Pol kantrin avɨribar ghua Iesusɨn Akar Aghuim akuri
13
(Sapta 13:1--21:14)
God kantrin igharazibar Akar Aghuim akunasa Barnabas ko Sol amɨsefe
Ap 11:27 Aposel 11:27Antioghɨn itir Kraisɨn adarasi, men marazi Godɨn akam inigha izir gumaziba ko tisaba. Men ziabar kara: Barnabas, ko Simeon (an ziar mam Niger) ko Sairinin gumazim Lusius, ko Manain (a Atrivim Herotɨn roroam, a Herot koma aghungi) ko Sol.* Ziar kam Niger, an mɨngarim kamaghɨn ghu, “pɨzim.” Gumazir maba ghaze, Simeon Niger, a Afrikan gumazim. Ap 9:15, Ro 10:15, Ga 1:15, Ef 3:7-8, 1 Ti 2:7, Hi 5:4 Aposel 9:15; Rom 10:15; Galesia 1:15; Efesus 3:7-8; 1 Timoti 2:7; Hibru 5:4Ezɨ dughiar mamɨn Kraisɨn adarasi, me Godɨn apengan ikia uari isa God ganɨga, God ko mɨkɨmasa dagheba ta. Ezɨ Godɨn Duam kamaghɨn me mɨgei, “Kɨ Barnabas ko Sol uan ingangarim bagha aningɨn dia. Ia ingangarir kam bagh aning amɨseveghtɨ, aning nan ingangarim bagh mangɨ.” Ap 6:6 Aposel 6:6Kamaghɨn amizɨ, me God ko mɨkɨmasa dagheba tagha, God ko mɨgei. Egha uan dafariba Barnabas ko Sol gisɨn atɨgha, aning amadazɨ aning zui.
Barnabas ko Sol Saiprusɨn Arighatɨzimɨn Akar Aghuim akuri
Ap 15:39 Aposel 15:39Ezɨ Godɨn Duam Barnabas ko Sol amadazɨ, aning Selusian nguibar ekiamɨn ghugha, ua kurim inigha Saiprusɨn Arighatɨzimɨn ghu. Ap 12:12, 12:25, 13:13, 13:46, 15:37 Aposel 12:12; 12:25; 13:13; 13:46; 15:37Egha me Salamisɨn otivigha Judaba God ko mɨgeir dɨpenibar, Godɨn akam akuri. Jon Mak aning ko ghua aningɨn akura.
Me Saiprusɨn nguibar arighatɨzim bar a garua ghua, Pafosɨn nguibar ekiamɨn oto. Egha me Judan kukunir gumazir mam bato. A Godɨn akam inigha izir ifavarir gumazim, an ziam Bar-Iesus. A gavmanɨn gumazir dapanim Sergius Paulus ko iti. Sergius Paulus, a gumazir nɨghnɨzir aghuiba ko fofozir aghuiba itim. A Godɨn akam baraghasa, egha kamaghɨn a Pol ko Barnabasɨn diazɨ aning ize. 2 Ti 3:8 2 Timoti 3:8Kukunir gumazir kam, me Grighɨn akamɨn ziar kam Elimas a gatɨ, an mɨngarim kukunir gumazim. Elimas, a gavmanɨn gumazim Sergius Paulus, nɨghnɨzir gavgavim Iesusɨn ikian an aghua. Elimas, Barnabas ko Solɨn ingangarim pazɨva a damuasa. Ezɨ Sol, an ziar mam Pol, Godɨn Duam a gizɨvazɨma, a dɨkɨravɨra Elimasɨn gara kamaghɨn mɨgei, Ziar kam Sol, a Hibrun akamɨn otivir ziar mam. Ezɨ ziar kam Pol, a Grighɨn akam otivir ziam. Gumazir maba ghaze, Sol Grighɨn akamɨn mɨgeir darazir tongɨn ingara, egha kamaghɨn dughiar kamɨn a ziar kam Pol uabɨ garɨsi. 10  Mt 13:38, Jo 8:44, 1 Jo 3:8 Matyu 13:38; Jon 8:44; 1 Jon 3:8“Nɨ Satanɨn borim. Nɨ arazir aghuaribar apanimɨn iti. Ifavarir araziba ko arazir kuraba bar nɨ gizɨfa. Egha nɨ tizim baghavɨra Ekiamɨn arazir aghuibagh asɨghasɨsi? Nɨ ti arazir kuraba ataghɨraghan aghua? 11  Kis 9:3, 1 Sml 5:6, Ap 9:8 Ua Me Ini 9:3; 1 Samuel 5:6; Aposel 9:8Datɨrɨghɨn Ekiam nɨn apanim damu uan gavgavimɨn nɨn damazimning okavigham. Eghtɨ nɨ aruer angazangarimɨn ganan kogh dughiatabar ikegham.”
