37
Bateli ana Dedewaga
Besaleli ebwakil alana akesiya ge gold i ahe yaka dedewaga i ginol. (puna 1-5)
6 Gold enona hot i ahe dedewaga ana heguna i ginoliya, gamagalau wali gegi ana abayakiyakil. Heguna o ana yapu 110 sentamita ge ana manamana 66 sentamita. 7 Gold i ahe bwasumu labui opeliya gaganina i bub ginolil, 8 etegana i minaa buhuna etega, eluwana i minaa buhuna etega. Ginebi heguna i ginolil toyawe. 9 Opeliya hi anal inoke heguna hi pahabobu. Awoliya hi pempewa ge maniniliya i lau heguna elana.
Beleid Bwabwalena ana Teibol ge Odam ginebi Abaliya
Ebwakil alana akesiya ge gold hi ahe yaka beleid bwabwalena ana teibol hi ginoliya. (puna 10-16)
Gold enona hot hi ahe odam abaliya hi ginoliya. Odam abaliya lalana ona i gan inoke odam hi teliya lalana ona eliyalil. (puna 17-24)
Bugul Bwalena Waiwaisana ana Abatonton
Ebwakil alana akesiya ge gold hi ahe bugul bwalena waiwaisana ana abatonton hi ginoliya. (puna 25-29)