1  Sng 55:17, Ap 2:46, 10:3, 10:9, 10:30Aposel 2:42; 10:9; 10:30Aruer mam, aruem 3 kloghɨn tu, kar Judaba God ko mɨgeir dughiam. Dughiar kamra Pita ko Jon Godɨn Dɨpenimɨn zui. 2  Jo 9:1, Ap 14:8Jon 9:1; Aposel 14:8Ezɨ gumazir navimɨn averara suemning ikuvizir mam iti. Ezɨ gumaziba anetera ghua Godɨn Dɨpenimɨn tiar akar mamɨn anerɨsi, an ziam, Tiar Akar Bar Dirim. A kagh ikiava dagɨaba bagha gumazamizir Godɨn Dɨpenimɨn aven zuibagh ginge. 3 Ezɨ a gari Pita ko Jon Godɨn Dɨpenimɨn aven mangasa izima a dagɨaba bagha aning ginge. 4  Ap 14:9Aposel 14:9Ezɨ Pita bar anarɨra gari, ezɨ Jon uakan. Egha Pita ghaze, “Nɨ kagh gan ganigh!” 5 Ezɨ gumazim bizitam iniasa nɨghnɨgha, aningra gari.

6  Ap 3:16, 4:10, 16:18Aposel 3:16; 4:10Ezɨ Pita kamaghɨn mɨgei, “Kɨ dagɨaba puvatɨ, bizir kɨ itim, kɨ nɨ danɨngasa. Nasaretɨn gumazim Krais Iesus, an ziamɨn, nɨ dɨkavigh daru!” 7 Egha Pita an dafarir guvimɨn suiragha a fe. Ezɨ an duiavaniba ko dagariba zuamɨra gavgafi. 8  Ais 35:6, Jo 5:14, Ap 14:10Aisaia 35:6; Jon 5:14; Aposel 14:10Ezɨ a dɨkavigha uabɨ ekunigha maghɨram arui. Egha a Pita ko Jon sara Godɨn Dɨpenir avɨzibar aven aruava, pɨn uabɨ ekura, Godɨn ziam fe. 9  Ap 4:16, 4:21Aposel 4:16; 4:21Ezɨ gumazamiziba bar an gari an arua Godɨn ziam fema, 10 me an ganigha a gɨfogha ghaze, gumazir kamra Godɨn Dɨpenimɨn tiar akar ziam, Tiar Akar Bar Dirimɨn apiav ikia, dagɨaba bagha gumazamizibagh inge. Egha me dɨgavir kuram gamigha pura nɨghnɨsi, manmaghɨn amizir bizim kav bato.

11 Ezɨ gumazamiziba akar kam baregha, dɨgavir kuram gamigha, ivemara ghua gumazir kamɨn garima a Pita ko Jonɨn suiragha, Godɨn Dɨpenir azuarimɨn tughav iti. Dɨpenir azuarir kamɨn ziam, Solomonɨn Azuarim. 12 Ezɨ Pita kamaghɨn ganigha, me mɨgei, “Israelɨn gumazamiziba, tizim bagha bizir kam ia gamizɨma ia dɨgavir kuram gami? Ia tizim bagha pamtem gan gara ghaze, ga ti uan gavgavibar tuavim, o ga Godɨn damazimɨn deravɨra itir tuavimɨn, gumazir kam gamizɨma an arui? Bar puvatɨ. 13  Kis 3:6, 3:15, Mt 22:32, Lu 23:13-25, Ap 2:23, 7:32Ua Me Ini 3:6; 3:15; Matyu 22:32; Luk 23:13-25; Aposel 2:23; 7:32Abraham ko Aisak ko Jekopɨn God, a en inazir afeziabar God, a uan ingangarir gumazim Iesus bar a pɨrafa. Ia, an aremeghasa a isa apanibar dafarim gatɨ. Egha dughiar Pailat anetaghɨraghasa mɨgeim, ia kamaghɨn mɨgei, ‘E tong a gifongezir puvatɨ!’ Egha akɨrim a gasara. 14  Mt 27:15-23, Mk 15:6-14, Lu 23:13-23, Jo 19:12-15Matyu 27:15-23; Mak 15:6-14; Luk 23:13-23; Jon 19:12-15Ia Godɨn damazimɨn zuegha derazir gumazimɨn aghuaghava, gumazir kuram uari bagh anetaghɨraghasa Pailat mɨgei. A gumazibav sozi me ariaghirezir gumazim. 15  Ap 1:8, 2:24, 2:32, 2:36, 4:10Aposel 1:8; 2:24; 2:32; 2:36; 4:10Ia gamizɨ ia angamɨra itir gumazim, ia a mɨsoghezɨ an aremezɨ God a gamizɨ a ua dɨkafi. Ga uaning bizir kamɨn ganighava a gɨfogha an gun mɨgei. 16  Mt 9:22, Ap 4:10, 14:9Matyu 9:22; Aposel 4:10; 14:9Ga Iesusɨn ziamɨn nɨghnɨzir gavgavim iti. Ezɨ Iesusɨn ziamɨn gumazir ia ganigha fozir kam, a gavgavim ini. Iesusra gan nɨghnɨzir gavgavir kam gamizɨ, nɨghnɨzir gavgavir kamra gumazir kam gamizɨ, a bar derazɨ, ia datɨrɨghɨn uari an gari.

