Tuni Bidi Dabego Po Elalubo Buku Deli
Hasia nedebo po
Te buku 1 Storime 2 Storidago nogi ebo dao, te buku si tomode te buku Samuel me buku King tomode pusali po tiwai hauwa ma pusai elalubao. Tede wali po hauwa te deli me bukude wali po tiwai hauwa mu ma wali, tiali goli te asęani bidigo homude asęani po page, te tedali dwasianu gasagi yai asęani. Te buku sigo te bidigo yali homu po te hanilama hania pusali.
(1) Mu dao, Israel hani augwaligo God tudiba mubaso, te haniani sęgęgo augwali dolali, tiali goli Godigo augwali mu tagalobeo. Menio. Godigo sę augwali dali me idubadi, agai augwa wąį nǫų dabe dali dąų wali bomai poba usu nainogo yalio. Te homu kolesaga hanilama ola mawai hagede yali, te buku sigo hanilama pusali po te wiegi yai sę dabe te king Devit, me Solomon, me Jehosafat, me Hesekia, me Josaia, augwali nogode pedelali sę po pusali.
(2) Te buku side wali po te Godigo Moni tempel be Jerusalemde te we bidigo Godiba lotu wabo kolesagade po hauwa elalubao. Te augwaligo mena page elalubaso, te kolesaga dabe pedelali, te buku side wali pogo hania hanilama ola mawai. Tama me, augwali sigo te pris dabego me te Livai hani dabe augwaligo ebo sęde po hania hanilama pusa mawai dao.
1 Storibukude te Israel dabe augwali bulali wąį nǫų dabe nogi asęani po elalubao, te Adamde gagalasa te king Solba usu nagasali. Tama agai te king Sol me king Devit si bidu yali sę po me pusai dao.
Adamgo Hani Dabe Dao
1
(Dąį 1:1-27)
Adamgo ogwa dabego hani dabego nogi dao
(Gag 5:1-32; 10:1-31; 11:10-26)
1 Adam te Setgo aya, te Set Enosgo aya dao. 2 Enos te Kenango aya, tama te Kenan te Mahalalelgo aya, te Mahalalel te Jaretgo aya dao. 3 Jaret aga te Enokgo aya, tama Enok te Metuselago aya, Metusela te Lamekgo aya, 4 tama Lamek te Noago aya dao. Tama Noago ogwa sela elaluali. Ogwa sela nogi e tiwai, Sem, me Ham, me Jafet.
5 Te Jafetgo ogwa dabego nogi e tiwai dao, Gomer, me Magok, me Madai, me Javan, me Tubal, me Mesek, me Tiras dao. 6 Gomer agade bulali wąį nǫų hani bage te Askenas, me Rifat, me Togarma dao. 7 Javan agade bulali wąį nǫų hani bage Elisa, me Tarsis, me Saiprus, me Rodes dao.
8 Hamgo ogwa dabe nogi e tama dao, Kus, me Misraim, me Put, me Kenan. Kus agade bulali wąį nǫų dabe Sudan, te Misraim agade bulali wąį nǫų te Isip dabe dao, te Put agade bulali wąį nǫų te Libia dao, te Kenan agade bulali wąį nǫų te Kenan hani dabe dao. 9 Te Kusgo ogwa dabego nogi e tiwai, Seba, me Havila, me Sapta, me Rama, me Sapteka. Ramago ogwa si ame nai, Seba me Dedan dao. 10 Kusgo gasa ogwa me elaluai, aga nogi te Nimrot. Nimrot te hasia mu te we bidi tonalubo bomai king bidi pedelama bidali.
11 Misraim agai wąį nǫų dabe te Lidia dabe, me Anam dabe, me Lehap dabe, me Naptu dabe, 12 me Patrus dabe, me Kaslu dabe dao. Tama nosali te Filistia dabe da te Kaslu hanidu pedelai dao. Tama te Kaptor dabe me augwali te Misraim agai wąį nǫų dabe dao. 13 Kenan agai bulali wąį nǫų dabe te Saidon dabe, te agai gomunai ogwago bulali wąį nǫų hani dabe dao. Tama me Kenan aga te Hit dabe, me
14 te Jebus dabe, me Amor dabe, me Girgas dabe, 15 me Hivi dabe, me Arka dabe, me Sini dabe, 16 me Arvat dabe, me Semar dabe, me Hamat dabe, te augwali bulali wąį nǫų Kenan dao.