Ezɨ zuamɨra ghuariam an damazimning korozɨ amɨnim an pɨri. Ezɨ a tavɨn agharimɨn suighasa pura ruia asaghinifi. 12 Ezɨ gavmanɨn gumazir dapanim, Ekiamɨn akam baregha dɨgavir kuram gami. A bizir otivizir kabar ganigha, kamaghɨn a nɨghnɨzir gavgavim Ekiamɨn iti.
Barnabas ko Pol Antioghɨn aven Iesusɨn akam akuri
13  Ap 13:5, 15:38 Aposel 13:5; 15:38Ezɨ Pol ko gumazir a koma aruiba, me Pafosɨn kurim inigha ghua Pergan nguibamɨn otifi. A Pamfilian Provinsɨn aven iti. Ezɨ Jon Mak kagh me ategha uamategha Jerusalemɨn ghu. 14 Ezɨ me Pergan nguibamɨn dɨkavigha ghua Antioghɨn nguibamɨn otifi, a Pisidian Distrighɨn aven iti. Egha, Judaba avughsa Godɨn ziam fer dughiamɨn, me God ko mɨgeir dɨpenimɨn aven ghuegha apiaghav iti. A Sabatɨn dughiam. 15  Lu 4:16, Ap 13:27, 15:21, Hi 13:22 Luk 4:16; Aposel 13:27; 15:21; Hibru 13:22Ezɨ God ko mɨgeir dɨpenimɨn garir gumazir dapanir ekiaba, me Moses Osirizir Araziba ko Godɨn akam inigha izir gumazibar akaba dar bora me mɨgei. Me dar ponegha gɨvagha, Pol ko Barnabas bagha akam amaga ghaze, “Aveghbuaba, ia akurvazir mɨgɨrɨgɨatam gumazir kabav kɨmsɨ, ia me mɨkɨm.”
16  Ap 12:17Ezɨ Pol dɨkavigha, uan dafarimɨn me aminiva, kamaghɨn me mɨgei, “Ia Israelɨn gumazamiziba ko, Kantrin Igharazibar Gumazamizir Godɨn atiatia uari isa God ganɨdiba, ia na baragh! 17  Kis 1:7, 6:6, 12:5, Lo 7:6-7, Sng 105:23-24 Ua Me Ini 1:7; 6:6; Godɨn Araziba 7:6-7; Onger Akaba 105:23-24Fomɨra Israelɨn gumazamizibar God en ovaviba amɨsevezɨma, kamaghɨn me an gumazamizibara. Egha gɨn me uan nguibam ategha ghua Isipɨn kantrin ghue. Egha dughiar kamɨn God me gamima men dɨbobonim bar pɨn ghua, me bar avɨraseme. Ezɨma gɨn God uan gavgavimɨn Isipɨn me inighava azenim gatɨ. 18  Kis 16:35, Nam 14:34, Lo 1:31, Sng 95:10, Ap 7:36 Ua Me Ini 16:35; Dɨboboniba 14:34; Godɨn Araziba 1:31; Onger Akaba 95:10; Aposel 7:36Egha a 40plan azenibar gumazamiziba puvatɨzir danganim me ko ikia, men osɨmtɨziba atera men akurvasi. 19  Lo 7:1, Jos 14:1, Sng 78:55 Godɨn Araziba 7:1; Josua 14:1; Onger Akaba 78:55Egha Kenanɨn nguaziba, God 7plan gumazamizir bɨzim gasɨghasɨgha, men nguaziba isa uan gumazamizibagh anɨngi. Ezɨ me dar ghuaviba ikiangi. 20  Het 2:16, 1 Sml 3:20 Gumazir Dapaniba 2:16; 1 Samuel 3:20Bizir kaba 450 azenimɨn aven otifi.
“Egha bizir kabar gɨn God Israelian ganasa gumazir dapaniba amɨsɨva, mamaghɨra ikia ghua, Godɨn akam inigha izir gumazim Samuelɨn dughiamɨn tu.
21  1 Sml 8:5, 8:19, 10:1, 10:21 1 Samuel 8:5; 8:19; 10:1; 10:21“Dughiar kamɨn Israelia atrivim bagha Godɨn azangsɨsi. Ezɨ a Sol me ganɨngi, a Kisɨn otarim, egha Benjaminɨn adarazir gumazim, a 40plan azenibar men gari. 22  1 Sml 13:14, 15:23-26, 16:12-13, 2 Sml 2:4, Sng 89:20, Hos 13:11 1 Samuel 13:14; 15:23-26; 16:12-13; 2 Samuel 2:4; Onger Akaba 89:20; Hosea 13:11Ezɨ God Sol agɨvagha, Devit amɨsevezɨ an an danganim inigha atrivimɨn oto. Ezɨ a Devitɨn gun me mɨgei, ‘Kɨ Devitɨn gani, Jesin otarim, gumazir kɨ bar ifongezim, bizir kɨ ifongeziba a bar dar amuam.’
