19
Iesus Sakiusɨn dɨpenimɨn ghu
1 Iesus Jerikon nguibar ekiam abigha zui. 2 Ezɨ gumazir mam nguibar kamɨn iti, an ziam Sakius. A dagɨaba isir gumazibar gumazir dapanim, a dagɨaba bar avɨraseme. 3 A Iesusɨn ganasa, a manmaghɨra garir gumazim. Sakius bar gumazir otevim, egha gumazamizir avɨrimɨn tongɨn iti. Kamaghɨn amizɨ a Iesusɨn garir puvatɨ. 4 A fo, Iesus tuavir kamra izam. Kamaghɨn amizɨ, a ivegha faragha ghua, Iesusɨn ganasa temer fighɨn ghuavanabo.
5 Ezɨ Iesus danganir kamɨn oto. Egha kogha temer kam gisɨn gara, kamaghɨn Sakius mɨgei, “Sakius nɨ zuamɨra izighirɨ. Datɨrɨghɨn kɨ nɨn dɨpenimɨn ikiam.” 6 Ezɨ a zuamɨra izaghirɨgha bar akonge. Egha Iesus inigha uan dɨpenimɨn zui.
7 Mt 9:11, Lu 5:30, 15:2Matyu 9:11; Luk 5:30; 15:2Ezɨ gumazamiziba bar an ganigha, kamaghɨn mɨgɨa ngavamadi, “A ghua gumazir kuramɨn dɨpenimɨn iti.”
8 Kis 22:1, Nam 5:6-7, 1 Sml 12:3, 2 Sml 12:6Ua Me Ini 22:1; Dɨboboniba 5:6-7; 1 Samuel 12:3; 2 Samuel 12:6Me dɨpenimɨn ikia, Sakius tugha, kamaghɨn Ekiam mɨgei, “Ekiam, Nɨ oragh! Datɨrɨghɨn kɨ uan biziba bar da tuiragham. Egh kɨ taba isɨ gumazir biziba puvatɨzibar anɨngam. Egh kɨ gumazitam gifaragh an bizitam okemeghɨva, kɨ datɨrɨghɨn uamategh bizir pumuning ko pumuning a danɨngam.”
9 Lu 13:16, Ap 16:31, Ro 4:11-13, Ga 3:7Luk 13:16; Aposel 16:31; Rom 4:11-13; Galesia 3:7Ezɨ Iesus kamaghɨn a mɨgei, “Gumazir kam a uaghan Abrahamɨn ovavim. Kamaghɨn amizɨ, datɨrɨghɨn God dɨpenir kamɨn gumazamiziba bar men akura. 10 Mt 10:6, 18:11, Lu 15:4, Jo 3:17, 1 Ti 1:15Matyu 10:6; Luk 15:4; Jon 3:17; 1 Timoti 1:15Gumazamizibar Otarim, gumazamizir ovengeziba bagha ruiava men akurvaghasa ize.”
Dagɨaba inizir ingangarir gumazir 10plan akar isɨn zuim
(Matyu 25:14-30)
11 Mt 25:14-30, Ap 1:6Matyu 25:14-30; Aposel 1:6Gumazamiziba ikia Iesus barazima, a mɨgei. A Jerusalemɨn boroghɨn itima, me ghaze, datɨrɨghɨra God Bizibagh Ativamin Dughiam otogham. Kamaghɨn amizɨ, an akar isɨn zuir mam me mɨgei. 12 A kamaghɨn me mɨgei, “Gumazir aruar mam nguibar saghuiamɨn mangasa, eghtɨ me a damightɨ an atrivimɨn ikiam. A gɨn uamategh uan nguibamɨn izegh men ganam. 13 A mangasa uan ingangarir gumazir 10plan diagha, 20 kina, 20 kina bar moghɨra me rome. Egha kamaghɨn me mɨgei, ‘Ia dagɨar kaba inighɨva uari bagh dagɨar ingangaribar amu ikɨtɨ, kɨ uamategham.’
14 Jo 1:11Jon 1:11“An apengan itir gumaziba me bar navir kuram an iti. Kamaghɨn amizɨ, me akam inigha zuir gumaziba amadazɨma me nguibar gumazir aruam ghuzimɨn ghu. Me kamaghɨn mɨgei, ‘Gumazir kam en atrivimɨn otivan e aghua.’ 15 Ezɨ gumazir igharaziba gumazir aruar kam gamizɨ an atrivimɨn otogha, gɨn uamatenge. A uamategha izegha kamaghɨn me mɨgei, ‘Gumazir kɨ fomɨra dagɨaba anɨngiziba, men diagh. Kɨ foghasa me manmaghɨn nan dagɨabagh isɨn dagɨaba ini.’
