1 Ma ba di ga pait vapar ra liplip na vat, ma ba iau ga vatur ra umana banbanu, ma ba di ga tibe ra umana monamono ma ra umana tena kakailai ma ra tarai Levi, 2 iau ga tul tar ra varkurai ure Ierusalem tai Kanani, turagu, ma Kanania ra luluai ta ra pal na bakbakit, tago ia ra dovot na tutana, ma i ga lia ta ra mangoro ma ra variru tadav God. 3 Ma iau ga ve dir ba koko da papa are ra umana mataniolo Ierusalem ona ra keake pa i lapap boko; ma ba ra umana monamono dia mono boko da banu ra umana matanilo ma da vung ra babat tana; ma da tibe ra tarai Ierusalem upi diat a monamono, tikatikai ta kana turtur na monamono, ma tikatikai ta ra luaina mata i ra kubana iat.

4 Ma ra pia na pal i ga manga tababa ma i ga ngala; ma ra paupau tarai ka dia ga ki tana, ma pa di ga vatur boko ra umana pal. 5 Ma kaugu God i ga vanuk tar ia tagu ba ina oro varurue ra umana ngalangala, ma ra umana tena varkurai, ma ra tarai, upi da luk guve diat varogop ma kadia umana apik na tarai. Ma iau ga tikan tadav ra buk na apik na tarai ure diat dia ga vana urama lua, ma iau ga na tadav go ra tinata tana:

6 Go ra tarai ta ra papar Iuda dia ga vana urama kan ra kini na vilavilau, nina Nebukadnesar ra king Babilon i ga ben voe diat, ma go dia ga talil uro Ierusalem, ma uro Iuda, tikatikai upi kana pia na pal iat. 7 Dia ga varagur ma Serubabel, Iesua, Nekemia, Asaria, Ramia, Nakamani, Mordekai, Bilsan, Misperet, Bigvai, Nekum ma Bana. Go ia ra niluluk ure ra tarai Israel:

8 A tarai Paros, a ura arip ma tika na mar ma lavurua na vinun ma a urua. 9 A tarai Sepatia, a utul a mar ma lavurua na vinun ma a urua. 10 A tarai Ara, laptikai na mar ma a ilima na vinun ma a urua. 11 A tarai Pakat-Moab, ta ra ura apik na tarai Iesua ma Ioab, a ura arip ma lavutul na mar ma a vinun ma lavutul. 12 A tarai Elam, tika na arip ma a ura mar ma a ilima na vinun ma a ivat. 13 A tarai Satu, lavutul na mar ma a ivat na vinun ma a ilima. 14 A tarai Sakai, lavurua na mar ma laptikai na vinun ot. 15 A tarai Binui, laptikai na mar ma a ivat na vinun ma lavutul. 16 A tarai Bebai, laptikai na mar ma a ura vinun ma lavutul. 17 A tarai Asgad, a ura arip ma a utul a mar ma a ura vinun ma a urua. 18 A tarai Adonikam, laptikai na mar ma laptikai na vinun ma lavurua. 19 A tarai Bigvai, a ura arip ma laptikai na vinun ma lavurua. 20 A tarai Adin, laptikai na mar ma a ilima na vinun ma a ilima. 21 A tarai Ater, tai Esekia, lavuvat na vinun ma lavutul. 22 A tarai Kasum, a utul a mar ma a ura vinun ma lavutul. 23 A tarai Besai, a utul a mar ma a ura vinun ma a ivat. 24 A tarai Karip, tika na mar ma a vinun ma a urua. 25 A tarai Gibeon, lavuvat na vinun ma a ilima. 26 A tarai Beteleem ma Netopa, tika na mar ma lavutul na vinun ma lavutul. 27 A tarai Anatot, tika na mar ma a ura vinun ma lavutul. 28 A tarai Bet-Asmavet, a ivat na vinun ma a urua. 29 A tarai Kiriat-Iearim, Kepira, ma Berot, lavurua na mar ma a ivat na vinun ma a utul. 30 A tarai Rama ma Geba, laptikai na mar ma a ura vinun ma tikai. 31 A tarai Mikmas, tika na mar ma a ura vinun ma a urua. 32 A tarai Betel ma Ai. tika na mar ma a ura vinun ma a utul. 33 A tarai Nebo (a enana), a ilima na vinun ma a urua. 34 A tarai Elam (a enana), tika na arip ma a ura mar ma a ilima na vinun ma a ivat. 35 A tarai Karim, a utul a mar ma a ura vinun ot. 36 A tarai Ieriko, a utul a mar ma a ivat na vinun ma a ilima. 37 A tarai Lod, Kadid, ma Ono, lavurua na mar ma a ura vinun ma tikai. 38 A tarai Sena, a utul a arip ma lavuvat na mar ma a utul a vinun ot.

39 A umana tena tinabar; a tarai Iedaia, ta ra apik na tarai kai Iesua, lavuvat na mar ma lavurua na vinun ma a utul. 40 A tarai Imer, tika na arip ma a ilima na vinun ma a urua. 41 A tarai Paskur, tika na arip ma a ura mar ma a ivat na vinun ma lavurua. 42 A tarai Karim, tika na arip ma a vinun ma lavurua.