23  2 Sml 7:12-16, Sng 132:11, Ais 11:1, Lu 1:32, 1:69, Ro 11:26 2 Samuel 7:12-16; Onger Akaba 132:11; Aisaia 11:1; Luk 1:32; 1:69; Rom 11:26“God fomɨra akam akɨrizɨ moghɨn, God gumazir mam amadazɨ a Israelɨn ize. A Iesus, Devitɨn ovavir mam, a en Akurvazir Gumazim.
24  Mt 3:1-2, Mk 1:4, Lu 3:3, Ro 11:26 Matyu 3:1-2; Mak 1:4; Luk 3:3; Rom 11:26“Iesus tɨghar izamin dughiamɨn, Jon faragha izava navibagh iraghamin akam ko rurumɨn akamɨn Israelɨn gumazamizibav gei. 25  Mt 3:11, Mk 1:7, Lu 3:16, Jo 1:20-27 Matyu 3:11; Mak 1:7; Luk 3:16; Jon 1:20-27Jonɨn ingangarir dughiam gɨvasava amima, a kamaghɨn me mɨgei, ‘Ia ghaze, kɨ tina? Kɨ gumazir ia mɨzua itim puvatɨ. A nan gɨn izi. Kɨ an dagarir asuabar beniba fɨran derazir puvatɨ. Kɨ gumazir kɨnim.’
26  Mt 10:6, Lu 24:47, Ap 13:16, 13:46 Matyu 10:6; Luk 24:47; Aposel 13:46“Aveghbuaba, ia Abrahamɨn igiaba, ko ia God gifuegha an apengan itir Kantrin Igharazibar Gumazamiziba, e bagha, God uam e iniasa mɨgɨrɨgɨar kam amadazɨ a ize. 27  Lu 23:34, 24:20, 24:44, Jo 16:3, Ap 3:17, 15:21, 1 Ko 2:8 Luk 23:34; 24:20; 24:44; Jon 16:3; Aposel 3:17; 15:21; 1 Korin 2:8Jerusalemɨn gumazamiziba ko gumazir ekiaba, me kamaghɨn fozir puvatɨ, Iesus en Akurvazir Gumazim. Egha me zurara Sabatɨn dughiamɨn Godɨn akam inigha izir gumazimɨn akaba dɨbora, egha deragha dagh fozir puvatɨ. Egha ghaze gumazir kam aremegham. Kamaghɨn amizɨ, Godɨn akam inigha izir gumazimɨn akaba guizbangɨra otos. 28  Mt 27:22-23, Mk 15:13-14, Lu 23:21-23, Jo 19:15 Matyu 27:22-23; Mak 15:13-14; Luk 23:21-23; Jon 19:15Egha me a mɨsueghtɨ an aremeghan mɨgɨrɨgɨar otevir aghuitam batozir puvatɨ. Ezɨ me pamtem kamaghɨn Pailat mɨgei, nɨ mɨdorozir gumazibav kemeghtɨ me a mɨsueghtɨ an aremegh. 29  Mt 27:57-61, Mk 15:42-47, Lu 18:31, 23:50-56, Jo 19:28-30, 19:36-42 Matyu 27:57-61; Mak 15:42-47; Luk 18:31; 23:50-56; Jon 19:28-30; 19:36-42Godɨn akam inigha izir gumaziba fomɨra mɨkemezɨ moghɨn me ami. Egha me ter ighuvimɨn anedegha a inigha dagɨar torim gatɨ. 30  Mt 28:6, Ap 2:24 Matyu 28:6; Aposel 2:24Ezɨ God a gamizɨ a ua dɨkafi. 31  Ap 1:3, 1:8 Aposel 1:3; 1:8A ko Galilin Distrighɨn ikia Jerusalemɨn zuir gumazamiziba, me dughiar avɨribar an gani. Ezɨ datɨrɨghɨn gumazir uari an ganizir kaba, me an gun Judan gumazamizibav gei.
32  Stt 12:3, Ap 13:23, Ro 4:13, Ga 3:16 Aposel 13:23; Rom 4:13; Galesia 3:16“E Akar Aghuim kamaghɨn ia mɨgei. God fomɨra en ovaviba bagha akam akɨra ghaze, a gumazir uam e iniamim amadagham. 33  Sng 2:7, Ro 1:4, Hi 1:5, 5:5 Onger Akaba 2:7; Rom 1:4; Hibru 1:5; 5:5Datɨrɨghɨn, a Iesus gamizɨ a matmatɨn ua dɨkafi. E men boriba, kamaghɨn amizɨ, an e bagha uan akar dɨkɨrɨzir kam gamizɨ a guizbangɨram oto. Onger Akabar Akɨnafarim sapta 2, kamaghɨn a mɨgei:
 
