1 Taunimanima gadodia ai bona aneru gadodia ai bama hereva, to asi egu lalokau, lau na auri e botaiamu eiava gaba e touamu na heto. 2 Peroveta siahuna bama abia, bona hehuni ḡaudia bona aonega ḡaudia iboudiai bama diba, bona egu abidadama amo ororo bama raga oho, to asi egu lalokau, lau na ḡau asi anina na heto. 3 Egu kohu idoinai ogoḡami taudia bama ubulaidia, bona tau-anigu bama heni, lahi ai bema ara ore, to asi egu lalokau, unu ese basie hanamogu.

4 Lalokau na e haheauka taritarimu; lalokau na mai ena heabi-dae; asi ena hebore; se heaḡimu; se hekokorokumu; 5 se kara havaramu; sibona ena ḡau se tahun u; se badll haraḡamu; ihadikal; lina karadia se lalo taomu; 6 kara gageva-gageva se moalelaimu, a hereva momokani e moalelaimu; 7 ḡaukara iboudiai e goadalaimu; ḡau iboudiai e abi daemu; iboudiai e laromu, dika iboudiai e haheauka henimu.

8 Lalokau na se dokomu. Peroveta herevadia hari bae ore; gado idaudia bae doko; aonega danu baine boio. 9 Badina be sisidia mo dibada, taidia taidia mo ta perovetamu; 10 a ḡoeva-daena bainema negana ai, sidia taidia ta diba ḡaudia na bae bubuni. 11 Merogu negana ai na herevava mero na heto, lalogu e urava mero na heto, egu lalo-hadai be mero ena lalo-hadai. A taugu e lo negana ai, mero ena kara vada na nege. 12 Badina be harihari hevarivari ai ta ita valahu-valahumu, a una negana ai baita ita heida-ida. Harihari sisina mo dibagu, a una negana ai do baina diba ḡoevaḡoeva, vada e dibagumu heḡereḡerena. 13 Taunabunai, ini ḡau toiosi mo mimia: abidadama, bona helaro, bona lalokau. A herea-daena be lalokau mo.