7
Mɨdorozir gumazir dapanimɨn nɨghnɨzir gavgavim
(Matyu 8:5-13)
Iesus bizir kabar gumazamizibav kemegha gɨvagha, Kaperneamɨn aven zui. Ezɨ 100plan mɨdorozir gumazibar garir gumazir dapanir mam iti. An ingangarir gumazir a bar ifongezim, arɨava aremeghasava ami. Ezɨ mɨdorozir gumazir dapanir kam Iesus amizir biziba baregha, Judabar gumazir aruar maba Iesus bagha me amangi. 4-5 Ezɨ me Iesus bagha izegha a gaghora kamaghɨn a mɨgei, “Gumazir kam en gumazamiziba bar me gifonge. Egha e bagha God ko mɨgeir dɨpenimɨn ingari. Kamaghɨn amizɨ gumazir kam akurvazim baghava ami, nɨ an akuragh.” Ezɨ Iesus tagha me ko zui. A ghua dɨpenimɨn boroghɨn otozɨ, mɨdorozir gumazir dapanim uan namakaba amangizɨ me kamaghɨn a mɨgei, “Ekiam, kɨ gumazir aghuir manam, nɨ nan dɨpenimɨn aven izam? Nɨ nan dɨpenimɨn aven izan markɨ. Nɨ pazɨ uabɨ damuan markɨ. 7-8 Kamaghɨn amizɨ kɨ uabɨ nɨ bagh mɨgɨrɨgɨam inigh izan kogham. Kɨ uabɨ mɨdorozir gumazir mabar apengan iti, egha uabɨ mabar garima, me nan apengan iti. Egh kɨ me mɨkɨm suam, ‘Ia mangɨ,’ eghtɨ me mangam. O, kɨ me mɨkɨm suam, ‘Ia izɨ.’ Eghtɨ me izam. Egh kɨ uan ingangarir gumazitam mɨkɨm suam, nɨ ingangarir kam damu, eghtɨ an a damuam. Egha kɨ fo, nɨ mɨkɨmtɨ, nan ingangarir gumazim ua deragham.” Ezɨ Iesus kamaghɨn oregha, dɨgavir kuram gamigha, raghɨrɨgha gumazamizir a gɨn zuibav gei, “Kɨ ia mɨgei, kɨ Israelɨn aven kamaghɨn nɨghnɨzir gavgavim itir gumazitamɨn ganizir puvatɨ.” 10 Ezɨ gumazir amadaziba uamategha dɨpenimɨn ghua ingangarir gumazimɨn garima a dera.
Amuir odiarimɨn otarim ua dɨkafi
11 Egha gɨn Iesus nguibar ziam Nainɨn zui. Ezɨ an suren gumaziba ko gumazir avɨrim an gɨn zui. 12 Egha a nguibar kamɨn tiar akar ekiar kamɨn boroghɨn ghua garima, gumazir maba gumazir kuam gisaghpugha nguibar ekiamɨn ikegha azenan izi. Gumazir aremezir kamnagh, an amizir pam aremezimɨn otarir vamɨra. Ezɨ nguibar ekiar kamɨn itir gumazir avɨrim amuir odiarir kam ko iti. 13  Lu 8:52 Luk 8:52Ezɨ Iesus an gara bar an apangkuvigha kamaghɨn a mɨgei, “Nɨ arangan markɨ.” 14  Lu 8:54, Jo 11:43, Ap 9:40, Ro 4:17 Luk 8:54; Jon 11:43; Aposel 9:40; Rom 4:17Egha Iesus roghɨra ghua gumaziba isaghpughav itir boksiamɨn suira. Ezɨ a gisaghpughav itir gumaziba voroghɨra mɨtivighav iti. Ezɨ a kamaghɨn gumazir igiamɨn mɨgei, “Gumazir igiam, kɨ nɨ mɨgei, nɨ dɨkafigh.” 15  1 Kin 17:23, 2 Kin 4:36 1 Atriviba 17:23; 2 Atriviba 4:36Ezɨ gumazir aremezim dɨkavigha maghɨra mɨgeima, Iesus uam a isa an amebam ganɨngi. 16  Lu 1:68, 19:44, 24:19, Jo 4:19 Luk 1:68; 19:44; 24:19; Jon 4:19Ezɨ me kamaghɨn ganigha bar dɨgavir kuram gamigha, Godɨn ziam fa ghaze, “Godɨn akam inigha izir gumazir ekiar mam en tongɨn oto.” Egha me ghaze, “God uan gumazamizibar akurvaghasa ize.” 17 Ezɨ Iesus amizir bizir kamɨn eghaghanim bar Judian Distrik ko an boroghɨn itir nguibaba sara ghu.
Gumazamiziba Ruer Gumazim Jon,
a Iesus bagha azangsɨsi
(Matyu 11:2-19)
