11
Iesus God ko mɨgeir arazibar
men sure gami
(Matyu 6:9-15; 7:7-11)
Lu 5:33 Luk 5:33Iesus danganir mamɨn ikia God ko mɨkemegha gɨvazɨma, an suren gumazir mam a mɨgɨa ghaze, “Ekiam, nɨ God ko mɨgeir arazibar en sure damu, mati Jon uan suren gumazibar sure gamizɨ mokɨn.”
Matyu 6:9-13Ezɨ Iesus kamaghɨn me mɨgei, “Ia God ko mɨkɨmamin dughiamɨn, ia kamaghɨn mɨkɨm:
 
“ ‘En Afeziam, nɨn ziam bar zue, ezɨ arazir kuraba an saghon iti.
Dughiar Nɨ Bizibagh Ativamim, a izɨ.
E datɨrɨghɨn damamin dagheba,
nɨ datɨrɨghɨn da isɨ e danɨng.
Egh me e gamir arazir kuraba e da gɨn amadi moghɨn,
nɨ en arazir kuraba gɨn amang.
Egh e ateghtɨ,
e osɨmtɨzibar aven ikɨtɨ
bizitam en navim bɨraghtɨ,
e arazir kuratam damuan kogham.’ ”
 
5-6 Ezɨ Iesus kamaghɨn uan suren gumazibav gei, “Ian tongɨn gumazitam namakatam ikɨva, egha dɨmagarir arɨzimɨn a bagh mangɨva kamaghɨn a mɨkɨmam, ‘Namakam, nɨ daghetaba nan akuragh. Nan akar gumazim tuavimɨn iza na batozɨ, kɨ a danɨngamin dagheba puvatɨ.’
“Eghtɨ, gumazir dɨpenimɨn aven itim kamaghɨn an akam ikaragham, ‘Nɨ ingangarim na danɨngan markɨ. Kɨ tiar akam asaragha gɨfa, egha uan boriba koma akui. Kamaghɨn kɨ dɨkavighɨva bizitam nɨ danɨngan kogham.’ Lu 18:1, 18:5 Luk 18:1; 18:5Ezɨ kɨ ia mɨgei, dɨpenir ghuavim dɨkavighɨva uan namakam puvatɨzir biziba bar a danɨngam. A bizir kaba uan namakam danɨngan ifongezir puvatɨ, egha an a ganɨngi. An namakam a dɨmvɨra ikian an aghuagha, dɨkavigha iza bizir a bar ifongeziba a ganɨngi.”
Mt 7:7, Mk 11:24, Jo 15:7, 1 Jo 3:22 Matyu 7:7; Mak 11:24; Jon 15:7; 1 Jon 3:22Egha Iesus ua kamaghɨn mɨgei, “Ia God ko mɨkɨm, egh biziba bagh an azangtɨ, a da isɨ ia danɨngam. Egh ia biziba bagh ruiva, ia da bativam. Egh ia tiam gafughafughtɨ, God ia bagh tiam kuigham. 10 Gumazir Godɨn azaiba, me biziba isi. Ezɨ gumazir biziba bagha ruim da batifi. Eghtɨ gumazir itiam gafughafuzim, God a bagh tiam kuigham.
11  Mt 7:9-10 Matyu 7:9-10“Ian boritam uan afeziam, osiriba bagh an azangsɨghtɨma, a ti kuruzitam a danigham? Bar puvatɨ. 12 Egh borim tuarir aroriam bagh uan afeziamɨn azangsɨghtɨma, a ti tuighakam a danigham, o? 13 Ia afeziar arazir kurabagh amiba, egha ia zurara bizir bar aghuiba uan boribagh anɨdi. Ia deraghvɨra kamaghɨn fogh, guizbangɨra ian Afeziar uan Nguibamɨn itim bar akueghvɨra uan Duam isɨ gumazir a ko mɨgeibar anɨngam.”
Me ghaze, Iesus duar kuram ko ingari
(Matyu 12:22-30; Mak 3:20-27)
14 Egha Iesus duar kurar gumazim gamima a mɨgeir puvatɨzim batoke. Ezɨ duar kuram anetaghizɨ, gumazir mɨgeir puvatɨzim datɨrɨghɨn mɨgei. Ezɨ gumazamiziba dɨgavir kuram gami. 15  Mt 9:34, 10:25, 12:24 Matyu 9:34; 10:25; 12:24Ezɨ marazi ghaze, “A Belsebulɨn gavgavimɨn duar kuraba batosi, a duar kurabar gumazir dapanim.”* Satanɨn ziar mamra kara, Belsebul.
