130
Genembo Eni Sonembadae Banungusira.
1 Arie Bajari, na dara kau irae, eko beká ainda jokáda irise,
namo sonembaso dae sorara erena.
2 Arie Bajari, nanda sorara ningaso dae resena,
nandae joka use sonembaso dae sorara erena, ningi!
3 Ni namanenda ari ekoko gembu fifituse irá edo,
namane ijujari dae saetesa amo, mave jaunghe vatafaghe jebugari?
4 Avata, ni ari ekoko kote doyeraesa aindae,
namane nindae oju igheghi use,
tumonde baingheraera.
5 Na Bajari da sonemba ava kaifa gigita use,
nunda geka rea setiri fefetusira, ava
tumonduse irá gheraena.
6 Na Bajari foa sonembarira, na aindae ivuga ghae, kaifa eraena.
Isoro embo da kaifa kato ivugaghae sifo atare dae kaifa eraira da ivuga,
jo nanda ivuga amingo iraeri. Sekago resena, ituru embo setena,
ainda ivuga jo nanda ivuga amingo iraeri.
7 Arie Israel embo, nenda gigitari Bajari kena fitivu!
Ainda susu mo, nunda dubo bari teriagori.
Aimi namonde dubo bu gogoghombuse evovo dae namonde sonembari dae kato use irá gheraira.
8 Nune, nunda natofo Israel embo, nenda ari ekokoda mino mutudo sari jebugarera.