18 Ezɨ Jon, Gumazamiziba Ruer Gumazim, an suren gumaziba, bizir kabar gun bar a mɨkeme. Ezɨ a uan suren gumazir pumuningɨn diagha, 19  Onger Akaba 40:7; Malakai 3:1; Matyu 11:3; Akar Mogomem 1:8Ekiam Iesusɨn azangsɨghasa aning amada, “Ti nɨrara, gumazir God faragha amangasa mɨkemezim? O, e ti ua gumazir igharazitam mɨzuamam?” 20 Ezɨ gumazimning Iesus bagha izegha, kamaghɨn a mɨgei, “Jon, Gumazamiziba Ruer Gumazim nɨn azangsɨghasa ga amada, ‘Ti nɨrara, gumazir God faragha amangasa mɨkemezim? O, e ti ua gumazir igharazitam mɨzuamam?’ ” 21 Ezɨ dughiar kamnaghɨra Iesus gumazamizir arɨmariaba itiba gamuavɨra itima, me ghuamazi. Egha duar kuraba batogha gumazir damazir kurar avɨribagh amima, me ua gari. 22  Ais 35:5-6, 61:1, Mt 11:4-5, Lu 4:18 Aisaia 35:5-6; 61:1; Matyu 11:4-5; Luk 4:18Kamaghɨn amizɨ, Iesus Jonɨn suren gumazimningɨn akam ikaragha ghaze, “Gua uamategh mangɨ bizir gua ganigha oraghizibar gun Jon mɨkemegh, ‘Gumazamizir damazir okavɨrɨziba ua gari, ezɨ gumazamizir suer amɨriziba uam arui. Ezɨ gumazamizir lepa itiba ua zuegha dera, ezɨ gumazamizir kuarir orazir puvatɨziba uam orasi. Ezɨ ovengezir gumazamiziba ua dɨkavima, gumazamizir onganarazibagh amiba Akar Aghuim barasi.’* Nɨ Matyu 11:5ɨn itir akamɨn gan. 23  Ais 61:1, Lu 4:18 Aisaia 61:1; Luk 4:18Gumazir nan ganigha nɨghnɨzir gavgavim nan itiba, men nɨghnɨzir gavgavim ikɨvɨra ikɨ, eghtɨ men navir averiaba deraghtɨ me bar akuegham!”
24  Mt 11:7 Matyu 11:7Ezɨ Jonɨn suren gumazimning uamategha ghuzɨma, Iesus maghɨra Jonɨn gun gumazamizibav gɨa ghaze, “Ia tizimɨn ganasa gumazamiziba puvatɨzir danganimɨn ghue? Ia ti ighurunir amɨnim ivaimɨn ganasa ghue? Puvatɨ. 25 Ia tizimra ganasa ghue? Ia ti gumazir korotiar aghuiba aghuizitamɨn ganasa ghue? Puvatɨ. Gumazir korotiar aghuiba azuiba atrivibar dɨpenibar iti. 26  Mt 11:9, Lu 1:76 Matyu 11:9; Luk 1:76Ezɨ ia tizimɨn ganasa ghue? Ia Godɨn akam inigha izir gumazitamɨn ganasa ghue? Bar guizbangɨra! Kɨ ia mɨgei, Godɨn akam inigha izir gumazir kam, a Godɨn akam inigha izir gumazir igharaziba, bar me gafira. 27  Mal 3:1 Malakai 3:1Gumazir kam baghavɨra, Godɨn Akɨnafarim mɨgɨa ghaze, ‘Ia oragh. Kɨ uan abuir gumazim amadaghtɨma, a faragh mangɨva nɨ bagh tuavim akɨram.’ 28 Kɨ ia mɨgei, Jon nguazimɨn itir gumazamiziba bar me gafira, ezɨ tina borimɨn mɨn God Bizibagh Ativamin Dughiamɨn aven iti, a bar Jon gafira.” 29  Matyu 21:32; Luk 3:12(Jon gumazamizir avɨriba ruava, egha maghɨra dagɨaba isir gumaziba sara rue. Kamaghɨn amizɨ me Iesusɨn akam baregha fo, Godɨn arazim a bar guizbangɨra. 30 Ezɨ Farisiba ko Judan Arazibagh fozir gumaziba, me Jonɨn rurim inizir puvatɨ. Kamaghɨn amizɨ me akɨrim ragha God men akazir tuavir aghuim gasara.)
31  Matyu 11:16-17Iesus ua kamaghɨn mɨgei, “Kɨ gumazamizir datɨrɨghɨn itibar arazibav kɨmsɨ akar isɨn zuir manam mɨkɨmam? Me manmaghɨra gari? 32 Me boribar mɨn gara biziba amadir danganibar apiav ikia uarir dei:
 
