21
Pol kurimɨn Jerusalemɨn zui
1 Egha e, Efesusɨn Kraisɨn adarazir gumazir dapaniba, ataghɨragha bar oseme. Egha e kurim inigha Kosɨn Arighatɨzim baghavɨra zui. Egha amɨmzaraghan, e Rodesɨn Arighatɨzimɨn ghue. Egha Rodes ategha Pataran nguibamɨn ghue. 2 Egha e Pataran kurir mam bato. A Finisian zuima, e an bɨnigha zui. 3 Egha e Saiprusɨn Arighatɨzimɨn gara, agharir kɨriamɨn amadaghan a gitagha ghua, Sirian Provinsɨn zui. Egha Tairɨn nguibamɨn aghegha kurimɨn itir biziba kagh dar arighasa. 4 Ap 20:23, 21:12Aposel 20:23; 21:12E kagh Kraisɨn adarazir apigha me ko 7plan aruebar ike. Ezɨ Godɨn Duam me mɨkemezɨ me Pol mɨgɨa ghaze, nɨ Jerusalemɨn mangan kogham. 5 Ezɨ kurim Tair ataghɨraghasava amima, Kraisɨn adarazi uan amuiroghboriba ko, en akua nguibar ekiamɨn azenan zui. Egha ongarir dadarimɨn e teviba pɨrigha God ko mɨgei. 6 Ap 20:36Aposel 20:36Ezɨ e me ko uan dafaribar suigha, e kurim inigha zuima, me uamategha uan dɨpenibar zui.
Godɨn akam inigha izir gumazim Agabus akar mam Pol ganɨngi
7 Ezɨ e Tair ategha Tolemesɨn nguibamɨn otivigha, dughiar aghuim Kraisɨn adarazigh anigha, me ko aruer vamɨran ike. 8 Ap 6:5, 8:5, 8:26, 8:40, Ef 4:11, 2 Ti 4:5Aposel 6:5; 8:5; 8:26; 8:40; Efesus 4:11; 2 Timoti 4:5Egha amɨmzaraghan e me ategha Sisarian nguibar ekiamɨn otivigha ghua, Filipɨn dɨpenimɨn iti. Filip Ekiamɨn Akar Aghuim akurir gumazir mam. Egha a 7plan gumazir aposelbar akurvazir gumazamizibar mav. 9 Jol 2:28, Ap 2:17Joel 2:28; Aposel 2:17A guivir igiar pumuning ko pumuning iti, egha me Godɨn akam inigha izir amizibar mɨn akam akuri.
10 Ap 11:28Aposel 11:28E mong dughiar maba Sisarian ikezɨ, Godɨn akam inigha izir gumazir mam, Agabus, a Judian Distrighɨn ikegha Sisarian izaghirɨ. 11 Jo 21:18, Ap 20:23, 21:33Jon 21:18; Aposel 20:23; 21:33Egha a en bighan izava Polɨn letiam uan dafarimning ko suemning ikegha kamaghɨn mɨgei, “Godɨn Duam kamaghɨn mɨgei, ‘Kamaghɨra Judan Jerusalemɨn itiba, letɨn kamɨn ghuavim ikeghɨva a isɨ Kantrin Igharazibar Gumazamizibar anɨngam.’ ”
12 Mt 16:22Matyu 16:22E kamaghɨn oregha, e ko Sisarian gumazamiziba Jerusalemɨn mangan koghasa Pol gakaghori. 13 Ap 20:24Aposel 20:24Ezɨ Pol me ikaragha kamaghɨn mɨgei, “Ia tizim bagha aziava nan navim gamima a ikufi? Me na ikɨsɨ, a dera. Kɨ uaghan Ekiam Iesusɨn ziam bagh Jerusalemɨn aven aremegham, a dera.”
14 Pol bar gavgavizɨma e tagha anetegha kamaghɨn mɨgei, “Bizir tizim Ekiam a damusɨ ifongegh, an a damu.”
Pol Judian kalabusɨn itima
me an kotiam barasi
me an kotiam barasi
(Sapta 21:15--26:32)
Pol ghua Jerusalemɨn oto
15 Egha gɨn e bizibar kɨrigha Jerusalemɨn ghuavanabo. 16 Ezɨ Sisarian itir Kraisɨn adarasi, men marazi en akua ghua Nasonɨn dɨpenimɨn e ikiamin naghɨn e atɨ. A Saiprusɨn gumazir bar faraghavɨra Iesus gɨfogha an gɨn zuim.
