97
God Numo Evetu Genembo Isasambu Ainda Kaifa Arikato Fakinagori.
1 Bajari numo kiniri, enda riria aso dae resena!
Butu utu gambari utu gambari aminda fugedo ireva isambu ivuga aovo dae resena.
2 Foroga aimi a tumba jinjangharigo aimi nu doghedo irira.
Roera isambu nune bekáda bekáda use kaifa e goghomberaira.
3 Avaraka aimi nunda dombukena ise, evetu genembo numokena osogo use irágheraera ava, dungiari aviraera.
4 Nunda biria tarighuse usasa jaraghurureari, enda aimi gido ungo ata dadadagheraira.
5 Enda jiro fumbari kau tavaya tiveraira aminga ava,
endada oro oro iritirera, ainda Bajari da dombuda tivarira.
6 Utu da roeraimi ijugerira, God numo, ari bekáda bekáda vanembo eraira.
Evetu genembo nunda oro oro isasambu nunda duro giraera.
7 Evetu genembo mave ove keve ava tumonde baingheraera, ne meka garera.
Ainda beká amo, ove mo, fakina tefori, nenda god mane amo isasambu
Bajari da dombuda numoa tumonde baingharera.
8 Arie Bajari God, nenda gitofu ijujuse easo ghamo buraera ava ningido,
evetu genembo Saion*Afige, geka eni Saion dae gefusera, tuturo 2:6 duruda tege, garesa! iritirera a evetu genembo Judah bogu begaya digari futo aminda iritirera,
riria aimi jaruteraera.
9 Arie Bajari Fakina Kato, natofo isasambu endada iritirera ainda kaifaé tavo arikato amo nimori.
Nimo ika bekadari, god mane ninda duruda iritirera jo nimongo iraeri.
10 Mave ari ekoko imboe eraera ava, Bajari nune dubo buraira.
Nunda natofo da jebuga nune tavo eraira. Kotugo ari ekoko ari kakato ainda fakinkena saghimbe buraira.
11 Evetu genembo mave God da sari ava eraera aikena, God da usasa janimberaira,
a kotugo nunda ivuga futurureari itatama eraera.
12 Arie, ari eveva gaveva embo, Bajari nendae rea usira aindae, riria use irivu!
God kakarago beká rea usira ava kotise, nundae aiyakoe sedo ghevu!