“ ‘E ia bagha marvibagh ivima,
ia ighian aghua.
Ezɨ e ongerakar amɨrizibagh amima,
ia azir puvatɨ.’
 
33  Mt 3:4, 11:18, Mk 1:6 Matyu 3:4; 11:18; Mak 1:6“Ezɨ Jon, Gumazamiziba Ruer Gumazim iza dagheba ko wainɨn dɨpaba apir puvatɨzɨ, ia ghaze, ‘Duar kuraba a gapasa.’ 34  Mt 11:19, Lu 15:2 Matyu 11:19; Luk 15:2Ezɨ Gumazamizibar Otarim izava dagheba ko wainɨn dɨpaba api. Ezɨ ia ghaze, ‘Ia gan, a gumazir puv daghem ko wainɨn dɨpam apim. Egha a dagɨaba isir gumaziba ko gumazir arazir kurabagh amiba, a men roroabagh amua me ko iti.’ 35 Ezɨ gumazamizir Godɨn fofozim iniziba, me gara fo, Godɨn fofozim a guizbangɨra bizim.”
Amizir arazir kurabagh amir mam Iesusɨn dagarimning rue
36  Mt 26:6, Mk 14:3, Lu 11:37 Matyu 26:6; Mak 14:3; Luk 11:37Ezɨ Farisin gumazir mam uabɨ ko damasava Iesus bagha mɨkeme. Kamaghɨn amizɨ an a ko daperagh damasa an dɨpenimɨn ghu. 37  Matyu 26:7; Mak 14:3; Jon 12:3Ezɨ amizir arazir kurabagh amua nguibar kamɨn itim orazi, Iesus Farisin dɨpenimɨn ikiava api. Ezɨ amizir kam borer mughuriar aghuim zuim itir alabastan ingarizir mɨsevim inigha izi. 38 Egha a Iesusɨn gɨrakɨrangɨn an dagarimningɨn boroghɨn tughav ikia azima, an teriba Iesusɨn dagarimning giri. Ezɨ a uan dapanir arɨzimɨn an dagarimning adizava, an dagarimningɨn tora borem an dagarimning ginge. 39 Ezɨ Farisin an diazim bizir kamɨn ganigha uabɨra uabɨ mɨgei, “Gumazir kam guizbangɨra Godɨn akam inigha izir gumazim a fogh suam, kar amizir manam an suisi, kar amizir arazir kurabagh amim.”
40 Ezɨ Iesus an akam ikaragha ghaze, “Saimon kɨ nɨ mɨkɨmamin bizir mam iti.”
Ezɨ Saimon ghaze, “Tisa, nɨ na mɨkemegh.”
41 Ezɨ Iesus kamaghɨn a mɨgei, “Gumazir pumuning gumazir mam da dagɨaba pura da ini, egh aning gɨn a da ikarvagham. Ezɨ mav a da 500ɨn dagɨaba ini, ezɨ mav a da 50plan dagɨaba ini. 42 Ezɨ aning uaghara an dagɨaba ikarvaghan ibura. Ezɨ a aning ikarvaghamin dagɨar kaba gɨn amada. Ezɨ nɨ nɨghnɨgh, aningɨn tina gumazir kam bar a gifuegham?”
43 Ezɨ Saimon an akam ikaragha ghaze, “Kɨ kamaghɨn nɨghnɨsi, gumazir dagɨar avɨriba inigha ua da ikarvaghan iburazim.”
Ezɨ Iesus kamaghɨn a mɨgei, “Nɨ deragha mɨgei.”
44  Stt 18:4 Jenesis 18:4Egha a ragha amizimɨn gara kamaghɨn Saimon mɨgei, “Nɨ amizir kamɨn gari? Kɨ nɨn dɨpenimɨn izezɨma, nɨ nan dagarimning ruasa dɨpatam na ganɨngizir puvatɨ. Ezɨ amizim uan temeribar nan dagarimining ruegha, uan dapanir arɨzimɨn da dɨsi. 45 Ezɨ nɨ nan torezir puvatɨ. Ezɨ amizir kam dughiar kɨ aven izezimɨn a nan dagarimningɨn tora mamaghɨra ikia iza datɨrɨkɨn. 46  Sng 23:5 Onger Akaba 23:5Ezɨ nɨ borem nan dapanim gingezir puvatɨ. Ezɨ amizir kam a borer mughuriar aghuim inigha nan dagarimning ginge. 47  1 Ti 1:14A bar na gifonge, kamaghɨn amizɨ, God an arazir kurar avɨriba bar da gɨn amada. Kɨ ia mɨgei, tina God an arazir kurar muziarim gɨn amadaghtɨ, kamaghɨn a God gifongezir arazir muziarim ikiam.”
48  Mt 9:2, Mk 2:5, Lu 5:20-21 Matyu 9:2; Mak 2:5; Luk 5:20-21Ezɨ Iesus kamaghɨn amizimɨn mɨgei, “Nɨn arazir kuraba, kɨ da gɨn amada.”
49  Mt 9:3, Mk 2:7 Matyu 9:3; Mak 2:7Ezɨ gumazir a ko ikiava apiba kamaghɨn oregha, maghɨra uarira uariv gei, “Kar gumazir manam uaghan arazir kuraba gɨn amadi?”
50  Mt 9:22, Mk 5:34, 10:52, Lu 8:48, 17:19, 18:42 Matyu 9:22; Mak 5:34; 10:52; Luk 8:48; 17:19; 18:42Ezɨ Iesus kamaghɨn amizim mɨgei, “Nɨn nɨghnɨzir gavgavim nɨn akura, kamaghɨn amizɨ nɨ navir amɨrizimɨn mangɨ.”