16  Mt 12:38, 16:1, Mk 8:11 Matyu 12:38; 16:1; Mak 8:11Ezɨ marazi Iesus basamasa ghaze, “Nɨ Godɨn gavgavimɨn mirakelɨn arazitam damightɨ, an overiamɨn ikegh izighirɨtɨ, e an ganigh fogham.”
17  Mt 12:25, Mk 3:24, Jo 2:25 Matyu 12:25; Mak 3:24; Jon 2:25Ezɨ Iesus men nɨghnɨzibagh fogha, kamaghɨn me mɨgei, “Kantrin tamɨn gumazamiziba uari tuiragh uarira uariv soghtɨ, men dabirabim ikuvigham. Eghtɨ dɨpenir vamɨran itir darazi uariv sogh, egh uari abigh egh men dabirabim ikuvigham. 18 Ia ghaze, kɨ ti Satanɨn gavgavimɨn duar kuraba batosi. Kamaghɨn amizɨ, kɨ ian azai, Satan uan adarazi ko uari abigh uariv sogh, egh me manmaghɨn tugh gavgavigh bizibar ganamin gavgavim ikiam? Bar puvatɨgham. 19 Ia ghaze, kɨ Belsebul da gavgavim isa duar kuraba batosi. Ezɨ tinara ian adarazir akurvazima, me duar kuraba batosi? Ian adarazi amir araziba, darara ian akagha ghaze, ia paza na mɨgei. 20  Kis 8:19 Ua Me Ini 8:19Eghtɨ kɨ Godɨn Duamɨn gavgavimɨn duar kuraba batoghtɨ, ia kamaghɨn fogh suam, God Bizibagh Ativamin Dughiam ia batogha gɨfa. 21 Gumazir gavgavitam mɨdorozir biziba bar da inigh, egh uan dɨpenim bagh gantɨ an biziba bar deraghvɨra ikiam. 22  Kl 2:15 Kolosi 2:15Eghtɨ gumazitam bar gavgavigh a ko mɨsogh, anebɨragh, an mɨdorozir bizir a gamima a gavgavim ikia mɨsoziba inigh mangɨ, da tuiragh da isɨ gumazir igharazibar anɨngam. 23  Mt 12:30, Mkk 9:40, Lu 9:50 Matyu 12:30; Mak 9:40; Luk 9:50Tina nan namakam puvatɨ, a nan apanim. Ezɨ gumazim nan akuragha gumazamiziba akumakuir puvatɨ, gumazir kam men gɨntɨzima me tintinibar zui.”
Duar kuram uamategha ize
(Matyu 12:43-45)
24  Mt 12:43 Matyu 12:43Iesus ua kamaghɨn mɨgei, “Duar kuram gumazir mam ategha dɨpaba puvatɨzir danganibar arua ikiamin danganiba buri, egha a tam batozir puvatɨgha, egha uabɨ mɨgɨa ghaze, ‘Kɨ uamategh faragha ikezir dɨpenimɨn mangam.’ Egha a uamategha ghua garima, me dɨpenim avizɨ, a bar zuezɨma an itir biziba bar deragha ikia pura iti. 25 Egha a uamategha ghua garima, me dɨpenim avizɨ, a bar zuezɨma an itir biziba bar deragha iti. 26  Mt 12:45, Jo 5:14, Hi 6:4, 2 Pi 2:20 Matyu 12:45; Jon 5:14; Hibru 6:4; 2 Pita 2:20Egh duar kurar kam mangɨ, 7plan duar kurar a gafiragha arazir kurabagh amiba, men aku izam. Egh me mangɨ, dɨpenir kamɨn ikiam. Gumazir kam faragha paza ike, egh a datɨrɨghɨn bar pazavɨra ikiam, eghtɨ an dabirabim, dabirabir a faragha ikezim bar a gafiragh bar ikuvigham.”
Gumazir manaba bar akuegham?
27  Lu 1:28, 1:42, 1:48 Luk 1:28; 1:42; 1:48Ezɨ Iesus bizir kabav gɨavɨra itima, amizir mam gumazamizibar tongɨn ikia kamaghɨn dɨa mɨgei, “Amizir nɨ bategha oteba nɨ ganɨngizim, a bar akongegh.”
28  Mt 7:21, Lu 8:15, 8:21, Je 1:25 Matyu 7:21; Luk 8:15; 8:21; Jems 1:25Ezɨ Iesus a ikaragha ghaze, “Te nan Afeziamɨn akam baragha an gɨn zui, me bar akongegh.”
Mirakelɨn azangsɨzim
(Matyu 12:38-42; Mak 8:12)
