4
Yehoba Togasisi Hot i ba, “He lan o i nenem. Lahi toto na ginol lan o ni ola hiwo kalakalasina hot, yaka tohanaha gegewel ge nak ana toginol gegewel nihi ola mwawin kekevana. Inoke lan o no lahi ni ton olagil, he nige ewahililiya etega o ebo nuwaliya etega ni mimina. Yaa bolo ku lovakunagau, he toto sapu ni pwatanim ni ha ni ola sabwelu kaiwemiu,* toto sapu ni pwatanim ni ha ni ola sabwelu kaiwemiu Baaba ya ana talisi eluwa. Etegana Yehoba wana lan bana. Lan o wana vin sapu ge pwamwal ni pwatanim tosasapol kaiweliya ni ola sabwelu mwananal i pwapwatanim. Eluwana Mesaiya bana. Wana nem ni ola sabwelu wana ha, yaka iya sapu ge pwamwal ni pek elal. yaka ni pwamolomiu ni ola sabwelu i yanemiu. Yaka komiu nuku tagil ge alona wami yaliyaya nuku susupeni ni ola bulumwakau natunau bolo hi sokalil ali gana kekeisi elana. Yaka toginol naknak nuku potil lowagil. Lan toto na tuwalali gamagalau na payatalal, heliya nihi ola papakova aemiu gabulanaa.” He Yehoba Togasisi Hot wana baaba i ola to.
 
Yehoba i ba, “No totuwalali Mosese wana logugui nuku nuwahikan. Nau ya pek elana oya Sainai ge ya ba Isileli gegewel nihi henapuan.
“He mulaa abwe no lan bwabwatana ge lolovakunina ni vin, palopita Ilaitiya ga na patuna eliyamiu. Iya tamataman aloliyau ge natuliyau ni ahel maniniliya ni abubun.* He Mat 11:13-14; 17:10-13 ge Luke 1:16-17 nu kitel. Ebo nigeya, yaka na nem ge wami panuwa na apapanak-an hoti.”

*4:2: toto sapu ni pwatanim ni ha ni ola sabwelu kaiwemiu Baaba ya ana talisi eluwa. Etegana Yehoba wana lan bana. Lan o wana vin sapu ge pwamwal ni pwatanim tosasapol kaiweliya ni ola sabwelu mwananal i pwapwatanim. Eluwana Mesaiya bana. Wana nem ni ola sabwelu wana ha, yaka iya sapu ge pwamwal ni pek elal.

*4:6: He Mat 11:13-14; 17:10-13 ge Luke 1:16-17 nu kitel.