7:13: Lu 8:52

7:13: Luk 8:52

7:14: Lu 8:54, Jo 11:43, Ap 9:40, Ro 4:17

7:14: Luk 8:54; Jon 11:43; Aposel 9:40; Rom 4:17

7:15: 1 Kin 17:23, 2 Kin 4:36

7:15: 1 Atriviba 17:23; 2 Atriviba 4:36

7:16: Lu 1:68, 19:44, 24:19, Jo 4:19

7:16: Luk 1:68; 19:44; 24:19; Jon 4:19

7:19: Onger Akaba 40:7; Malakai 3:1; Matyu 11:3; Akar Mogomem 1:8

7:22: Ais 35:5-6, 61:1, Mt 11:4-5, Lu 4:18

7:22: Aisaia 35:5-6; 61:1; Matyu 11:4-5; Luk 4:18

*7:22: Nɨ Matyu 11:5ɨn itir akamɨn gan.

7:23: Ais 61:1, Lu 4:18

7:23: Aisaia 61:1; Luk 4:18

7:24: Mt 11:7

7:24: Matyu 11:7

7:26: Mt 11:9, Lu 1:76

7:26: Matyu 11:9; Luk 1:76

7:27: Mal 3:1

7:27: Malakai 3:1

7:29: Matyu 21:32; Luk 3:12

7:31: Matyu 11:16-17

7:33: Mt 3:4, 11:18, Mk 1:6

7:33: Matyu 3:4; 11:18; Mak 1:6

7:34: Mt 11:19, Lu 15:2

7:34: Matyu 11:19; Luk 15:2

7:36: Mt 26:6, Mk 14:3, Lu 11:37

7:36: Matyu 26:6; Mak 14:3; Luk 11:37

7:37: Matyu 26:7; Mak 14:3; Jon 12:3

7:44: Stt 18:4

7:44: Jenesis 18:4

7:46: Sng 23:5

7:46: Onger Akaba 23:5

7:47: 1 Ti 1:14

7:48: Mt 9:2, Mk 2:5, Lu 5:20-21

7:48: Matyu 9:2; Mak 2:5; Luk 5:20-21

7:49: Mt 9:3, Mk 2:7

7:49: Matyu 9:3; Mak 2:7

7:50: Mt 9:22, Mk 5:34, 10:52, Lu 8:48, 17:19, 18:42

7:50: Matyu 9:22; Mak 5:34; 10:52; Luk 8:48; 17:19; 18:42