17 Siemgo ogwa dabe nogi e tiwai, Elam, me Asur, me Arpaksat, me Lut, me Aram, me Us, me Hul, me Geter, me Mesek dao. 18 Arpaksat aga te ogwa Selago aya, te Sela te ogwa Ebergo aya dao. 19 Ebergo ogwa si ame nani, Pelek me Joktan dao. Te tǫde we bidi augwali te hani hauwa pebeda pabo sę ebo gagalali, te Pelek pedelali sogo tialio, tama tibaso aga ayago aga nogi Pelek poalio. *Te Hibru pode te nogi Pelek te page te tobage pąde te tiwai si elalubao, “pebeda palio.” 20 Te Joktango ogwa dabego nogi e tiwai dao, Almodat, me Selep, me Hasarmavet, me Jera, 21 me Hadoram, me Usal, me Dikla, 22 me Ebal, me Abimael, me Seba, 23 me Ofir, me Havila, me Jobap dao. 24 Siem te Arpaksatgo aya, aga Selago aya, me 25 Sela te Ebergo aya, te Eber Pelekgo aya, aga te Reugo aya dao, 26 te Reu aga te Serukgo aya, te Seruk Nahorgo aya dao. Tama Nahor te Terago aya, 27 tama Tera te Abramgo aya da. Abram nogi gesi me hasegelali, te nogi Abraham dao.
Abrahamgo hani dabe
(Dąį 1:28-54)
Abrahamgo hani ogwa mebago nogi dao
(Gag 25:12-16)
28 Abrahamgo ogwa si elaluai, Aisak me Ismael dao. 29 Ismaelgo gomunai ogwa te Nebaiot. Te Ismaelgo gasa ogwa dabego nogi e tiwai dao, Kedar, me Atbel, me Mipsam, 30 me Misma, me Duma, me Masa, me Hadat, me Tema dao, 31 me Jetur, me Nafis, me Kedema dao.
32 Abrahamgo si wali we me sai, aga nogi Ketura. Te Keturago ame nani ogwa dabe nogi e tiwai, Simran, me Joksan, me Medan, me Midian, me Isbak, me Sua. Joksango ogwa si elaluali, Seba me Dedan. 33 Te Midiango ogwa dabe nogi e tiwai, Efa, me Efer, me Hanok, me Abida, me Elda, te tama dao.
Te Isogo hani ogwa dabe nogi dao
(Gag 36:1-19)
34 Aisak, te Abrahamgo ogwa, agai ogwa si elaluai, Iso me Jekop. Te Jekopgo gasa nogi me da, te Israel dao. 35 Tama Isogo ogwa dabego ogwa nogi dabe e tiwai, Elifas, me Ruel, me Jeus, me Jalam, me Kora dao. 36 Elifasgo ogwa dabe nogi e tiwai, Teman, me Omar, me Sefi, me Gatam, me Kenas, me Timna, me Amalek dao. 37 Ruelgo ogwa dabe nogi e tiwai, Nahat, me Sera, me Sama, me Misa dao.
Te Seirgo ogwa dabe hani nogi dabe
(Gag 36:20-30)
38 Seirgo ogwa dabe nogi e tiwai, Lotan, me Sobal, me Sibeon, me Ana, me Dison, me Eser, me Disan dao. 39 Lotango ogwa dabe nogi e tiwai dao, Hori me Homam. Lotango abe Timna dao 40 Sobalgo ogwa dabe nogi e tiwai, Alvan, me Manahat, me Ebal, me Sefi, me Onam dao. Sibeongo ogwa dabe nogi e tama, Aia me Ana dao. 41 Anago ogwa te Dison da. Disongo ogwa dabe nogi e tama, te Anago ogwago ogwa nogi e tiwai, Hamran, me Esban, me Itran, me Keran dao. 42 Esergo ogwa dabe nogi e tama da, Bilhan, me Savan, me Jakan. Te Disango ogwa dabe nogi e tama, Us me Aran dao.
Te Idom king dabego nogi dao
(Gag 36:31-43)
43 Te tǫ kantri Israelde tuni bidi king elalusiąbadi, te tǫ kantri Idomde king hauwa elalua pali. Hasia mu bidali king Bela, te Beorgo ogwa da. Aga te taun Dinhabade king bidali. 44 Tama Bela isibaso, Jobap, te Serago ogwa, te taun Bosra bidi, te king pedelai dao. 45 Tama Jobap isibaso, te Husam te Teman bulu tǫ bidi te king bidai dao. 46 Tama Husam isibaso, Hadat, te Bedatgo ogwa, te king pedelai dao. Hadat te tǫ kantri Moapba pelama, te Midian dabe dali boi hwįnama augwali aiyaba elaluai. Hadat te taun Avitde king bidalio. 47 Te Hadat isibaso da, Samla te taun Masreka bulu bidi king pedelali. 48 Te Samla isibo si da, Saul te taun Rehobot te wę Yufretis bulu pąde bidi, te king pedelama bidai dao. 49 Te Saul isibaso da, Balhanan, te Akborgo ogwa, te king pedelai dao. 50 Tama te Balhanan isibaso, Hadat king pedelali. Tama aga te taun Pau tede king bidai, aga we, te Mehetabel da, te Matretgo wegi, te Mesahapgo bulai wąį nǫųgo wegi dao.
51 Hadat isibo si da, nosali te tobolu bidi hetman dabego te Idom tonaluai dao. Augwaligo te bulu tǫ pedai distrik dabe tonaluai, Timna, me Alva, me Jetet, 52 me Oholibama, me Ela, me Pinon, 53 me Kenas, me Teman, me Mipsar, 54 me Makdiel, me Iram, te bulu dabe te 11 tama bulu dabe tonaluai dao