41
1 Leviathan*Leviathanna Heberu taudia edia gori ḡauna ta, e laloa ita-itana na sia na heto. na kimai amo ba veria diba
eiava malana na ba idoaia a?
2 Udu-baubauna na kwanau amo ba idoaia diba
eiava aukina na kimai amo ba gaua a?
3 Ia ese baine noinoi henimu
eiava hereva manadadia baine gwaurai henimu a?
4 Ia baine gwauhamata henimu, baineto
oi isiaimu baine lao heni hanaihanai, a?
5 Ba gadaralaia, manu na heto,
eiava ba ḡuia emu ruma kekenidia edia, a?
6 Hoihoi taudia ese ia davana bae hepapahuahulaia,
eiava ia bae haria, hoihoi biagudia ahudia bae henidia, a?
7 Diba momo amo ia kopina ba tarakia diba
eiava kwarana na karaudi amo ba gwadaia a?
8 Imamu amo ba dabaia tao toho;
e lou henimu na ba laloa, bena basio karaia lou.
9 A itaia, tau ta ena helaro anina basine vara;
e itaiamu negana ai vada e dareremu.
10 Asi tauna ta mai goadana ia baine haraivaia.
Benaini, daika na lau vairagu ai baine gini diba?
11 Daika ese ḡau ta vada e henigu, bena lau ese davana baina henia?
Guba henuna ḡaudia iboudiai na lauegu.
12 Udugu basina hakapua ia reḡena iherevalaidia,
eiava ena goada hereana eiava tau-anina ita-itana namona.
13 Daika ese ia kopina baine vakaia oho diba?
Daika ese ia kopina, auri ere rua na heheto, baine gwadaia uru?
14 Daika ese ia uduna baine hahaḡaia?
Ia isena heḡeḡe-dae na mai garina.
15 Doruna na kesi, siri ta ta ai,
e hahekapa-hekapadia;
16 padadia na hekahi-hekahi herea,
bena hodahoda na padadia amo basine vareai diba;
17 e hesiriu heboumu, e hekamo boumu,
basie haheparara diba.
18 Ena asimana na mai kimoremoredia,
bona matana na daba e rotoamu na heto.
19 Uduna lalona amo lahi hururu-hururudia e lasimu,
bona kimoremore danu e roho lasimu.
20 Udu-baubauna amo kwalahu e lasimu,
uro e daidaimu varahuna eiava siriho e aramu kwalahuna na heto.
21 Ena hahodi-lasi ese rakuraku audia e ha-aradiamu,
bona lahi hururuna na uduna amo e lasimu.
22 Aiona na mai goadana;
haheḡari na ia vairana ai e hare e laomu.
23 Hidiona baruru-barurudia e hahekapa-hekapadiamu;
ia tau-anina ai e aukamu, basie marere-marere.
24 Ia lalona na auka, nadi na heto;
nadi-hurona, latanai uit e ririamu ḡauna, na heto.
25 E tore isimu negana ai goada taudia na e garimu;
reḡena e kamonaimu, bena e magigimu.
26 Ena be dare na enai baine kau, to asi anina;
io bona diba bona karaudi danu asi anidia.
27 Auri na rei kakoro na heto ienai,
bona auri labora-labora na au houka-houkana na heto.
28 Diba ese basine hagaria, bena basine heau;
vilipopo nadidia na uit momona ai e halaoamu.
29 Kareva na uit momona heḡereḡerena ienai;
io reḡedia na e kirikirilaiamu.
30 Ia kopana na ataga ganoka-ganokadia na heheto;
kopukopu na e kwadiamu, uit ikwadilaina auna na heto.
31 Gadobada na e halohilohiamu, uro anina na heto;
davara na uro mai muramurana heḡereḡerena ai e halaoamu.
32 Ia murinai gwaragwara e hekaramu;
davara na e hanahuaiamu.
33 Tanobada ai ia heḡereḡerena ta lasi;
ia na asi gari dibana ḡauna.
34 Atai ḡaudia iboudiai na e itadiamu;
ia na hekokoroku ḡaudia iboudiai edia pavapava.