12
Pol Godɨn Duam anɨngizir bizir aghuir guar avɨribav gei
1 Nan adarasi, kɨ datɨrɨghɨn deravɨra Godɨn Duam anɨngizir bizir aghuibar ia mɨkɨmasa. 2 Sng 115:5-7, Hab 2:18-19, 1 Ko 6:11, Ef 2:11-12, 1 Pi 4:3Onger Akaba 115:5-7; Habakuk 2:18-19; Efesus 2:11-12; 1 Pita 4:3Ia kamaghɨn fo, ia fomɨra Kraisɨn adarazir otivizir puvatɨzir dughiamɨn, biziba tintinimɨn ia getuima, ia mɨgeir puvatɨzir marvir guar kaba pura dar gɨn zui. 3 Mt 16:17, Mk 9:39, 2 Ko 3:5, 1 Jo 4:2-3Matyu 16:17; Mak 9:39; 2 Korin 3:5; 1 Jon 4:2-3Kamaghɨn, ia kamaghɨn foghasa kɨ ifonge. Godɨn Duam gumazitamɨn ikɨtɨma a kamaghɨn mɨkemeghan kogham, “Iesus, a ikufigh.” Ezɨ uaghan Godɨn Duam puvatɨzir gumazitam kamaghɨn mɨkemeghan kogham, “Iesus, an Ekiam.”
4 Ef 4:4, Hi 2:4, 1 Pi 4:10Efesus 4:4; Hibru 2:4; 1 Pita 4:10Rom 12:6-8Godɨn Duam bizir aghuir guar avɨribagh ami, Duar kamra ada nɨdi. 5 Ro 12:6-8, Ef 4:11Rom 12:6-8; Efesus 4:11God bagha ingarir tuavir guar avɨriba iti, ezɨ e Ekiar kamra bagha ingari. 6 Ingangarim gamir arazarazir avɨriba iti, ezɨ Godɨn vamɨrara gavgavim ko fofozim bar gumazamizibagh anɨdima, me ingangarir kabagh ami.
7 1 Ko 14:26, Ef 4:7, 1 Pi 4:10-111 Korin 14:26; Efesus 4:7; 1 Pita 4:10-11Godɨn Duam gumazamiziba vaghvagha men aven uan ingangarim akakasi, egh tuavir kamɨn a gumazamiziba bar men akurvagham. 8 1 Ko 13:2, 2 Ko 8:71 Korin 13:2; 2 Korin 8:7Gumazamizibar tav, Godɨn Duam akar nɨghnɨzir aghuiba itim mɨkɨmasa gavgavim a ganɨdi. Egha gumazamizir igharaziba, Duar kamra akar fofozim bar izɨvazim mɨkɨmasa gavgavim a ganɨdi. 9 Mt 17:19-20, 1 Ko 13:2, 2 Ko 4:13, Je 5:14Matyu 17:19-20; 1 Korin 13:2; 2 Korin 4:13; Jems 5:14Duar kamra, nɨghnɨzir gavgavim ikiasa gavgavim gumazir mam ganɨdi. Egha Duar kamra, arɨmariar gumazamiziba amutɨ, me ghuamaghamin gavgavim gumazamizir igharazibagh anɨdi. 10 Ap 2:4, Ro 12:6, 1 Ko 14:5, 14:29, 1 Jo 4:1Aposel 2:4; Rom 12:6; 1 Korin 14:5; 14:29; 1 Jon 4:1Egha igharazitav, a mirakelbagh amir gavgavim a ganɨdi. Egha igharazitav, a Godɨn otivir akabar gun mɨgeir gavgavim a ganɨdi. Egha igharazitav, a duaba tuisɨghamin gavgavim a ganɨdi. Egha igharazitav, Godɨn Duamɨn otivir mɨzer guar avɨribav kɨmamin gavgavim a ganɨdi. Egha igharazitav, a mɨzer kabagh ighavkɨnamin gavgavim a ganɨdi. 11 Ro 12:4-8, 1 Ko 7:7, 2 Ko 10:13, Hi 2:4Rom 12:4-8; 1 Korin 7:7; 2 Korin 10:13; Hibru 2:4Duar vamɨra, anarɨra bizir kaba bar dagh ami. A uabɨ ifongezɨ moghɨn, bizir aghuarir mam isa gumazamizir mabagh anɨga, ua bizir igharazir aghuir mam isa, gumazamizir igharazibagh anɨdi.