17 Egha e Jerusalemɨn otozɨma, Kraisɨn adarazi e bagha bar akonge. 18 Ap 15:2, 15:13, Ga 1:19, 2:9Aposel 15:2; 15:13; Galesia 1:19; 2:9Egha amɨmzaraghan, Pol en marazi ko Jemsɨn ganasa zui. Dughiar kamɨn siosɨn gumazamizir dapaniba bar, uaghan iti. 19 Ap 15:4, 15:12, Ro 15:18-19Aposel 15:4; 15:12; Rom 15:18-19Pol dughiar aghuim me ganigha, Ekiam Kantrin Igharazibar Gumazamizibar tongɨn an dafarimɨn amizir biziba bar dar gun me mɨgei.
Gumazir dapaniba Godɨn Dɨpenimɨn mangasa Pol mɨgei
20 Ap 15:1, 15:5, 22:3, Ro 10:2, Ga 1:14Aposel 15:1; 15:5; 22:3; Rom 10:2; Galesia 1:14Ezɨ Kraisɨn adarazir gumazir dapaniba kamaghɨn oregha Ekiamɨn ziam fe. Egha me Pol mɨgɨa ghaze, “En anav, nɨ fo Judan gumazamizir bar avɨriba nɨghnɨzir gavgavim Ekiamɨn iti. Egha me bar Moses Osirizir Araziba bagha gavgafi. 21 Ap 16:3, Ga 2:3Aposel 16:3; Galesia 2:3Ezɨ gumazir maba me mɨgɨa ghaze, Pol Judan gumazir Kantrin Igharazibar Gumazamizibar tongɨn itiba Moses Osirizir Arazibar gɨn mangan men anogorosi. Egha ghaze, ia uan boribar mɨkarzir mogomebar iniba aghoran markɨ, egh Judaba e uan arazibar amuan markɨ. 22 E fo, nɨ izezɨ, me oregham, eghtɨ e ua manmaghɨn damuam? 23 Dɨboboniba 6:13-21Nɨ kamaghɨn damu. Kagh e ko itir gumazir pumuning ko pumuning God ko akar dɨkɨrɨzir gavgavir mam gami. 24 Ap 18:18Aposel 18:18Nɨ me inigh ia Godɨn damazimɨn zueghsɨ, arazir kam damu. Egh me uan dapanir arɨzibagh isamin ofaba, nɨ adagh ivezam. Nɨ kamaghɨn damightɨma, gumazamiziba bar fogh suam, ka ti akar ifavaritam, ezɨ nɨ uaghan Judan Arazibagh ami.*Nɨ Aposelbar Ingangariba 18:18ɨn gan, uaghan Dɨboboniba 6:1-21. 25 Aposel 15:29Ezɨ Kantrin Igharazibar Gumazamizir Iesusɨn gɨn zuiba, e akɨnafarir mamɨn uan nɨghnɨzim osirigha me bagha fomɨra anemada. Egha me mɨgɨa ghaze, ia marvir guabar ofa gamir asɨzibar aman markɨ. Egh ia uaghan asɨzir ghuziba itiba koma asɨzir me fɨragharim dafa mɨsozibar aman markɨ, egh uari isɨ dakuva arazir kurabar amuan markɨ.”
26 Nam 6:13, Ap 24:18, 1 Ko 9:20Dɨboboniba 6:13; Aposel 24:18; 1 Korin 9:20Kamaghɨn amizɨ, Pol tagha ghua gumazir kaba ini. Egha amɨmzaraghan, me ghua arazir Godɨn damazimɨn zueghamim, a me ko a gamigha, Godɨn Dɨpenir mɨriamɨn aven ghua ofa gamir gumazibav gɨa ghaze, dughiar manamɨn e Godɨn damazimɨn zueghamin arazimɨn dughiam gɨvaghtɨ, me e bagh vaghvagh ofa damuam.