“ ‘Nɨ nan otarim,
ezɨ datɨrɨghɨn kɨ nɨn afeziamɨn oto.’
 
34  Ais 55:3 Aisaia 55:3“E fo, God a gamizɨma a ua matmatɨn dɨkafi. Ezɨ a ua matmatɨn mangɨ kurighan kogham. God bizir kamɨn kamaghɨn mɨkeme:
 
“ ‘Kɨ guizbangɨra deraghvɨra ia damuva,
bizir aghuiba ia danɨngam,
kɨ fomɨra akar dɨkɨrɨzibar Atrivim Devit mɨkemezɨ moghɨn,
kɨ bizir aghuiba ia danɨngam.
Ezɨ bizir kam kɨ mɨkemezɨ moghɨn guizbangɨram otivam.’
 
35  Sng 16:10, Ap 2:27, 2:31 Onger Akaba 16:10; Aposel 2:27; 2:31“Ezɨ akar igharazir mam uaghan Godɨn Akɨnafarimɨn iti. A kamaghɨn mɨgei:
 
“ ‘Nɨ uan ingangarim bagha mɨsevezir gumazim ateghtɨma,
a matmatɨn ikɨ kurighan kogham.’
 
36  1 Kin 2:10, Ap 2:29 1 Atriviba 2:10; Aposel 2:29“E fo, dughiar kamɨn Devit nguazimɨn ikia, a Godɨn nɨghnɨzimɨn gɨn zui. Egha a gɨn aremezɨ, me an kuam inigha ghua an ovaviba afi naghɨn anefazɨ, an kuam kuri. 37-38  Daniel 9:24; Luk 24:47; Aposel 10:43; 1 Jon 2:12Ezɨ gumazir God amizɨ a ua matmatɨn dɨkavizir kamnang, an kuam kurizir puvatɨ. Nan adarasi, kamaghɨn amizɨma, e ua mɨgei, ia akar kam gɨfogh, gumazir kam Iesus ian arazir kuraba gɨn amangasa ize. 39  Ais 53:11, Ro 3:28, 8:3, 10:4, Hi 7:19 Aisaia 53:11; Rom 3:28; 8:3; 10:4; Hibru 7:19Moses Osirizir Araziba ian akuragh ian arazir kuraba gɨn amadaghtɨ, ia Godɨn damazimɨn deraghan kogham. Puvatɨ. Gumazir kam Iesusɨn ingangarimɨn, God gumazir nɨghnɨzir gavgaviba itiba bar, men akuragha men arazir kuraba bar, da gɨn amaga, me gamima me an damazimɨn dera. 40  Ais 29:14 Aisaia 29:14Ia uari bagh gan, Godɨn akam inigha izir gumaziba fomɨra mɨkemezɨ moghɨn, bizitam ia batoghan kogham:
 