E bar moghɨra, e mati inivafɨzir vamɨran akuaba
12 Ro 12:4-5, 1 Ko 10:17, Ga 3:16, Ef 4:4, 4:16Rom 12:4-5; 1 Korin 10:17; Galesia 3:16; Efesus 4:4; 4:16Gumazamiziba vaghvagha inivafɨzir vamɨra, egha akuar avɨriba iti. Ezɨ akuar avɨrir kaba, inivafɨzir vamɨran poro. Ezɨ Kraisɨn sios uaghan kamaghɨra. 13 Jo 6:63, Ro 6:5, Ga 3:28, Kl 3:11Jon 6:63; Rom 6:5; Galesia 3:28; Kolosi 3:11Duar vamɨra bar moghɨra e ruezɨ, e inivafɨzir vamɨran mɨn iti. E Judaba ko Kantrin Igharazibar Gumazamiziba, ko ingangarir gumazamizir kɨniba ko fɨriaghɨrezir gumazamiziba, Godɨn Duam bar moghɨra e gamizɨ, mati gumazamizir avɨriba uari inigha dɨpar itarir vamɨran api moghɨn, e uari inigha Godɨn Duam ko poro.
14 E fo, inivafɨzim an akuar vamɨra puvatɨ, an akuar avɨriba iti. 15 Eghtɨ suem suam, “Kɨ dafarim puvatɨ, egha kɨ inivafɨzimɨn akuam pu,” puvatɨ, suem a inivafɨzimɨn akuar mam. 16 Eghtɨ kuarim suam, “Kɨ damazim puvatɨ, egha kɨ inivafɨzimɨn akuam pu,” puvatɨ, kuarim a inivafɨzimɨn akuar mam. 17 Eghtɨ inivafɨzim bar moghɨra damazimra, a manmaghɨn oragham? Egh inivafɨzim bar moghɨra kuarimra, a manmaghɨn bizibar mughuriabar amuam? 18 Ro 12:3, 1 Ko 3:5, 12:11, 12:28Rom 12:3; 1 Korin 3:5; 12:11; 12:28Ezɨ guizɨn inivafɨzim kamaghɨn puvatɨ. God an akuaba uabɨ ifongezɨ moghɨn, vaghavagha bar da isa an poke. 19 Inivafɨzim an akuar vamɨra ikɨva, kamaghɨn a guizɨn inivafɨzim puvatɨ. 20 Ezɨ inivafɨzim a kamaghɨn puvatɨ. Inivafɨzim akuar avɨriba ikia, bar inivafɨzir vamɨran poke.
21 Eghtɨ damazim kamaghɨn dafarimɨn mɨkɨman kogham, “Nɨ ikian koghtɨ, kɨ uabɨra deravɨra ikiam.” Eghtɨ dapanim uaghan kamaghɨn suem mɨkɨman kogham, “Nɨ ikian koghtɨ, kɨ uabɨra deravɨra ikiam.”
22 Puvatɨ. Inivafɨzimɨn akuar maba, e dav gɨa ghaze, da gavgaviba puvatɨgha pura biziba, eghtɨ da ikian koghtɨ, inivafɨzim deraghvɨra ikian kogham. Bar puvatɨgham. 23 Egha inivafɨzimɨn akuar maba, e dav gɨa ghaze, da derazir puvatɨ. Egha e bar deravɨra da asi. Egha inivafɨzimɨn akuar e aghumsɨziba, e bar deravɨra da ave. 24 Egha inivafɨzir akuar igharaziba, e da ave puvatɨzɨ, da pura iti. God bar deravɨra inivafɨzimɨn akuabar ingarizɨ da bar uari akufa. Egha kamaghɨn inivafɨzir akuar ziaba puvatɨzibagh amizɨ, da uaghan ziar ekiaba iti. 25 God kamaghɨn ifonge, inivafɨzimɨn akuaba uari abɨghan kogh, bar uari inigh uarir akurvaghsɨ nɨghnɨgham. 26 Kamaghɨn amizɨ, inivafɨzimɨn akuatam mɨzazim initɨ, inivafɨzimɨn akuaba uaghan bar mɨzazim iniam. Eghtɨ inivafɨzimɨn akuatam ziar ekiam initɨ, inivafɨzir akuar igharaziba uaghan a ko bar akongegham.