29  Mt 16:4, Mk 8:12 Matyu 16:4; Mak 8:12Ezɨ gumazamiziba otiva izavɨra itima, Iesus kamaghɨn me mɨgei, “Datɨrɨghɨn itir gumazamiziba bar ikufi. Me mirakelɨn arazir kɨ damightɨ me ganigh foghamim bagha azangsɨsi. Eghtɨ kɨ arazitam men akakaghsɨ me danighan kogham. God Jona gamizir arazimɨn mɨn, me arazir kamɨn ganam. 30  Jna 1:17, 2:10, 3:4 Jona 1:17; 2:10; 3:4Fomɨra Jona batozir arazim Niniven nguibar ekiamɨn gumazamizibar aka. Kamaghɨra, Gumazamizibar Otarim datɨrɨghɨn itir gumazamiziba arazitam men akagham. 31  1 Kin 10:1-10, 2 Sto 9:1-12 1 Atriviba 10:1-10; 2 Eghaghaniba 9:1-12Fomɨra Seban Atrivir Amizim nguazir kamɨn saghon ikegha Solomonɨn fofozir aghuimɨn akaba baraghasa ize. Ezɨ gumazir mam bar Solomon gafiragha ian tongɨn iti. Kamaghɨn amizɨ, Gumazamiziba Godɨn Kotiamɨn Tuivamin Dughiamɨn, Seban Atrivir Amizim tugh datɨrɨghɨn itir gumazamizibar arazir kurabar gun mɨkɨmam. 32  Jna 3:5 Jona 3:5Eghtɨ Godɨn Kotɨn Dughiamɨn, Niniven gumazamiziba dɨkavigh ian arazir kurabar gun mɨkɨmam. Ia fo, Niniven adarazi Jona akunizir akam baregha navibagh ira. Ezɨ Gumazir datɨrɨghɨn ian tongɨn itir mam, a bar Jona gafira!”
Nɨn damazimning mɨkarzimɨn angazangarim
(Matyu 5:15; 6:22-23)
33  Mt 5:15, Mk 4:21, Lu 8:16 Matyu 5:15; Mak 4:21; Luk 8:16Egha Iesus ua kamaghɨn mɨgei, “Gumazitam lam gaborogha danganir mogometamɨn a modozir puvatɨ, o a inigha itarir ekiamɨn aven amadazir pu. Puvatɨ, an a isɨ an danganimram anefagham. Eghtɨ tina aven izɨ, an angazangarimɨn ganam. 34  Mt 6:22 Matyu 6:22Damaziba, da lamɨn mɨn namnamɨn angazangarimɨn mɨn iti. Damazim derazɨ, angazangarim bar nɨn namnam gizɨvagham. Eghtɨ nɨn damazim ikuvightɨ, mɨtatem nɨn namnam, avaragham. Israelia kamaghɨn nɨghnɨsi, nɨn damazimning angazangarim puvatɨghtɨ, me suam nɨ akurvazir puvatɨ. 35 Kamaghɨn amizɨ, nɨ ua bagh deravɨra gan, puvatɨghtɨ, angazangarir nɨn itim, mɨtarmem an epazagham. 36 Kamaghɨn amizɨ, angazangarim bar nɨn mɨkarzim gizɨvaghtɨ, mɨtarmem tong an epazaghan koghtɨ, nɨn mɨkarzim bar angazangarimɨn ikiam, mati lamɨn angazangarim nɨ gisirazɨ mokɨn.”
Farisiba ko Judan Arazibagh fozir gumaziba, arazir kurabagh ami
(Matyu 23:1-36; Mak 12:38-40; Luk 20:45-47)
37  Lu 7:36, 14:1 Luk 7:36; 14:1Iesus mɨkemegha gɨvazɨma, Farisin mam Iesus ko damasa an gighamizɨ, Iesus an dɨpenimɨn aven ghugha dagher dakozim gapera. 38  Mt 15:2, Mk 7:3 Matyu 15:2; Mak 7:3Ezɨ Farisin kam garima, Iesus ruezir puvatɨgha a koma api. Ezɨ a kamaghɨn ganigha aguaghfa.
39  Mt 23:25, Mk 7:4, Ta 1:15 Matyu 23:25; Mak 7:4; Taitus 1:15Ezɨ Ekiam kamaghɨn a mɨgei, “Ia Farisiba, Ia bar deraghavɨra kapba ko itaribar azeniba rue, ezɨ ian navir averiabar aven bar ikuvigha mɨze. Ia okɨmakɨam koma arazir kurabagh ami. 40 Ia bar gumazir onganiba! God azenan ingarizir biziba, a uaghan aven dar ingari? 41  Ais 58:7, Dan 4:27 Aisaia 58:7; Daniel 4:27Eghtɨ ia bizir itaribar averiabar itiba isɨva gumazir onganarazibar anɨng, eghtɨ ian biziba bar zuegham.