17  Lu 23:34, Jo 16:3, 1 Ko 2:8, 1 Ti 1:13Luk 23:34; Jon 16:3; 1 Korin 2:8; 1 Timoti 1:13“Ezɨ nan adarasi, kɨ kamaghɨn fo, ia uan gumazir dapaniba ko amizir arazim, ia a gɨfozir puvatɨ. 18  Ais 50:6, 53:5, Lu 24:27, 24:44, Ap 26:22, 1 Pi 1:10-11Aisaia 50:6; 53:5; Luk 24:27; 24:44; Aposel 26:22; 1 Pita 1:10-11Ezɨ God fomɨra an akam inigha izir gumaziba bar me mɨkemezɨ, me mɨgɨa ghaze, God Uam E Iniasa Mɨsevezir Gumazim, Krais, mɨzazim iniam. Ezɨ God uan mɨgɨrɨgɨabagh amizɨ moghɨn dar dagheba otifi.

19-20 Aposel 2:38“Ia kamaghɨn ifueghtɨma, God ian arazir kuraba angarightɨ dughiar kabar Godɨn Duam izɨva ian duaba avughsɨzim ko navir amɨrizim, ia danightɨ, God ia bagh Iesus uam anemangam, a Gumazir God Uam E Iniasa Mɨsevezim, a ia bagha anemɨsefe. Ia bizir kabagh nɨghnɨgh da inisɨ, uan navibagh iraghɨva uamategh God bagh izɨ. 21 God fomɨra uan akam inigha izir gumazir zuezibav kemezɨ, me ghaze, ‘Iesus datɨrɨghɨn Godɨn Nguibam ikɨ, mangɨ dughiar God bizibar amutɨ da bar igiabar otivam.’ Eghtɨ God mɨkemezɨ moghɨn, biziba bar otivam. 22  Lo 18:15-19, Ap 7:37Godɨn Araziba 18:15-19; Aposel 7:37Ezɨ akar dɨkɨrɨzir kam God fomɨra Moses mɨkemezɨ, a kamaghɨn mɨgei, ‘Ekiam ian God, a nan mɨn ia bagh akam inigha izir gumazitam, ian tongɨn gumazitamra mɨsevegham. Bizir a mɨgeiba, ia da baragh dar amu. 23  Wkp 23:29Ofa Gami 23:29A barazir puvatɨziba God me gasɨghasigham. Eghtɨ me ua Godɨn adarazi ko ikian kogham.’*Akar kam, akam inigha izir gumazir God amadazim, a Godɨn Araziba 18:15, 16, 17, 18, 19ɨn iti. Pita kamaghɨn mɨgɨa ghaze, Iesus, a uabɨ akam inigha izir gumazim. 24 Godɨn akam inigha izir gumaziba bar, Samuelɨn tugha izi, me bar mɨgɨa dughiar kabar gun mɨkeme.

25  Stt 12:3, 18:18, 22:18, Ro 9:4, 9:8, Ga 3:8, 3:26Jenesis 12:3; 18:18; 22:18; Rom 9:4; 9:8; Galesia 3:8; 3:26“God fomɨra uan akam inigha izir gumaziba Akar Gavgavim me ganɨngi, ezɨ ia men boriba mɨn ikɨ, eghtɨ Akar Gavgavir kabanang uaghan iana. God fomɨra Akar Dɨkɨrɨzir Gavgavim ian ovaviba ko a gamizɨ, ia men boribar mɨn iti, ezɨ Akar Dɨkɨrɨzir Gavgavir kam, a uaghan iana. God kamaghɨn Abraham mɨkeme, ‘Kɨ kamaghɨn damuam, nɨn ovavibar borimɨn tuavimɨn, kɨ nguazir kamɨn itir nguibaba bar deravɨra me damuam.’ 26  Mt 10:5, Lu 24:47, Ap 13:32-33, 13:46Matyu 10:5; Luk 24:47; Aposel 13:32-33; 13:46God kamaghɨn ifonge, ia vaghvagh uan arazir kuraba ateghtɨ, a deravɨra ia damuam. Bizir kam bagha a uan ingangarir gumazim amɨsevegha ia bagha faragha anemada.”