Judan gumaziba Godɨn Dɨpenimɨn Polɨn suira
27 2 Ti 1:152 Timoti 1:15Ezɨ dughiar 7pla gɨvasava amima Judan gumazir Esian Provinsɨn itiba Godɨn Dɨpenim avɨnizir dɨvazimɨn aven Polɨn api. Egha gumazamizibar navibagh inivima me Polɨn suiragha kamaghɨn dɨa mɨgei, 28 Ese 44:7, Ap 6:13Esekiel 44:7; Aposel 6:13“Israelɨn gumaziba, ia en akuragh! Gumazir kam, en gumazamizibagh asɨghasɨghasa, gumazir igharaziba ko nguibar igharaziba bar men sure gami. Egha Moses Osirizir Araziba ko Godɨn Dɨpenim gasɨghasɨgha mɨgei. A uaghan Grighɨn gumaziba inigha Godɨn Dɨpenim avɨnizir dɨvazimɨn aven ghua, God ua bagha inabazir Dɨpenim gamima a Godɨn damazimɨn mɨze.” 29 Ap 20:4, 24:5-6, 2 Ti 4:20Aposel 20:4; 24:5-6; 2 Timoti 4:20(Me faragha Efesusɨn gumazim Trofimusɨn garima, a Pol ko nguibar ekiamɨn aven arui. Ezɨ me kamaghɨn nɨghnɨsi, Pol a inigha Godɨn Dɨpenim avɨnizir dɨvazimɨn aven ghu.)
30 Ezɨ nguibar ekiamɨn gumazamiziba bar naviba me ginivima, me tintinibar ivemara izi. Egha Godɨn Dɨpenimɨn mɨriamɨn Polɨn suiragha a kurugha zui. Egha me zuamɨra Godɨn Dɨpenimɨn mɨriamɨn tiar akar ekiaba ase.†Dɨvazir avɨriba Godɨn Dɨpenim okari, ezɨ Kantrin Igharazibar Gumazamiziba dɨvazir faraghavɨra itimrama aven mangam. Akar kam, “Me Pol kurugha Godɨn Dɨpenimɨn dɨvazir azenan itimɨn ghu,” a dɨvazir namba 2 mɨgei. Tiar akaba me da ase, kar namba 2ɨn dɨvazimɨn tiar akaba. Kamaghɨn gumazamiziba danganir ekiar uari akuvir itimɨn iti, kar Godɨn Dɨpenimɨn dɨvazir namba 1 an okarizim.
Romɨn mɨdorozir gumaziba Polɨn suira
31 Egha Judan gumazamiziba aremeghamin mɨdorozim Pol gamima Romɨn mɨdorozir gumazibar ekiam oraki. Ezɨ mɨgɨrɨgɨam ghua kamaghɨn a bato, Jerusalemɨn gumazamiziba uariv sosi. 32 Ezɨ a zuamɨra mɨdorozir gumazibar garir gumazir dapanir maba ko, mɨdorozir gumaziba inigha me ivemara danganir gumazamizir avɨrim iti naghɨn zui. Ezɨ Pol mɨsozir gumaziba mɨdorozir gumazir ekiam ko an gumazibar ganigha Pol ataki.
33 Ap 20:23Aposel 20:23Ezɨ mɨdorozir gumazibar gumazir dapanim iza Polɨn suiragha mɨdorozir gumazibav geima, me senɨn pumuningɨn a ike. Ezɨ mɨdorozir gumazibar gumazir dapanim, Judan gumazibar azara, “Kar tina, egha a tizim gami?” 34 Ezɨ avɨrir ekiar kamɨn aven me pura tintinimɨn bizibav gei. Me nɨgɨnir dafam gamima, mɨdorozir gumazibar gumazir dapanim deragha bizitam baragha a gɨfozir puvatɨ. Kamaghɨn amizɨ, a uan mɨdorozir gumazibav kemezɨma, me a inigha uan dɨpenimɨn ghu. 35 Pol dɨpenir kamɨn adɨrɨziamɨn otivasava amima gumazamiziba a mɨsoghasa bar kaghɨram anerɨsi. Ezɨ mɨdorozir gumaziba a gisaghpu. 36 Lu 23:18, Jo 19:15, Ap 22:22Luk 23:18; Jon 19:15; Aposel 22:22Ezɨ gumazamizir avɨrir men gɨn zuiba dia kamaghɨn mɨgei, “A mɨsueghtɨ, an aremegh!”
Pol uan nɨghnɨzir gavgavimɨn gun Judabagh eghari
37 Ezɨ me Pol inigha mɨdorozir gumazibar dɨpenimɨn aven mangasava amima, a Grighɨn akamɨn men gumazir dapanimɨn azara, “Kɨ bizitam nɨ mɨkɨmam, o?”
