1 Farisea taudia bona itorena taudia haida Ierusalem amo ela, ia dekenai e hebou. 2 Bena ena hahediba haida e itadia, imadia asie huri, mai mirodia ida e anianiva. 3 Hari Farisea taudia bona Iuda taudia iboudiai edia kara be imadia basiema huri ḡoevaḡoeva basiema anialli, sene edia taravatu dainai; 4 bona hoihoi gabuna amo e maiva, e hoi ḡaudia basiema huri na basiema ani: bona taravalu momo e badina: nau bona uro bona hodu ihuridia taravatudia.

5 Taunabunai, Farisea taudia bona itorena taudia ese e nanadaia, eto, Badina be dahaka emu hahediba ese sene edia taravatu asie badinamu, imadia asie hurimu vada e anianimu? 6 Ia na e haere, eto, Koikoi taumui e, momokani Isaia ese umui e gwauraimui, ini e torea toma,

8 Badina be umui ese Dirava ena haheḡani o dadaraiamu, a taunimanima edia taravatu o baduna tarika-tarikamu.

9 Ma eto, Momokani, umui ese Dirava ena haheḡani o lalo negemu, senemui edia taravatu ilalo-taodia helaoreana. 10 Badina be Mose eto, Tamamu sinamu ba matauraidia, bona, Tama sina iuduguiraidia tauna na bavalaia mase. 11 To umui o tomamu, Tau ta ese tamana eiava sinana baine hamaoroa, baineto, “Ina egu kohu ese bema hanamomu, to vada Kobana” (anina be “Dirava ena helaḡa ḡauna’), 12 una tau ese tamana sinana basine harihari henidia o tomu. 13 Unu amo umui ese senemui herevadia amo Dirava ena hereva o utuamu. Bona kara unuhetomadia diaḡau o karamu.

14 Bena ia ese aru taudia e boiridia lou, eto, Iboumui ai mani a kamonai, ba diba: 15 murimuri amo e domu daemu ḡaudia na tau lalona basine hadikaia, a lalona amo e lasimu ḡaudia ese bae hadikaia. 16 Mai taiana tauna na baine hakala.

17 Ia ese hutuma e rakatanidia, ruma ai e raka vareai; bena ena hahediba ese una hereva heḡereḡerena e nanadailaia. 18 Bena ia ese e haere henidia, eto, Umui danu lalomui asie pararamu a? Asi dibamui murimuri amo e domua daemu ḡauna na dia hahedika ḡauna a? 19 Badina be lalona ai se vareaimu, a bogana ai mo e vareaimu, bena inegena gabuna e laomu. Ina hereva e gwauraia, aniani ḡaudia iboudiai ḡoevadia e gwaurai.

20 Ma eto, Lalona amo e daemu ḡaudia hari, taunimanima e hadikadiamu. 21 Badina be tau lalona amo bona darana amo lalo-hadai dikadia, matabodaga, 22 henao, ala-ala, heuda-hanai, heḡahusi, kara dikadia, koikoi, lebulebu, mata-dika, hahebade koikoi, hekokoroku bona kara kava e daemu: 23 ini dika iboudiai na tau lalona amo e daemu, bona e hadikaiamu.

24 Unu amo e tore isi, Turo bona Sidono kahadia ela. Ruma ta ai e dae, ena ura be tau ta basine diba; to asi ena komu dalana. 25 A hahine ta natuna kekenina na lauma dikana ese e boloa, bena ia harina e kamonai ai na maoromaoro ela, aena badinai e goru diho. 26 Ia na hane Helene, Suro-fenise hahinena; bena e noia, lauma dikana na hari kekeni ena amo iaese baine lulua oho. 27 A ia ese e hereva henia, eto, Ruma memerodia bogadia bae kunu guna; badina be dia maoro memero adia bae abia, sisia bae taho henidia. 28 Hahine na e haere, eto, Lohiabada e, momokani; to sisia-sisia be pata henunai memero adia aniani momorudia e animu. 29 Bena ia ese hahine ma e hereva henia, eto, Emu hereva dainai vada aola: lauma dikana na natumu ena amo vada e lasi. 30 Bena hahine na ena ruma ela, kekeni na mahuta patana ai hekurena ai e davaria, a lauma dikana vada e lasi.

31 Bena Turo tanona e rakatania, Sidono bona Hanua Gwauta tanodia e rakadia hanai, Galilea gohuna amo e lasi. 32 Bena haida ese taia-kudimabona lanalana tauna ta ia dekena e hakaua lao, e noia, imana na ia tubuana ai baine ato kau. 33 Iesu ese hutuma lalona arno e hakaua siri, kwaki-kwakina taiana ai e toi vareai, bona kanudina malana e dahulaia. 34 Bena guba ai e roha dae, e ḡanaḡana, eto, Efata (anina be “A kirara”). 35 Bena taiana e kirara, malana e maoro, e hereva ḡoevaḡoeva. 36 Ia ese e tamanudia, tau ta basie hadibaia, to ena hetamanu na asie kamonai, a harina e piua rohoroho. 37 Idia na e hoa dikadika, eto, Ia ese ḡau iboudiai e kara ḡoevagoevamu; taia-kudima taudia e hakamonaidiamu, bona mu taudia e haherevadiamu.