54
A niaring upi ra varbalaurai kan ra ebar
Kai nina i lue ra kakailai; a mari na kakailai kai David, ba ra tarai Sip dia vana ma dia biti tai Saul: Dave, David pa i parau vang livuan ta vevet?
1 God, una valaun iau ure ra iangim,
Ma una varkurai ure iau ma ra dekdekim.
2 God una valongore kaugu niaring,
Ma ra tinata na ngiegu na ruk ta ra talingam.
3 Tago ra umana vaira dia tar tut ure iau,
Ma ra umana tena vinarubu dia tar mainge ba diat a ubu iau;
God pa i tur ta ra luaina mata i diat. Sela.
4 Ea, God kaugu tena maramaravut,
A Luluai iat i tukatukal kaugu nilaun.
5 Na bali ra kaina magit ta kaugu umana ebar;
Una vamutue diat varogop ma ra dovot na maukuam.
6 Ina vartabar piram ma ra tamarigat na vartabar;
Luluai, ina pite pa ra iangim tago i boina.
7 Tago i tar valangalanga iau kan ra lavur magit par i monong iau;
Ma ra matagu i tar gire ra magit iau mainge pire kaugu umana ebar.