3
Akar poroghamibar zuim
1-2 1 Korin 7:14-16; Efesus 5:22; Kolosi 3:18; Taitus 2:5Ezɨ kamaghɨra, amizir pabar itiba ia uan pabar apengan ikɨ me baghɨvɨra ikɨ. Kɨ kamaghsua, gumazir kataba nɨghnɨzir gavgavim Godɨn akamɨn itir puvatɨ, ia men amuiba, ia men apengan ikɨva, bar deravɨra darutɨ, me ian arazibar ganam. Ia Godɨn akar avɨribar me mɨkɨman markɨ, me ian arazir zueziba ko Godɨn apengan itir arazibar ganɨva men tarazi ti navibagh iragham. Kamaghɨn amizɨ, amiziba uan pabar apengan ikɨ. 3  1 Ti 2:9, Ta 2:31 Timoti 2:9; Taitus 2:3Egh ia pura azenan uan mɨkarziba asɨngɨva, dapanir arɨziba ikɨva golɨn adiariba ko korotiar aghuibar aghuan markɨ. Puvatɨ. 4  Sng 45:13, Ro 7:22, 2 Ko 4:16Onger Akaba 45:13; Rom 7:22; 2 Korin 4:16Ia uaghan uan navir averiaba sara asɨng, kurukazir kaba ikuvighan kogham. Kurukazir kaba, kar ikɨrɨmɨrir aghuim ko navir amɨrizim itir arazim. Arazir kaba Godɨn damazimɨn bar dera. 5-6  Stt 18:12E fo, fomɨra itir amiziba, me uari isa God ganɨga, egha bizir God me danɨngamim bagha mɨzuai. Me arazir kabar uarir kuruka, egha me uan pabar apengan iti. Kamaghɨra Sara uan pam Abrahamɨn apengan ikia, egha “gumazir ekiam,” a garɨsi. Ia arazir aghuibar amuva, bizitamɨn atiatingan kogh, egh mati ia Saran guivibara.
7  1 Ko 7:3, 12:23, Ef 5:25, Kl 3:19, 1 Te 4:41 Korin 7:3; 12:23; Efesus 5:25; Kolosi 3:19; 1 Tesalonika 4:4Ezɨ kamaghɨra ia amuiba itir gumaziba, ia nɨghnɨzir aghuibar gɨn mangɨva, uan amuiba ko deraghvɨra ikɨ. Me gumazibar mɨn gavgavizir puvatɨ. Ia deraghvɨra me damuva, egh men akurvagh me baghɨvɨra ikɨva men ziaba fɨ. Egh men nɨghnɨziba ko men araziba dɨkabɨnan markɨ. Me uaghan ia ko, God pura ia danɨngamin ikɨrɨmɨrir aghuim iniam. Ia God ko mɨgeir tuavim, bizitam anepɨran koghsɨ, ia uan amuiba ko deraghvɨra ikɨ.
E zurara arazir aghuiba igharaz darazir amuam
8  Mt 5:44, Ro 12:10, Fl 3:16, Kl 3:12, 1 Te 5:15, 1 Pi 2:17, 2:23Rom 12:10; Kolosi 3:12; 1 Tesalonika 5:15; 1 Pita 2:17Ezɨ kɨ uan mɨgɨrɨgɨaba kamaghɨn da gɨvasa, ia bar moghɨra nɨghnɨzir vamɨra ikɨ, egh navir vamɨra uarir ikɨ. Ia bar Kraisɨn adarazigh ifuegh ikɨ, egh men apangkuv, egh uari abɨrir arazim damu. 9  Mt 25:34, Ro 12:14, 1 Te 5:15Matyu 25:34; Rom 12:14; 1 Tesalonika 5:15Eghtɨ gumazamiziba arazir kuratam ia damightɨ, ia arazir kuramɨn me ikarvaghan markɨ. Me akar kuratamɨn ia mɨkemeghtɨ, ia akar kuramɨn me ikarvaghan markɨ. Ia me ikarvaghamin arazimra kara, ia me bagh God ko mɨkɨmtɨma, an arazir aghuim me damu. God bizir aghuim ia danɨngasa, kamaghɨn a ian dia. Ezɨ kamaghɨn ia gumazamizir igharaziba arazir aghuim me damu. 10-12  Sng 34:12-16Onger Akaba 34:12-16; Aisaia 1:16-17; Jon 9:31; Rom 12:18; Hibru 12:14; Jems 1:26; 1 Pita 2:1; 2:22Godɨn Akɨnafarim ghaze:
 
