NAMBASE
Wambunya Kingi Pepa Pyao Reteyamo Pii Doko
Buku dake Nambase lenge dokona Isaraele wambu dupwa yuu kyau Sainai yaki nyepala ee kana akalisa kisima nembo Anatumi yuu mairu lalu lao leyamo doko kando nyiyaminyi arome pii doko pyasi palamo.
Yuu kyau Sainai Isaraele wambu kareyaminyi dokopa Moseseme wambu peparae nyuo malu palyuo yaka leya. Enakana ee kana akalisa remale papeyamopa yuu Moape lenge dokona ipwa Jotane neta epenge kata dorena Moseseme dee wambu peparae kamba yaka leya.
Yaka leyamo doko arome pii mupwa kuki lama paleyamosa Mosese baame buku dake kingi Nambase leya. Wambo yaka leyamo dokopa kanya gii lama dokona yaka leyamo dokopa Isaraele wambu dupwa yuu Katese Paneya lenge dokona pao kareyami. Anatu baa Isaraele wambu dupwa yuu Kenane lenge doko mairu lao lalu leyamo dokona kipwa kipwarena repeta yuu Katese Paneya doko siya. Wambu dapwa yuu Kenane kando nyii napala kipwa kipwa dokona mee awali lao kareyami. Awali lao ee kana malu nembo yuu dokona yaki nyepala yuu Moape lenge ipwa Jotane neta epenge kata dorena peyami. Isaraele wambu lapo yuu Moape dokona ee wara pyuo karalu karo kareyami. Isaraele wambu menge dupwa ipwa Jotane yalo yuu Kenane pena rapa rapa pyuo kareyami.
Wambu dupwa leke leke rao pako pao kareyaminyi dokona paa nalana suu pyao kareyami. Dopa lao mumu lao karapala Isaraele wambu dupwame Anatupa Mosesepa kando leyambinyili pyuo pii napala kamba lao kareyami dokona lao pepa dakena palamo. Anatumi akali Mosese lenge dake baa Isaraele wambu lanyera lao rombo palyiya. Enda akalipi dupwa poo rao kamba lao kareyaminyipape Anatu nakamana yulu koo piyaminyi dupwa nyuo kame sakamipala waa lao iso kareya. Moseseme ee kana ama malu mee Anatunya kingi lakando karo Isaraele wambu dupwa Anatu rekya lao mona reto kaeya nao pyuo kareya. Kareyamo dokopa wambu dupwame yuu gii lapo baa randa maiyaminyi dokona mako imbuo piyamo kareyamo dusipa pepa dakena pyasi palamo.
1
1:1—6:21 Yuu kyau Sainai dokona Mosese baame Isaraele wambu dupwa yaka leyamo doko palamo. Dee Lipae akali dupwame aki yulu piyami dupwana lowa pyasi palamo. Dee Anatunya wambu dupwa apa pyuo poo pyasi ingyuo kareyami dupwana lowa lasi palamo.