27 Ro 12:5, Ef 1:23, 5:30, Kl 1:24Rom 12:5; Efesus 1:23; 5:30; Kolosi 1:24Ia bar moghɨra Kraisɨn inivafɨzim. Egha ia vaghavagh an inivafɨzimɨn akuaba. 28 Ap 13:1, Ro 12:6, Ef 2:20, 4:11-12Aposel 13:1; Rom 12:6; Efesus 2:20; 4:11-12Egha God siosɨn ingangarim damuasa, faragha aposelbav sefe, egha aposelbar gɨn, a uan akamɨn otivir akabar gun mɨgeir gumazamizibav sefe, egha men gɨn, God ifongezir arazibar igharaz darazir sure gamir gumazamizibav sefe. Egha uaghan mirakelbagh amir gumazamiziba ko, gumazamizir arɨmariabagh amima da ghuamaziba ko, gumazamizir igharaz darazir akurvaziba ko, siosɨn ingangaribar amuasa gumazamizibav gɨa ingangariba vaghvagh me ganɨdiba ko, Godɨn Duamɨn otivaghirir mɨzebav geir gumazamizibav sefe. 29 Ezɨ manmakɨn? Me ti bar aposelbar ingangarim damuam? Me ti bar Godɨn otivir akabar gun mɨgeir ingangarim damuam? Me ti bar gumazamizibar sure gamir ingangarim damuam? Me ti bar mirakelbagh amir gavgavim ikiam? 30 Me ti bar arɨmariabar amutɨ da ghuamaghamin gavgavim ikiam? Me ti bar Godɨn Duamɨn otivaghirir mɨzebav kɨmam? Me ti bar mɨzer kabagh ighavkɨnamin fofozim ikiam? Bar puvatɨ, me bar vaghavagha ingangariba iti. 31 1 Ko 14:11 Korin 14:1Ia Godɨn Duam anɨdir gavgavir faragha zuiba ia da inisɨ, bar ifongegh. Eghtɨ kɨ datɨrɨghɨn arazir faraghavɨra itim, kɨ ian akagham.
12:2: Sng 115:5-7, Hab 2:18-19, 1 Ko 6:11, Ef 2:11-12, 1 Pi 4:3
12:2: Onger Akaba 115:5-7; Habakuk 2:18-19; Efesus 2:11-12; 1 Pita 4:3
12:3: Mt 16:17, Mk 9:39, 2 Ko 3:5, 1 Jo 4:2-3
12:3: Matyu 16:17; Mak 9:39; 2 Korin 3:5; 1 Jon 4:2-3
12:4: Ef 4:4, Hi 2:4, 1 Pi 4:10
12:4: Efesus 4:4; Hibru 2:4; 1 Pita 4:10
12:4: Rom 12:6-8
12:5: Ro 12:6-8, Ef 4:11
12:5: Rom 12:6-8; Efesus 4:11
12:7: 1 Ko 14:26, Ef 4:7, 1 Pi 4:10-11
12:7: 1 Korin 14:26; Efesus 4:7; 1 Pita 4:10-11
12:8: 1 Ko 13:2, 2 Ko 8:7
12:8: 1 Korin 13:2; 2 Korin 8:7
12:9: Mt 17:19-20, 1 Ko 13:2, 2 Ko 4:13, Je 5:14
12:9: Matyu 17:19-20; 1 Korin 13:2; 2 Korin 4:13; Jems 5:14
12:10: Ap 2:4, Ro 12:6, 1 Ko 14:5, 14:29, 1 Jo 4:1
12:10: Aposel 2:4; Rom 12:6; 1 Korin 14:5; 14:29; 1 Jon 4:1
12:11: Ro 12:4-8, 1 Ko 7:7, 2 Ko 10:13, Hi 2:4
12:11: Rom 12:4-8; 1 Korin 7:7; 2 Korin 10:13; Hibru 2:4
12:12: Ro 12:4-5, 1 Ko 10:17, Ga 3:16, Ef 4:4, 4:16
12:12: Rom 12:4-5; 1 Korin 10:17; Galesia 3:16; Efesus 4:4; 4:16
12:13: Jo 6:63, Ro 6:5, Ga 3:28, Kl 3:11
12:13: Jon 6:63; Rom 6:5; Galesia 3:28; Kolosi 3:11
12:18: Ro 12:3, 1 Ko 3:5, 12:11, 12:28
12:18: Rom 12:3; 1 Korin 3:5; 12:11; 12:28
12:27: Ro 12:5, Ef 1:23, 5:30, Kl 1:24
12:27: Rom 12:5; Efesus 1:23; 5:30; Kolosi 1:24
12:28: Ap 13:1, Ro 12:6, Ef 2:20, 4:11-12
12:28: Aposel 13:1; Rom 12:6; Efesus 2:20; 4:11-12
12:31: 1 Ko 14:1
12:31: 1 Korin 14:1