Ezɨ mɨdorozir gumazibar gumazir dapanim an azara, “Nɨ Grighɨn akam mɨgei? 38 Ap 5:36-37Aposel 5:36-37Kɨ ghaze, nɨ Isipɨn gumazim, nɨ fomɨra gavman ko mɨsogha, 4,000plan gumazir kuraba inigha ghua gumazamiziba puvatɨzir danganimɨn ghu. Nɨ gumazir kam?”
39 Ezɨ Pol kamaghɨn mɨgei, “Puvatɨ. Kɨ Judabar gumazim, kɨ Silisian Distrighɨn aven itir nguibam Tarsusɨn gumazim. Kɨ ziam itir nguibar ekiamɨn gumazim. Kɨ nɨ azai, nɨ nan amamangatɨghtɨ, kɨ akatam gumazamizibav kɨmasa.”
40 Ezɨ mɨdorozir gumazibar gumazir dapanim a mɨkemezɨ, Pol adɨrɨziamɨn tugha uan dafarimra gumazamiziba aminifa. Ezɨ me bar moghɨra nɨmɨra itima, a Hibrun akamɨn me mɨgei.
21:4: Ap 20:23, 21:12
21:4: Aposel 20:23; 21:12
21:6: Ap 20:36
21:6: Aposel 20:36
21:8: Ap 6:5, 8:5, 8:26, 8:40, Ef 4:11, 2 Ti 4:5
21:8: Aposel 6:5; 8:5; 8:26; 8:40; Efesus 4:11; 2 Timoti 4:5
21:9: Jol 2:28, Ap 2:17
21:9: Joel 2:28; Aposel 2:17
21:10: Ap 11:28
21:10: Aposel 11:28
21:11: Jo 21:18, Ap 20:23, 21:33
21:11: Jon 21:18; Aposel 20:23; 21:33
21:12: Mt 16:22
21:12: Matyu 16:22
21:13: Ap 20:24
21:13: Aposel 20:24
21:18: Ap 15:2, 15:13, Ga 1:19, 2:9
21:18: Aposel 15:2; 15:13; Galesia 1:19; 2:9
21:19: Ap 15:4, 15:12, Ro 15:18-19
21:19: Aposel 15:4; 15:12; Rom 15:18-19
21:20: Ap 15:1, 15:5, 22:3, Ro 10:2, Ga 1:14
21:20: Aposel 15:1; 15:5; 22:3; Rom 10:2; Galesia 1:14
21:21: Ap 16:3, Ga 2:3
21:21: Aposel 16:3; Galesia 2:3
21:23: Dɨboboniba 6:13-21
21:24: Ap 18:18
21:24: Aposel 18:18
*21:24: Nɨ Aposelbar Ingangariba 18:18ɨn gan, uaghan Dɨboboniba 6:1-21.
21:25: Aposel 15:29
21:26: Nam 6:13, Ap 24:18, 1 Ko 9:20
21:26: Dɨboboniba 6:13; Aposel 24:18; 1 Korin 9:20
21:27: 2 Ti 1:15
21:27: 2 Timoti 1:15
21:28: Ese 44:7, Ap 6:13
21:28: Esekiel 44:7; Aposel 6:13
21:29: Ap 20:4, 24:5-6, 2 Ti 4:20
21:29: Aposel 20:4; 24:5-6; 2 Timoti 4:20
†21:30: Dɨvazir avɨriba Godɨn Dɨpenim okari, ezɨ Kantrin Igharazibar Gumazamiziba dɨvazir faraghavɨra itimrama aven mangam. Akar kam, “Me Pol kurugha Godɨn Dɨpenimɨn dɨvazir azenan itimɨn ghu,” a dɨvazir namba 2 mɨgei. Tiar akaba me da ase, kar namba 2ɨn dɨvazimɨn tiar akaba. Kamaghɨn gumazamiziba danganir ekiar uari akuvir itimɨn iti, kar Godɨn Dɨpenimɨn dɨvazir namba 1 an okarizim.
21:33: Ap 20:23
21:33: Aposel 20:23
21:36: Lu 23:18, Jo 19:15, Ap 22:22
21:36: Luk 23:18; Jon 19:15; Aposel 22:22
21:38: Ap 5:36-37
21:38: Aposel 5:36-37