43 A tarai Levi: a tarai Iesua, tai Kadmiel, ta ra apik na tarai Odeva, lavurua na vinun ma a ivat.

44 A umana tena kakailai: a tarai Asap, tika na mar ma a ivat na vinun ma lavutul.

45 A tarai na monamono na matakilalat: a tarai Salum, a tarai Ater, a tarai Talmon, a tarai Akub, a tarai Katita, a tarai Sobai, tika na mar ma a utul a vinun ma lavutul.

46 A tarai na papalum ta ra pal i gomgom: a tarai Sika, a tarai Kasupa, a tarai Tabaot, 47 a tarai Keros, a tarai Sia, a tarai Padon, 48 a tarai Lebana, a tarai Kagaba, a tarai Salmai, 49 a tarai Kanan, a tarai Gidel, a tarai Gakar, 50 a tarai Reaia, a tarai Resin, a tarai Nekoda. 51 a tarai Gasam, a tarai Usa, a tarai Pasea, 52 a tarai Besai, a tarai Meunim, a tarai Nepusesim, 53 a tarai Bakbuk, a tarai Kakupa, a tarai Karkur, 54 a tarai Baslit, a tarai Mekida, a tarai Karsa, 55 a tarai Barkos, a tarai Sisera, a tarai Tema, 56 a tarai Nesia, a tarai Katipa.

57 A umana bul mur ta ra tarai na tultul kai Solomon: a tarai Sotai, a tarai Soperet, a tarai Perida, 58 a tarai Iala, a tarai Darkon, a tarai Gidel, 59 a tarai Sepatia, a tarai Katil, a tarai Pokeret-Asebaim, a tarai Amon. 60 A tarai na papalum ta ra pal i gomgom par ma ra umana bul mur ta ra tarai na tultul kai Solomon, a utul a mar ma lavuvat na vinun ma a urua diat.

61 Go diat dia ga vana urama maro Tel-Mela, Tel-karsa, Kerub, Adon, ma Imer, ma i ga dekdek upi diat a vaarike bulu kadia apik na tarai ba kadia umana ngalangala pi da nunure tana ba diat a umana te Israel ba pata: 62 a tarai Delaia, a tarai Tobia, a tarai Nekoda, laptikai na mar ma a ivat na vinun ma a urua. 63 Ma ta diat ra umana tena tinabar: a tarai Kobaia, a tarai Akos, a tarai Barsilai (nina i ga taule tika na vavina ta ra umana natu i Barsilai ra te Gilead, ma di ga tul tar ra iang i diat tana). 64 Go diat dia ga tikan upi ra iang i diat ta ra buk na vuna tarai pire diat di ga tumu vake diat, ma pa dia ga tikan tadav ia; kari di ga biti ba pa dia gomgom, ma di ga okole vue diat kan ra tiniba na tena tinabar. 65 Ma ra luluai na gunan i ga biti ta diat ba koko diat a en ra magit i gomgom tuna, tuk tar ta ra bung tika na tena tinabar na tut rikai upi na vavaarikai ma ra Urim ma ra Tumim.

66 Ma diat ra tarai par di ga luk guve diat ba a ivat na vinun ma a ura arip ma a utul a mar ma laptikai na vinun ot, 67 ma kadia lavur tultul na tutana ma kadia lavur tultul na vavina, lavurua na arip ma a utul a mar ma a utul a vinun ma lavurua diat; ma kadiat a ura mar ma a ivat na vinun ma a ilima na tena kakailai bula, a tarai ma ra vaden. 68 Kadia lavur os, lavurua na mar ma a utul a vinun ma laptikai; kadia lavur miul,*A miul ia ra natu i ra os dir ma ra as. a ura mar ma a ivat na vinun ma a ilima; 69 kadia lavur kamel, a ivat na mar ma a utul a vinun ma a ilima; kadia lavur as, laptikai na arip ma lavurua na mar ma a ura vinun ot.

70 Ma ta umana lualua na apik na tarai dia ga vartabar ure ra papalum. A luluai na gunan i ga tul tar tika na arip na marmar na pal a, mani i goled ta ra vuvuvung na mani, ma a ilima na vinun na la, ma a ilima na mar ma a utul a vinun na mal na tena tinabar. 71 Ma ta umana lualua na apik na tarai dia ga tul tar a ura vinun na arip na marmar na pal a mani i goled ta ra vuvuvung na mani, ma tika na arip na kilogram (a ura arip ma a ura mar na paun) na silva. 72 Ma ra tarai par dia ga vartabar ma a ura vinun na arip na marmar na pal a mani i goled, ma ra lavuvat na mar na kilogram (a ura arip na marmar na paun) na silva, ma laptikai na vinun ma lavurua na mal na tena tinabar.

73 Damana ra umana tena tinabar, ma ra tarai Levi, ma ra umana monamono na matakilalat, ma ra umana tena kakailai, ma ta umana ta ra tarai, ma ra tarai na papalum ta ra pal i gomgom, ma ra tarai Israel par, dia ga kiki ta kadia lavur pia na pal.

Ma ba i ga vut ra gai lavurua, a tarai Israel par dia ga ki ta kadia lavur pia na pal.