41  Hab 1:5 Habakuk 1:5“ ‘Kɨ ian dughiamɨn bizir igharazitam damightɨ
a ia batogham.
Eghtɨ gumazitam ia mɨkɨmtɨ
ia nɨghnɨzir gavgavim an ikian kogham.
Kamaghɨn, ia gumazir dɨbovir akar kurabagh amiba, ia gan,
ia dɨgavir kuram damigh ikuvigham.’ ”
 
42 Egha Pol ko Barnabas Judaba God ko mɨgeir dɨpenim ataghɨrazima, gumazamiziba kamaghɨn aning mɨgei, “Gua Sabatɨn munamɨn dughiamɨn uamategh izɨva bizir kabar mɨgɨrɨgɨar taba uam e mɨkɨm.” 43  Ap 11:23, 14:22, Ta 2:11, Hi 12:15, 1 Pi 5:12 Aposel 11:23; 14:22; Taitus 2:11; Hibru 12:15; 1 Pita 5:12Egha me bar God ko mɨgeir dɨpenim ategha azenan ghue. Ezɨ Judan avɨriba ko gumazamizir igharaziba, me Judan Arazibar gɨn zuir gumazamiziba, me Pol ko Barnabasɨn gɨn zui. Ezɨ aning me mɨgɨa, men nɨghnɨziba fa ghaze, ia Godɨn nɨghnɨzimɨn gɨn mangɨ an apangkuvimɨn apengan ikɨ.
44 Ezɨ Sabatɨn dughiar igharazim otozɨ, nguibar ekiar kamɨn itir gumazamizir avɨrim bar iza uari akuvagha Ekiamɨn akam barasi. 45  Ap 14:2, 18:6, 1 Pi 4:4, Ju 10 Aposel 14:2; 18:6; 1 Pita 4:4; Jut 1:10Ezɨ Judaba gumazamizir okoruar kamɨn ganigha, men naviba bar ikufi. Ezɨ me Polɨn akabar kurakuragha a mɨgei.
46  Ais 55:5, Lu 7:30, Ap 3:26, 18:6, Ro 1:16, 10:19 Aisaia 55:5; Luk 7:30; Aposel 3:26; 18:6; Rom 1:16; 10:19Kamaghɨn amizɨ, Pol ko Barnabas atiatir puvatɨgha, akar bar gavgavimɨn me mɨgei, “Ia Judaba, ga faragha Godɨn akamɨn ia mɨkeme. Ezɨ ia akɨrim ragha akar kam gasara. Egha ghaze, e ikɨrɨmɨrir aghuir zurara itim inian kogham. Kamaghɨn amizɨ, ia oragh, ga uam akar kamɨn ia mɨkɨman kogham. Ga Kantrin Igharazibar Gumazamizibav kɨmam. 47  Ais 42:6, 49:6, Lu 2:32 Aisaia 42:6; 49:6; Luk 2:32Ekiam bizir kam bagha kamaghɨn e mɨkeme:
 
“ ‘Kɨ nɨ amɨsevegha
ingangarir ekiam nɨ ganɨdi.
Egh nɨ damightɨ,
nɨ Kantrin Igharazibar Gumazamiziba bagh angazangarimɨn mɨn ikiam.
Eghtɨ kɨ Kantrin Igharazibar Gumazamiziba bar men akuragh
ua me iniam.’ ”
 
