17
Iesus suren gumaziba bagha God ko mɨgei
Jo 11:41, 12:23, 13:32 Jon 11:41; 12:23; 13:32Egha Iesus suren gumazibav kemegha gɨvagha, kogha overiamɨn gara, kamaghɨn mɨgei, “Afeziam, dughiam izegha gɨfa. Eghtɨ nɨn Otarim ziar ekiam nɨ danɨngɨsɨ, kamaghɨn nɨ datɨrɨghɨn ziar ekiam uan Otarim danɨngigh. Dan 7:14, Mt 11:27, Jo 6:37, 1 Ko 15:25-27, Fl 2:10, Hi 2:8 Daniel 7:14; Matyu 11:27; Jon 6:37; 1 Korin 15:25-27; Filipai 2:10; Hibru 2:8Kamaghɨn ami, nɨ gavgavim a ganigha gɨfa. Nɨ kamaghɨn ifonge, a ikɨrɨmɨrir aghuim gumazamizir nɨ a ganɨngiziba, bar me danɨngam. Kar zurara itir ikɨrɨmɨrir aghuarim. Bizir kam bagha, nɨ gumazamiziba bar men dapanimɨn ikiasa anemɨsefe. Ais 53:11, Jo 5:36-37, 1 Ko 8:4, 1 Te 1:9, 1 Jo 5:20 Aisaia 53:11; Jon 5:36-37; 1 Korin 8:4; 1 Tesalonika 1:9; 1 Jon 5:20Ezɨ zurara itir ikɨrɨmɨrir aghuarim, a kamakɨn: Gumazamizir ikɨrɨmɨrir aghuarir kam iniziba, me nɨ gɨfo, nɨ uabɨra nɨ guizbangɨn God. Egha me Krais Iesus gɨfo, nɨ anemadazɨ a ize.
Jo 4:34, 13:31, 14:13, 14:31, 15:10 Jon 4:34; 13:31; 14:13; 14:31“Kɨ nɨn ziar ekiam ko gavgavim nguazir kamɨn gumazamizibar akagha gɨfa. Egha kɨ, ingangarir kɨ damuasa nɨ na ganɨngizir kam, kɨ a gamigha gɨfa. Jo 1:1-2, 17:24, Fl 2:6, Kl 1:15-17, Hi 1:3, 1:10 Jon 1:1-2; 17:24; Filipai 2:6; Kolosi 1:15-17; Hibru 1:3; 1:10Afeziam, fomɨra nguazim tɨghar otivam, kɨ nɨ ko ikia nan ziam ekefe. Ezɨ datɨrɨghɨn nɨ uan damazimɨn, nɨ ua ziar ekiam na danɨngasa, kɨ ifonge.
Sng 22:22, Jo 6:37-39, 10:29 Onger Akaba 22:22; Jon 6:37-39; 10:29“Kɨ nɨn ziar ekiam isa nguazir kamɨn gumazir nɨ na ganɨngizibar aka. Me nɨn gumazamiziba, ezɨ nɨ me na ganigha gɨfa. Ezɨ me deravɨra nɨn akam baragha an gɨn zui. Egha me datɨrɨghɨn fo, bizir nɨ na ganɨngiziba, da bar nɨn ize. Jo 8:28, 12:49, 14:10, 16:27, 16:30 Jon 8:28; 12:49; 14:10; 16:27; 16:30Ezɨ akar nɨ na ganɨngiziba, kɨ bar da isa me ganɨngi. Ezɨ me da ini, egha me guizbangɨra kamaghɨn fo, kɨ fomɨra nɨ ko ikegha, egha kɨ ize. Egha me nɨghnɨzir gavgavim ikia kamaghɨn fo, nɨ na amadazɨ kɨ ize.