16 “Ezɨ gumazir faragha zuim iza kamaghɨn mɨgei, ‘Ekiam, kɨ nɨn 20 kinan kamɨn dagɨar ingangarim gamighava, a gisɨn 200 kina ini.’ 17 Mt 25:21, Lu 16:10Matyu 25:21; Luk 16:10Ezɨ atrivim kamaghɨn a mɨgei, ‘Nɨ nan ingangarir gumazir aghuim, nɨ ingangarir bar aghuim gami. Nɨ bar deraghvɨra bizir muziarim gami, kamaghɨn kɨ datɨrɨghɨn bizir ekiam nɨ danightɨma, nɨ nguibar ekiar 10plan ganam.’
18 “Ezɨ ingangarir gumazir igharazim iza kamaghɨn mɨgei, ‘Ekiam, kɨ nɨn 20 kinan kamɨn dagɨar ingangarim gamigha datɨrɨghɨn a gisɨn 100 kina ini.’ 19 Ezɨ atrivim a mɨgei, ‘Kɨ nɨ atɨghtɨ nɨ nguibar ekiar 5plan ganam.’
20 “Ezɨ ingangarir gumazir mɨkezim iza kamaghɨn mɨgei, ‘Ekiam nɨn 20 kina ikia kati. Kɨ inir avɨzimɨn a nomkezɨma, a kati. 21 Mt 25:24Matyu 25:24Kɨ nɨ gɨfo, nɨ gumazir apangkuviba puvatɨzim. Gumazir igharaziba amir biziba, nɨ pura da isi. Egha dagher me opariziba, nɨ uaghan pura da isi. Kamaghɨn amizɨ kɨ nɨn atiati.’
22 2 Sml 1:16, Jop 15:6, Mt 12:37, 25:262 Samuel 1:16; Jop 15:6; Matyu 12:37; 25:26“Ezɨ atrivim kamaghɨn ingangarir gumazim mɨgei, ‘Nɨ ingangarir gumazir kuram! Nɨn akamra kɨ nɨ tuisɨgham. Nɨ kamaghɨn na gɨnɨghnɨsi, kɨ ti gumazir apangkuviba puvatɨzim. Egha kɨ gumazir igharaziba amir biziba, kɨ ti pura da isi. Egha dagher me opariba, kɨ ti uaghan pura da isi? 23 Manmaghɨn amizɨ, nɨ nan dagɨaba isa, dagɨar dɨpenim gatɨzir puvatɨ, eghtɨ kɨ uamategh izɨva da iniva dagɨataba dagh isɨn ua da iniam?’ 24 Egha a kamaghɨn an boroghɨn tuivighav itir gumazibav gei, ‘Ia ada 20 kina inighɨva gumazir 200 kina itim danɨngigh.’ 25 Me kamaghɨn a mɨgei, ‘Ekiam, a 200 kina inigha gɨfa.’
26 Mt 13:12, 25:29, Mk 4:25, Lu 8:18Matyu 13:12; 25:29; Mak 4:25; Luk 8:18“Ezɨ a ghaze, ‘Kɨ ia mɨgei! Gumazim o amizim Godɨn akabagh foghtɨ, God uan akabar fofozir igharaziba ia danɨngam, eghtɨ a Godɨn akar avɨribagh fogham. Eghtɨ Godɨn akabagh foghan aghuazir tav, an fofozir muziarim God a dam a inigham. 27 Nan apaniba, kɨ men atrivimɨn ikian me aghua, ia me inigh kagh izɨva, nan damazimɨn me mɨsueghtɨ me arɨmɨghiregh.’ ”
28 Iesus akar isɨn zuim gamigha gɨvagha, uan darorim gamua tuavir Jerusalemɨn zuimɨn ghuavanadi.
Iesus Jerusalemɨn otogha Godɨn Dɨpenimɨn gumaziba ko amizibar sure gami
(Sapta 19:29--21:38)
Iesus atrivimɨn mɨn
Jerusalemɨn aven zui
Jerusalemɨn aven zui
(Matyu 21:1-11; Mak 11:1-11; Jon 12:12-19)
29 Iesus Betfage ko Betanin boroghɨn oto, nguibar kamning Olivɨn Mɨghsɨam gisɨn iti. Egha a uan suren gumazir pumuning amaga, 30 Matyu 21:2-3; Mak 11:2-3kamaghɨn aning mɨgei, “Gua nguibar munagh itimɨn mangɨ. Gua nguibar kamɨn mangɨ gantɨma donkin igiar mam me a ikezɨma, a iti. Gumazitam dughiatamɨn a gaperagha aruizir puvatɨ. Gua an benim fɨrighɨva donki inigh kagh izɨ. 31 Eghtɨ tav kamaghɨn guan azaragham, ‘Gua tizim bagha donkin kam fɨri?’ eghtɨ gua a mɨkɨm suam, ‘Ekiam ingangarim an iti.’ ”
32 Lu 22:13Luk 22:13Egha Iesus aning amadazɨ aning ghua garima, biziba bar moghɨra Iesus mɨkemezɨ moghɨn iti. 33 Ezɨ aning donkin benim fɨrima, an ghuaviba aningɨn azara, “Gua tizim bagha donkin benim fɨri?”