48  Ap 11:18 Aposel 11:18Ezɨ Kantrin Igharazibar Gumazamiziba, me akar kam baregha, bar akuegha ghaze, akar kam bar dera. Ezɨ gumazamizir God ikɨrɨmɨrir aghuir zurara ikiam bagha mɨseveziba, me bar nɨghnɨzir gavgavim an iti.
49 Ezɨ Ekiamɨn akam bar nguibaba bar dar ghu. 50  Ap 17:4, 17:12 Aposel 17:4; 17:12Amizir maba God gifuegha an apengan ikia ziar ekiaba iti, ezɨ gumazir ziaba itir maba, me uaghan nguibar ekiar kamɨn iti. Judaba men navibagh inivima, me osɨmtɨziba Pol ko Barnabas garɨsi. Egha me uan distrighɨn aning batoke. 51  Mt 10:14, Mk 6:11, Lu 9:5, 10:11, Ap 18:6 Matyu 10:14; Mak 6:11; Luk 9:5; 10:11; Aposel 18:6Kamaghɨn amizɨ, Pol ko Barnabas, uan dagarimningɨn itir nguaziba apɨsi, eghtɨ gumazamiziba fogh suam, men arazir kam osɨmtɨzim me ganɨngi. Ezɨ, Pol ko Barnabas Antiok ategha Aikoniam nguibamɨn ghu. 52  Mt 5:12, Jo 16:22, Ap 2:46 Matyu 5:12; Jon 16:22; Aposel 2:46Kamaghɨn amizɨ, Antioghɨn itir Kraisɨn suren gumazamiziba, Godɨn Duam bar me gizɨvazɨma me bar akonge.

13:1: Ap 11:27

13:1: Aposel 11:27

*13:1: Ziar kam Niger, an mɨngarim kamaghɨn ghu, “pɨzim.” Gumazir maba ghaze, Simeon Niger, a Afrikan gumazim.

13:2: Ap 9:15, Ro 10:15, Ga 1:15, Ef 3:7-8, 1 Ti 2:7, Hi 5:4

13:2: Aposel 9:15; Rom 10:15; Galesia 1:15; Efesus 3:7-8; 1 Timoti 2:7; Hibru 5:4

13:3: Ap 6:6

13:3: Aposel 6:6

13:4: Ap 15:39

13:4: Aposel 15:39

13:5: Ap 12:12, 12:25, 13:13, 13:46, 15:37

13:5: Aposel 12:12; 12:25; 13:13; 13:46; 15:37

13:8: 2 Ti 3:8

13:8: 2 Timoti 3:8

13:9: Ziar kam Sol, a Hibrun akamɨn otivir ziar mam. Ezɨ ziar kam Pol, a Grighɨn akam otivir ziam. Gumazir maba ghaze, Sol Grighɨn akamɨn mɨgeir darazir tongɨn ingara, egha kamaghɨn dughiar kamɨn a ziar kam Pol uabɨ garɨsi.

13:10: Mt 13:38, Jo 8:44, 1 Jo 3:8

13:10: Matyu 13:38; Jon 8:44; 1 Jon 3:8

13:11: Kis 9:3, 1 Sml 5:6, Ap 9:8

13:11: Ua Me Ini 9:3; 1 Samuel 5:6; Aposel 9:8

13:13: Ap 13:5, 15:38

13:13: Aposel 13:5; 15:38

13:14: A Sabatɨn dughiam.

13:15: Lu 4:16, Ap 13:27, 15:21, Hi 13:22

13:15: Luk 4:16; Aposel 13:27; 15:21; Hibru 13:22

13:16: Ap 12:17

13:17: Kis 1:7, 6:6, 12:5, Lo 7:6-7, Sng 105:23-24

13:17: Ua Me Ini 1:7; 6:6; Godɨn Araziba 7:6-7; Onger Akaba 105:23-24

13:18: Kis 16:35, Nam 14:34, Lo 1:31, Sng 95:10, Ap 7:36

13:18: Ua Me Ini 16:35; Dɨboboniba 14:34; Godɨn Araziba 1:31; Onger Akaba 95:10; Aposel 7:36

13:19: Lo 7:1, Jos 14:1, Sng 78:55

13:19: Godɨn Araziba 7:1; Josua 14:1; Onger Akaba 78:55

13:20: Het 2:16, 1 Sml 3:20

13:20: Gumazir Dapaniba 2:16; 1 Samuel 3:20

13:21: 1 Sml 8:5, 8:19, 10:1, 10:21

13:21: 1 Samuel 8:5; 8:19; 10:1; 10:21

13:22: 1 Sml 13:14, 15:23-26, 16:12-13, 2 Sml 2:4, Sng 89:20, Hos 13:11

13:22: 1 Samuel 13:14; 15:23-26; 16:12-13; 2 Samuel 2:4; Onger Akaba 89:20; Hosea 13:11