Jo 6:37, 6:44, 1 Jo 5:19 Jon 6:37; 6:44; 1 Jon 5:19“Kɨ me bagha nɨ ko mɨgei. Kɨ bar nguazimɨn gumazamiziba bagha nɨ ko mɨgeir pu. Kɨ fo, gumazamizir nɨ na ganɨngizir kaba, me nɨn adarasi. Kamaghɨn amizɨ, kɨ me bagha nɨ ko mɨgei. 10  Jo 16:15 Jon 16:15Ezɨ nan gumazamiziba, me nɨn adarasi. Ezɨ nɨn gumazamiziba, me nan adarasi. Ezɨ gumazamiziba nan gumazamizir kabar gari, me nan ziar ekiam gɨfo.
11  Jo 10:30, 13:1, 17:21, 1 Pi 1:5, Ju 1 Jon 10:30; 13:1; 17:21; 1 Pita 1:5; Jut 1:1“Kɨ datɨrɨghɨn nɨ bagh izam, egh kɨ ua nguazimɨn ikian kogham. Ezɨ me nguazimɨn ikiavɨra iti. Ezɨ Afeziam, nɨ bar zue ezɨ tav nɨn mɨn itir puvatɨ! Kɨ kamaghsua, me uari inigh navir vamɨra ikɨ, mati nɨ na ko, ga uaning inigha iti mokɨn. Bizir kam bagha, nɨ uan ziamɨn gavgavimɨn deravɨra men gan. Kar ziar nɨ na ganɨngizim. 12  Sng 41:9, 109:8, Jo 6:39, 13:18, 18:9, Ap 1:20, Hi 2:13, 1 Jo 2:19 Onger Akaba 41:9; 109:8; Jon 6:39; 13:18; 18:9; Aposel 1:20; Hibru 2:13; 1 Jon 2:19Ezɨ dughiar kɨ me ko itiba, kɨ nɨn ziamɨn gavgavimɨn men gari. Kar ziar nɨ na ganɨngizim. Kɨ bar deravɨra men garima men tav ovengezir puvatɨ. Ezɨ gumazir ovengamim, a uabɨram ovengam. Kɨ kamaghsua, nɨn Akɨnafarimɨn itir akam guizbangɨra otivam, kamaghɨn gumazir kam ovengam.
13  Jo 15:11 Jon 15:11“Kɨ datɨrɨghɨn nɨ bagha izi. Kɨ kamaghɨn ifonge, nan agorogem men navibagh izɨvagh ikiam. Kamaghɨn, dughiar kɨ nguazimɨn itim, kɨ akar kabav keme.
14  Jo 8:23, 15:18-19, 17:16, 1 Jo 3:13 Jon 8:23; 15:18-19; 17:16; 1 Jon 3:13“Nɨn akam, kɨ me ganigha gɨfa. Kɨ nguazir kamɨn gumazim puvatɨ. Ezɨ kamaghɨra, nan gumazamiziba me nguazir kamɨn gumazamiziba puvatɨ. Kamaghɨn amizɨma, nguazir kamɨn gumazamiziba men aghuagha men apanim gami. 15  Mt 6:13, Ga 1:4, 2 Te 3:3, 1 Jo 5:18 Matyu 6:13; Galesia 1:4; 2 Tesalonika 3:3; 1 Jon 5:18Kɨ, nɨ nguazir kamɨn me inigh azenan mangasa nɨn azangsɨzir pu. Puvatɨ. Kɨ, nɨ men ganasa, kɨ nɨn azai, eghtɨ Gumazir Kuram pazɨ me damuan kogham. 16 Kɨ uabɨ kɨ nguazir kamɨn gumazim puvatɨ. Ezɨ kamaghɨra, me nguazir kamɨn gumazamiziba puvatɨ. 17  Sng 119:142, Ap 15:9, Ef 5:26, 1 Pi 1:22 Onger Akaba 119:142Ezɨ nɨn akam a bar guizbangɨra, ezɨ nɨ uan akam damutɨ a men navir averiabar ingarasa, kɨ ifonge. Eghtɨ nɨ me damutɨ me uari isɨ nɨ danɨngam. 