarena.
5 Saion*Afige, geka eni Saion dae gefusera, tuturo 2:6 duruda tege, garesa! dae mo, eminge sarera, “Nunda oro oro nanjogo ainda sirorari vasa mo, Jerusalem numori.
Ainda sedo, God iká bekáda aimi sari fakina e fetarira.”
6 Bajari nunda oro oro nanjogoda javo gefuse, ne isasambu Jerusalem aminda siroredo,
Jerusalem embo beká irarira ava gembarira.
7 Amingari, Jerusalem embo divu fusedo ghuse eminge sise irarera,
“Arie Jerusalem, namanenda jebuga a esimbugari da susumo nimori.”