13:23: 2 Sml 7:12-16, Sng 132:11, Ais 11:1, Lu 1:32, 1:69, Ro 11:26

13:23: 2 Samuel 7:12-16; Onger Akaba 132:11; Aisaia 11:1; Luk 1:32; 1:69; Rom 11:26

13:24: Mt 3:1-2, Mk 1:4, Lu 3:3, Ro 11:26

13:24: Matyu 3:1-2; Mak 1:4; Luk 3:3; Rom 11:26

13:25: Mt 3:11, Mk 1:7, Lu 3:16, Jo 1:20-27

13:25: Matyu 3:11; Mak 1:7; Luk 3:16; Jon 1:20-27

13:26: Mt 10:6, Lu 24:47, Ap 13:16, 13:46

13:26: Matyu 10:6; Luk 24:47; Aposel 13:46

13:27: Lu 23:34, 24:20, 24:44, Jo 16:3, Ap 3:17, 15:21, 1 Ko 2:8

13:27: Luk 23:34; 24:20; 24:44; Jon 16:3; Aposel 3:17; 15:21; 1 Korin 2:8

13:28: Mt 27:22-23, Mk 15:13-14, Lu 23:21-23, Jo 19:15

13:28: Matyu 27:22-23; Mak 15:13-14; Luk 23:21-23; Jon 19:15

13:29: Mt 27:57-61, Mk 15:42-47, Lu 18:31, 23:50-56, Jo 19:28-30, 19:36-42

13:29: Matyu 27:57-61; Mak 15:42-47; Luk 18:31; 23:50-56; Jon 19:28-30; 19:36-42

13:30: Mt 28:6, Ap 2:24

13:30: Matyu 28:6; Aposel 2:24

13:31: Ap 1:3, 1:8

13:31: Aposel 1:3; 1:8

13:32: Stt 12:3, Ap 13:23, Ro 4:13, Ga 3:16

13:32: Aposel 13:23; Rom 4:13; Galesia 3:16

13:33: Sng 2:7, Ro 1:4, Hi 1:5, 5:5

13:33: Onger Akaba 2:7; Rom 1:4; Hibru 1:5; 5:5

13:34: Ais 55:3

13:34: Aisaia 55:3

13:35: Sng 16:10, Ap 2:27, 2:31

13:35: Onger Akaba 16:10; Aposel 2:27; 2:31

13:36: 1 Kin 2:10, Ap 2:29

13:36: 1 Atriviba 2:10; Aposel 2:29

13:37-38: Daniel 9:24; Luk 24:47; Aposel 10:43; 1 Jon 2:12

13:39: Ais 53:11, Ro 3:28, 8:3, 10:4, Hi 7:19

13:39: Aisaia 53:11; Rom 3:28; 8:3; 10:4; Hibru 7:19

13:40: Ais 29:14

13:40: Aisaia 29:14

13:41: Hab 1:5

13:41: Habakuk 1:5

13:43: Ap 11:23, 14:22, Ta 2:11, Hi 12:15, 1 Pi 5:12

13:43: Aposel 11:23; 14:22; Taitus 2:11; Hibru 12:15; 1 Pita 5:12

13:45: Ap 14:2, 18:6, 1 Pi 4:4, Ju 10

13:45: Aposel 14:2; 18:6; 1 Pita 4:4; Jut 1:10

13:46: Ais 55:5, Lu 7:30, Ap 3:26, 18:6, Ro 1:16, 10:19

13:46: Aisaia 55:5; Luk 7:30; Aposel 3:26; 18:6; Rom 1:16; 10:19

13:47: Ais 42:6, 49:6, Lu 2:32

13:47: Aisaia 42:6; 49:6; Luk 2:32

13:48: Ap 11:18

13:48: Aposel 11:18

13:50: Ap 17:4, 17:12

13:50: Aposel 17:4; 17:12

13:51: Mt 10:14, Mk 6:11, Lu 9:5, 10:11, Ap 18:6

13:51: Matyu 10:14; Mak 6:11; Luk 9:5; 10:11; Aposel 18:6

13:52: Mt 5:12, Jo 16:22, Ap 2:46

13:52: Matyu 5:12; Jon 16:22; Aposel 2:46