18  Jo 20:21 Jon 20:21Nɨ fomɨra na amadazɨ ezɨ kɨ izegha nguazir kamɨn gumazamizibar tongɨn iti. Ezɨ kamaghɨra nɨ gumazir na ganɨngiziba, kɨ me amadagha ghaze, me nguazir kamɨn gumazamizibar tongɨn ikiam. 19  1 Ko 1:2, 1:30, 1 Te 4:7, Hi 10:10 1 Korin 1:2; 1:30; 1 Tesalonika 4:7; Hibru 10:10Kɨ kamaghɨn ifonge, me bar guizbangɨra uari isɨ nɨ danɨngam. Bizir kam bagha kɨ men akurvaghasa, kɨ bar uabɨ isa nɨ ganɨngi.
20 “Kɨ gumazir kabara bagha God ko mɨgeir puvatɨ. Kɨ, gumazamizir men akam baragh nɨghnɨzir gavgavim nan ikiamiba, kɨ uaghan me bagha God ko mɨgei. 21  Jo 10:16, 10:38, 17:11, Ro 12:5, Ga 3:28 Jon 10:16; 10:38; 17:11; Rom 12:5; Galesia 3:28Egha gumazir kaba bar navir vamɨra ikiasa kɨ ifonge. Afeziam, nɨ nan aven itima kɨ nɨn aven iti, ezɨ kamaghɨra me gan aven ikiasa kɨ ifonge. Eghtɨ nguazimɨn gumazamiziba nɨghnɨzir gavgavim ikɨ egh fogh suam, nɨ na amadazɨ kɨ ize. Kamaghɨn kɨ ghaze, me bar navir vamɨra ikɨ. 22  Jo 14:20, Ap 4:32, 1 Jo 1:3, 3:24 Jon 14:20; Aposel 4:32; 1 Jon 1:3; 3:24Kɨ ghaze, nɨ na ko, ga navir vamɨra iti moghɨn, kamaghɨra me navir vamɨra ikiam. Bizir kam bagha, ziar ekiar na ganɨngizim, kɨ ziar ekiar kamra isa me ganɨngi. 23  Kl 3:14 Kolosi 3:14Kɨ kamaghsua, nguazimɨn gumazamiziba fogh suam, nɨ na amadazɨ kɨ ize. Egh fogh suam, nɨ na gifongezɨ moghɨra nɨ nan adarazigh ifonge. Kamaghɨn kɨ men aven iti, ezɨ nɨ nan aven iti, ezɨ arazir kamɨn me guizbangɨra navir vamɨra ikiasa kɨ ifonge.
24  Jo 12:26, 17:5, 1 Te 4:17 Jon 12:26; 17:5; 1 Tesalonika 4:17“Afeziam, gumazamizir nɨ na ganɨngiziba, me na ko nguibar kɨ itimɨn ikiasa kɨ ifonge. Me nan angazangarir ekiam ko nan gavgavimɨn ganasa kɨ ifonge. Dughiar nguazim tɨghar otivam, nɨ na gifonge, egha nɨ angazangarir kam ko gavgavim na ganɨngi.
25  Jo 8:55, 15:21, 16:3, 16:27 Jon 8:55; 15:21; 16:3; 16:27“Nɨ Arazir Aghuibaram Amir Afeziam, nguazimɨn gumazamiziba nɨ gɨfozir puvatɨ. Ezɨ kɨ nɨ gɨfo. Ezɨ nan adarasi, me fo, nɨ na amadazɨ kɨ ize. 26  Jo 15:9, 15:15, 17:6 Jon 15:9; 15:15; 17:6Kɨ kamaghɨn ifonge, me igharaz darazigh ifongezir arazim inigham, mati nɨ na gifongezɨ mokɨn. Eghtɨ kɨ uaghan men aven ikiam. Kamaghɨn kɨ nɨ isa men aka, egh kɨ kamaghɨn damu mamaghɨra ikiam.”