42  Wkp 27:30, Mt 23:23 Ofa Gami 27:30; Matyu 23:23“Ia Farisiba, ia ghaze, ia isɨngtɨzim daghebagh anɨdir zuravarir 10plan pozibar da arɨgha, egha pozir vamɨra God ganɨdi. Egha ia Godɨn guizɨn arazim ko a gifongezir arazim ataghɨrasi. Ia faragh arazir ekiar kabar gɨn mangɨ dar amu, egh uaghan arazir dozir ia amiba sara, uaghan dar amu. Kamaghɨn amizɨ, iavzika, ia bar ikuvigham!
43  Mt 23:6-7, Mk 12:38-39 Matyu 23:6-7; Mak 12:38-39“Ia zurara God ko mɨgeir dɨpenibar aven dabirabir aghuariba iniasa bar ifonge. Egha uaghan maketɨn danganiba me dughiaba ia danɨngasa, ia bar ifonge. Kamaghɨn amizɨ, iavzika, ia bar ikuvigham.
44  Sng 5:9, Mt 23:27 Onger Akaba 5:9; Matyu 23:27“Ia mati matmatiar me gan foghan koghamibar mɨn iti. Ezɨ gumazamiziba dagh fozir puvatɨgha dagh isɨn arui. Egha Godɨn damazimɨn zuezir puvatɨ. Kamaghɨn amizɨ, iavzika, ia bar ikuvigham!”
45 Ezɨ Judan Arazibagh fozir gumazir mam a ikaragha ghaze, “Tisa, nɨ bizir kabav gɨa, uaghan e gasɨghasɨsi.”
46  Mt 23:4 Matyu 23:4Ezɨ Iesus a ikaragha ghaze, “Ia Judan Arazibagh fozir gumaziba, ia osɨmtɨziba gumazamizibagh arɨzima me da ateran ibura. Ezɨ ia uari uan dafar puzitamɨn men akuragha bizitam aterir puvatɨ. Kamaghɨn amizɨ, iavzika, ia bar ikuvigham! 47  Mt 23:29-31 Matyu 23:29-31Ian inazir afeziaba Godɨn akam inigha izir gumazibav soghezɨma me ariaghire. Ezɨ ia me bagha dagɨar mozir aghuiba okoregha men aghariba mozibagh arɨki. Kamaghɨn amizɨ, iavzika, ia bar ikuvigham! 48 Ia arazir kam gumazamizibar akakagha ghaze, ian inazir afeziaba amir arazir kam dera. Ezɨ me Godɨn akam inigha izir gumazibav soghezɨ me ariaghire, ezɨ ia me bagha mozibagh ami.
49 “Bizir kam bagha, Godɨn fofozir aghuim kamaghɨn mɨgei, ‘Kɨ me bagh nan akam inigha izir gumaziba koma aposelba amangam, eghtɨ men tarazi, me me mɨsoghtɨma, me arɨghiram. Eghtɨ igharaziba, me arazir kurabar me damuam!’ 50 Fomɨra nguazir kam otozir dughiam, Godɨn akam inigha izir gumaziba, me me mɨsoghezɨ me ariaghire, ezɨ arazir kam iza datɨrɨghɨn tu. Kamaghɨn amizɨma ia datɨrɨghɨn iti darazi men ivezim iniam. 51  Stt 4:8, 2 Sto 24:20-21 Jenesis 4:8; 2 Eghaghaniba 24:20-21Ezɨ modorozir arazir kam, an Abelɨn dughiamɨn ikegha iza Sekaraian dughiamɨn tu. Gumazir kam, Sekaraia, me ofa gamir dakozim ko Godɨn Dɨpenimɨn tɨzimɨn a mɨsoghezɨma an areme. Ezɨ kɨ ia mɨgei, arazir kurar kabar ivezim gumazir datɨrɨghɨn itiba bativam.
52  Mt 23:13 Matyu 23:13“Ia Judan Arazibagh fozir gumaziba, ia Godɨn fofozimɨn tiar akamɨn kiba inigha ghue. Ia uari aven ghuezir puvatɨgha, aven mangamin gumazamizibar tiar akam apɨri.”
53 Egha Iesus danganir kam ataghɨrazima, Judan Arazibagh fozir gumaziba ko Farisiba, me akar kurabar a mɨgei. Egha azangsɨzir avɨribar a gami. 54  Lu 20:20 Luk 20:20Egha me an gari, a bizitam pazɨva a mɨkemeghtɨma, me an suigham.