“Ekiamɨn damazimɨn derazir gumazamiziba,
a deragha men gara,
men azangsɨziba barasi.
Gumazamizir arazir kurabagh amiba,
Ekiam me batogha
men aghua.
Kamaghɨn tina dughiar ruarimɨn ikɨ,
dughiar aghuibar gansɨva,
egh akar kurabav kɨman koghɨva,
ifavarir akaba atakigh.
An akɨrim ragh arazir kurabagh asaragh,
arazir aghuibara damu.
Egh navir amɨrizimɨn, gumazamizir igharaziba ko ikɨsɨ
gavgavigh mamaghɨra ikɨ.”
E arazir aghuibar amuva da bagh mɨzaziba iniam
13  Snd 16:7, Ro 8:28Aghuzir Akaba 16:7; Rom 8:28Ia arazir aghuibar amusɨ bar ifueghtɨ, tina arazir kuratam ia damuam? Dughiar avɨriba ti puvatɨgham. 14  Jer 1:8, Mt 5:10, Je 1:12, 1 Pi 2:20, 4:14Jeremaia 1:8; Matyu 5:10; Jems 1:12; 1 Pita 2:20; 4:14Aisaia 8:12-13Eghtɨ ia arazir aghuibar amuva da bagh mɨzaziba iniva, egh ia bar akongegham! Eghtɨ me atiatingamin bizitam ia damutɨ, ia men atiatingan markɨ. 15  Ap 4:8, Kl 4:6, 2 Ti 2:25Aposel 4:8-12; Kolosi 4:6; 2 Timoti 2:25Egh ian navir averiabar, ia Krais uabɨra ia uan Ekiamɨn mɨn faraghɨvɨra anetɨgh. Eghtɨ me bizir aghuir ia mɨzuair kamɨn mɨngarim bagh azaragham, eghtɨ ia zurara men akaba ikarvaghsɨ nɨghnɨgh ikɨ. 16  Ta 2:8, Hi 13:18, 1 Pi 2:12Taitus 2:8; Hibru 13:18; 1 Pita 2:12Ia arazir aghuibagh amua Kraisɨn gɨn zuima, me akar kuraba ia mɨgei, eghtɨ gumazir kaba ian arazir aghuibar gantɨ, da me damutɨ, me uan akar me mɨkemezibar aghumsɨzim iniam. Me kamaghɨn damusɨ, ia nɨmɨra men akaba ikarvagh, arazir aghuibar me damu. Egh ia uan araziba deravɨra da tuisɨghɨva egh arazir aghuimɨn gɨn mangɨ. 17  1 Pi 2:201 Pita 2:20Eghtɨ God ifueghtɨ, e uan arazir aghuiba bagh mɨzaziba iniam, kamaghɨn dera. E arazir kuraba bagh mɨzaziba iniam, kar bizir kuram.
Krais aremegha ua dɨkavigha uam e ini
18  Ro 5:6, 6:10, 8:11, 2 Ko 13:4, Ef 2:18, Kl 1:21-22Rom 5:6; 6:10; 8:11; 2 Korin 13:4; Efesus 2:18; Kolosi 1:21-22E kamaghɨn fo, Krais uabɨ ia bagha areme. A Godɨn damazimɨn derazir gumazim, egha a Godɨn damazimɨn derazir puvatɨzir gumazamizibar danganim inigha areme. A bar gumazamizibar arazir kuraba batueghɨva me inigh God bagh mangasa, dughiar vamɨra aremegha gɨfa. A uam aremeghan kogham. Egha a nguazir kamɨn gumazir inivafɨzimɨn mɨn itima me a mɨsoghezɨ an areme. Ezɨ Godɨn Duam a gamizɨ a ua dɨkavigha angamɨra iti. 19 Jenesis 6:1--7:24; Jenesis 8:18; Hibru 11:7; 2 Pita 2:5Ezɨ Godɨn Duam a gamizɨ, a ghua ovengezibar duar kalabusɨn itiba, Akar Aghuim me mɨkɨri.*Fofozir gumazir maba ghaze, duar kaba, da gumazir Noan dughiamɨn aremezir gumazibar duaba. Ezɨ marazi ghaze, a duabav gei, o enselɨn Godɨn akam iriaziba. Judaba kamaghɨn nɨghnɨzir gavgavim iti, God Noan dughiamɨn duar kaba isa kalabus gatɨ. 20 Ezɨ duar kaba, me fomɨra Noan dughiamɨn Godɨn akaba iriaghɨriasi. Ezɨ Noan dughiamɨn arazir kuram bar azenim girɨzɨ God zuamɨra me ikarazir puvatɨ. A me mɨzua ghua Noa kurimɨn ingarigha gɨvazir dughiam. Ezɨ kurimɨn aven gumazamizir 8plara an itima, aperiar ekiam otogha me inigha zuima, God ua men akuragha me inizɨma me deraghavɨra iti. 21  Ro 10:10, Ef 5:26, Ta 3:5, Hi 10:22Rom 10:10; Efesus 5:26; Taitus 3:5; Hibru 10:22Ezɨ dɨpar kam a rurimɨn nedazim, kamaghɨra God datɨrɨghɨn rurimɨn tuavimɨn ian akura. Rurim, a mɨkarzibar mɨzɨrɨziba a gevir puvatɨ. Rurim kamaghɨn ian aka, ia God ko akam akɨra ghaze, ia uan araziba deravɨra da tuisɨghɨva, egh arazir aghuibara gɨn mangɨ, egh gɨn aghumsɨghan kogham. Krais Iesus ovevemɨn ua dɨkafi, ezɨ tuavir kamɨn God ian akurvasi.†Grighɨn akam vezɨn kamɨn deragha bizir kam mɨgeir puvatɨ. 22  Sng 110:1, Mt 22:44, Ro 8:34, 8:38, 1 Ko 15:24, Ef 1:20-21Onger Akaba 110:1; Matyu 22:44; Rom 8:34; 8:38; 1 Korin 15:24; Efesus 1:20-21Ezɨ Krais Godɨn Nguibamɨn ghugha datɨrɨghɨn Godɨn agharir guvimɨn iti. Ezɨ enselba ko duar kurar gavgaviba ko aser gavgaviba itiba, da bar an apengan iti.