17:1: Jo 11:41, 12:23, 13:32

17:1: Jon 11:41; 12:23; 13:32

17:2: Dan 7:14, Mt 11:27, Jo 6:37, 1 Ko 15:25-27, Fl 2:10, Hi 2:8

17:2: Daniel 7:14; Matyu 11:27; Jon 6:37; 1 Korin 15:25-27; Filipai 2:10; Hibru 2:8

17:3: Ais 53:11, Jo 5:36-37, 1 Ko 8:4, 1 Te 1:9, 1 Jo 5:20

17:3: Aisaia 53:11; Jon 5:36-37; 1 Korin 8:4; 1 Tesalonika 1:9; 1 Jon 5:20

17:4: Jo 4:34, 13:31, 14:13, 14:31, 15:10

17:4: Jon 4:34; 13:31; 14:13; 14:31

17:5: Jo 1:1-2, 17:24, Fl 2:6, Kl 1:15-17, Hi 1:3, 1:10

17:5: Jon 1:1-2; 17:24; Filipai 2:6; Kolosi 1:15-17; Hibru 1:3; 1:10

17:6: Sng 22:22, Jo 6:37-39, 10:29

17:6: Onger Akaba 22:22; Jon 6:37-39; 10:29

17:8: Jo 8:28, 12:49, 14:10, 16:27, 16:30

17:8: Jon 8:28; 12:49; 14:10; 16:27; 16:30

17:9: Jo 6:37, 6:44, 1 Jo 5:19

17:9: Jon 6:37; 6:44; 1 Jon 5:19

17:10: Jo 16:15

17:10: Jon 16:15

17:11: Jo 10:30, 13:1, 17:21, 1 Pi 1:5, Ju 1

17:11: Jon 10:30; 13:1; 17:21; 1 Pita 1:5; Jut 1:1

17:12: Sng 41:9, 109:8, Jo 6:39, 13:18, 18:9, Ap 1:20, Hi 2:13, 1 Jo 2:19

17:12: Onger Akaba 41:9; 109:8; Jon 6:39; 13:18; 18:9; Aposel 1:20; Hibru 2:13; 1 Jon 2:19

17:13: Jo 15:11

17:13: Jon 15:11

17:14: Jo 8:23, 15:18-19, 17:16, 1 Jo 3:13

17:14: Jon 8:23; 15:18-19; 17:16; 1 Jon 3:13

17:15: Mt 6:13, Ga 1:4, 2 Te 3:3, 1 Jo 5:18

17:15: Matyu 6:13; Galesia 1:4; 2 Tesalonika 3:3; 1 Jon 5:18

17:17: Sng 119:142, Ap 15:9, Ef 5:26, 1 Pi 1:22

17:17: Onger Akaba 119:142

17:18: Jo 20:21

17:18: Jon 20:21

17:19: 1 Ko 1:2, 1:30, 1 Te 4:7, Hi 10:10

17:19: 1 Korin 1:2; 1:30; 1 Tesalonika 4:7; Hibru 10:10

17:21: Jo 10:16, 10:38, 17:11, Ro 12:5, Ga 3:28

17:21: Jon 10:16; 10:38; 17:11; Rom 12:5; Galesia 3:28

17:22: Jo 14:20, Ap 4:32, 1 Jo 1:3, 3:24

17:22: Jon 14:20; Aposel 4:32; 1 Jon 1:3; 3:24

17:23: Kl 3:14

17:23: Kolosi 3:14

17:24: Jo 12:26, 17:5, 1 Te 4:17

17:24: Jon 12:26; 17:5; 1 Tesalonika 4:17

17:25: Jo 8:55, 15:21, 16:3, 16:27

17:25: Jon 8:55; 15:21; 16:3; 16:27

17:26: Jo 15:9, 15:15, 17:6

17:26: Jon 15:9; 15:15; 17:6