125
God Nunda Natofo Ovinimbedo Kaifa Eraira.
1 Evetu genembo mave tumondari Bajari kena fifituse irá gheraera amo,
nemo kau doriri Saion*Afige, geka eni Saion dae gefusera, tuturo 2:6 duruda tege, garesa! amingori. Amo jo itako dara daraghuse gisighe yae arera, ne susu gambudo irera.
2 Kau doriri mane aimi Jerusalem jimbe birurughe fefetegirera aminga ava,
Bajari oroko nunda natofo jimbe birurughedo evovodae aminguse irarira.
3 Ekoko emboi jo sifo ghousa eveva emboda endada irise,
giti nene jo jighae arera. Ainda beká mo, ekoko emboi ghousago giti jighari nene aetera amo,
eveva embo nembarago, avose, tuturo edo ari ekoko aeteri.
4 Bajari, mave ari eveva eraera aikena ari eveva e,
mave ninda sari ava nembo eraera aikena!
5 O ni sifo nanjigo ari ekoko embo daso ghamo baoro dae aresa,
mave ninda uju eraera ava dodo, ekoko erera nemoa nembo daso ghamo barera.
Dubo jama Israel embokena irare!