3:1-2: 1 Korin 7:14-16; Efesus 5:22; Kolosi 3:18; Taitus 2:5

3:3: 1 Ti 2:9, Ta 2:3

3:3: 1 Timoti 2:9; Taitus 2:3

3:4: Sng 45:13, Ro 7:22, 2 Ko 4:16

3:4: Onger Akaba 45:13; Rom 7:22; 2 Korin 4:16

3:5-6: Stt 18:12

3:7: 1 Ko 7:3, 12:23, Ef 5:25, Kl 3:19, 1 Te 4:4

3:7: 1 Korin 7:3; 12:23; Efesus 5:25; Kolosi 3:19; 1 Tesalonika 4:4

3:8: Mt 5:44, Ro 12:10, Fl 3:16, Kl 3:12, 1 Te 5:15, 1 Pi 2:17, 2:23

3:8: Rom 12:10; Kolosi 3:12; 1 Tesalonika 5:15; 1 Pita 2:17

3:9: Mt 25:34, Ro 12:14, 1 Te 5:15

3:9: Matyu 25:34; Rom 12:14; 1 Tesalonika 5:15

3:10-12: Sng 34:12-16

3:10-12: Onger Akaba 34:12-16; Aisaia 1:16-17; Jon 9:31; Rom 12:18; Hibru 12:14; Jems 1:26; 1 Pita 2:1; 2:22

3:13: Snd 16:7, Ro 8:28

3:13: Aghuzir Akaba 16:7; Rom 8:28

3:14: Jer 1:8, Mt 5:10, Je 1:12, 1 Pi 2:20, 4:14

3:14: Jeremaia 1:8; Matyu 5:10; Jems 1:12; 1 Pita 2:20; 4:14

3:14: Aisaia 8:12-13

3:15: Ap 4:8, Kl 4:6, 2 Ti 2:25

3:15: Aposel 4:8-12; Kolosi 4:6; 2 Timoti 2:25

3:16: Ta 2:8, Hi 13:18, 1 Pi 2:12

3:16: Taitus 2:8; Hibru 13:18; 1 Pita 2:12

3:17: 1 Pi 2:20

3:17: 1 Pita 2:20

3:18: Ro 5:6, 6:10, 8:11, 2 Ko 13:4, Ef 2:18, Kl 1:21-22

3:18: Rom 5:6; 6:10; 8:11; 2 Korin 13:4; Efesus 2:18; Kolosi 1:21-22

3:19: Jenesis 6:1--7:24; Jenesis 8:18; Hibru 11:7; 2 Pita 2:5

*3:19: Fofozir gumazir maba ghaze, duar kaba, da gumazir Noan dughiamɨn aremezir gumazibar duaba. Ezɨ marazi ghaze, a duabav gei, o enselɨn Godɨn akam iriaziba. Judaba kamaghɨn nɨghnɨzir gavgavim iti, God Noan dughiamɨn duar kaba isa kalabus gatɨ.

3:21: Ro 10:10, Ef 5:26, Ta 3:5, Hi 10:22

3:21: Rom 10:10; Efesus 5:26; Taitus 3:5; Hibru 10:22

†3:21: Grighɨn akam vezɨn kamɨn deragha bizir kam mɨgeir puvatɨ.

3:22: Sng 110:1, Mt 22:44, Ro 8:34, 8:38, 1 Ko 15:24, Ef 1:20-21

3:22: Onger Akaba 110:1; Matyu 22:44; Rom 8:34; 8:38; 1 Korin 15:24; Efesus 1:20-21

© 2020 PBT