17
Bada kwai Sumaḡe
5 Bada i giuna gado,
“Tagu lava mabai nuwapoudimo a miyatautauliyegu,
bi lava ota edi ḡailisi sa waisumaḡedi,
ba tagu lavedi yà kovoḡidi.
6 Mba lavedi maibena kai tomboluna doḡa ḡasalinemo bi waiḡolanemo sa dugadugana.
Ḡome mote bai visuvisudi sima dugaduga bi lava mote ḡome sima miyamiya.* Baibol ḡesaudi a giuna gado, doḡa wainisanisana.
Niga mainana lavedi kaka mote bai visuvisuna lisidimo ima tubuḡa.
7 Lava mabai edi yawasana tabutabunemo,
tagu Bada ai sumaḡeguna ba yà kavisuvisudi.
8 ✡ Sale 1:3Mba lavedi edi yawasana maibena kai gauba diyanemo moimoitodi,
lamlamdi sa yovoyovo gaubemo te sa dugaduga kauwa.
Bi suwala ya lalanina saugemo ba mote simai nuwaboya.
Bi kalakaladada sauginemo ba mote sima naila,
tedi lugudi gidegidevidi, aubaina te sa votavota nonoḡa.
9 Mote aiyai kaka lava nuwapoudi ima sibedi,
laḡan matabuna ya nuwanuwavitale gebogebo bi waikaikaiyovu voiyedimo,
maibena boni dididiga mote aiyai imai yawasani.
10 Tagu Bada lava nuwapoudi taukitedi,
edi noḡota bi edi kauwa matabudi ya kita kauwedi,
kaka edi noya a voivoiyedina luvedimo mainana yài maiidi.
Tagu mai'ia giugiukauwina yà vitedi edi noya aubaina.”