11:1: Lu 5:33

11:1: Luk 5:33

11:2: Matyu 6:9-13

11:8: Lu 18:1, 18:5

11:8: Luk 18:1; 18:5

11:9: Mt 7:7, Mk 11:24, Jo 15:7, 1 Jo 3:22

11:9: Matyu 7:7; Mak 11:24; Jon 15:7; 1 Jon 3:22

11:11: Mt 7:9-10

11:11: Matyu 7:9-10

11:15: Mt 9:34, 10:25, 12:24

11:15: Matyu 9:34; 10:25; 12:24

*11:15: Satanɨn ziar mamra kara, Belsebul.

11:16: Mt 12:38, 16:1, Mk 8:11

11:16: Matyu 12:38; 16:1; Mak 8:11

11:17: Mt 12:25, Mk 3:24, Jo 2:25

11:17: Matyu 12:25; Mak 3:24; Jon 2:25

11:20: Kis 8:19

11:20: Ua Me Ini 8:19

11:22: Kl 2:15

11:22: Kolosi 2:15

11:23: Mt 12:30, Mkk 9:40, Lu 9:50

11:23: Matyu 12:30; Mak 9:40; Luk 9:50

11:24: Mt 12:43

11:24: Matyu 12:43

11:26: Mt 12:45, Jo 5:14, Hi 6:4, 2 Pi 2:20

11:26: Matyu 12:45; Jon 5:14; Hibru 6:4; 2 Pita 2:20

11:27: Lu 1:28, 1:42, 1:48

11:27: Luk 1:28; 1:42; 1:48

11:28: Mt 7:21, Lu 8:15, 8:21, Je 1:25

11:28: Matyu 7:21; Luk 8:15; 8:21; Jems 1:25

11:29: Mt 16:4, Mk 8:12

11:29: Matyu 16:4; Mak 8:12

11:30: Jna 1:17, 2:10, 3:4

11:30: Jona 1:17; 2:10; 3:4

11:31: 1 Kin 10:1-10, 2 Sto 9:1-12

11:31: 1 Atriviba 10:1-10; 2 Eghaghaniba 9:1-12

11:32: Jna 3:5

11:32: Jona 3:5

11:33: Mt 5:15, Mk 4:21, Lu 8:16

11:33: Matyu 5:15; Mak 4:21; Luk 8:16

11:34: Mt 6:22

11:34: Matyu 6:22

11:34: Israelia kamaghɨn nɨghnɨsi, nɨn damazimning angazangarim puvatɨghtɨ, me suam nɨ akurvazir puvatɨ.

11:37: Lu 7:36, 14:1

11:37: Luk 7:36; 14:1

11:38: Mt 15:2, Mk 7:3

11:38: Matyu 15:2; Mak 7:3

11:39: Mt 23:25, Mk 7:4, Ta 1:15

11:39: Matyu 23:25; Mak 7:4; Taitus 1:15

11:41: Ais 58:7, Dan 4:27

11:41: Aisaia 58:7; Daniel 4:27

11:42: Wkp 27:30, Mt 23:23

11:42: Ofa Gami 27:30; Matyu 23:23

11:43: Mt 23:6-7, Mk 12:38-39

11:43: Matyu 23:6-7; Mak 12:38-39

11:44: Sng 5:9, Mt 23:27

11:44: Onger Akaba 5:9; Matyu 23:27

11:46: Mt 23:4

11:46: Matyu 23:4

11:47: Mt 23:29-31

11:47: Matyu 23:29-31

11:51: Stt 4:8, 2 Sto 24:20-21

11:51: Jenesis 4:8; 2 Eghaghaniba 24:20-21

11:52: Mt 23:13

11:52: Matyu 23:13

11:54: Lu 20:20

11:54: Luk 20:20