34 Ezɨ aning kamaghɨn me mɨgei, “Ekiam ingangarim an iti.”
35 2 Kin 9:13, Mt 21:7, Mk 11:7, Jo 12:142 Atriviba 9:13; Matyu 21:7; Mak 11:7; Jon 12:14Egha aning donki inigha Iesus bagha izi. Egha aning uan azenan azuir korotiar ruariba donki gisɨn da ghuani. Egha aning Iesusɨn akurazɨma a donki gisɨn apera. 36 2 Kin 9:13, Mt 21:82 Atriviba 9:13; Matyu 21:8A donki gaperagha zuima, gumazamiziba uan korotiar ruariba suava tuavimɨn da mɨghuari. 37 A iza danganir tuavir Olivɨn Mɨghsɨamɨn ghuaghirimɨn boroghɨn izima, an gɨn aruir darazi, me God amizir mirakelbar ganighava da bagha bar akongegha pamtem Godɨn ziam fe. 38 Sng 118:26, Lu 2:14, 13:35, Ef 2:14Onger Akaba 118:26; Luk 2:14; 13:35; Efesus 2:14Me araghasa kamaghɨn mɨgei, “Gumazir Ekiamɨn ziam ko gavgavimɨn izim, God deragh a damu! Navir amɨrizim Godɨn Nguibamɨn iti. Nguibar bar pɨn itimɨn itir Godɨn ziam fɨ!”
39 Ezɨ Farisin marazi gumazamizir kabar tongɨn ikia, kamaghɨn Iesus mɨgei, “Tisa, nɨ uan suren gumazibav kɨmtɨma, me nɨmɨra ikɨ! Me kamaghɨn mɨkɨman markɨ!”
40 Hab 2:11Habakuk 2:11Ezɨ a kamaghɨn me mɨgei, “Kɨ ia mɨgei, me nɨmɨra ikɨtɨ dagɨaba uari araghasam!”
Iesus Jerusalem bagha azi
41 Jo 11:35Jon 11:35Iesus Jerusalemɨn boroghɨra iza, egha an gara a bagha azi. 42 Ais 6:9-10, Mt 13:14, Ro 11:8Aisaia 6:9-10; Matyu 13:14; Rom 11:8Egha a kamaghɨn mɨgei, “Jerusalem, kɨ kamaghsua, nɨ amua datɨrɨghɨn navir amɨrizimɨn bizibagh foghai. Kamaghɨn amizɨ, da datɨrɨghɨn nɨn modo. 43 Ais 29:3-4, Jer 6:3, 6:6, Lu 21:20Aisaia 29:3-4; Jeremaia 6:3; 6:6; Luk 21:20Dughiam izɨtɨ, nɨn apaniba izɨ nguibam avɨnizir dɨvazimɨn boroghɨn nguazir pozir ekiabav kɨnɨva nɨ ekɨarughtɨ, nɨ arɨmangɨghan kogham. 44 Dan 9:24, Mai 3:12, Mt 24:2, Mk 13:2, Lu 1:68, 21:6Daniel 9:24; Maika 3:12; Matyu 24:2; Mak 13:2; Luk 1:68; 21:6Nɨ Jerusalem, me nɨn borir nɨn aven itiba sarama asɨghasigham. Nɨ Godɨn dughiar nɨn akuraghasa izezim, nɨ a gɨfozir puvatɨ. Bizir kam bagh me dɨpenimɨn ingarizir dagɨatam, ateghtɨ, tam tam gisɨn ikeghan kogham.”
Ivezir gumazamiziba ko biziba amadir gumazamiziba Iesus Godɨn Dɨpenimɨn me batosi
(Matyu 21:12-17; Mak 11:15-19; Jon 2:13-22)
45 Mt 21:12, Mk 11:11, 11:15, Jo 2:14-15Matyu 21:12; Mak 11:11; 11:15; Jon 2:14-15Egha a Godɨn Dɨpenim avɨnizir dɨvazimɨn aven ghua, biziba amadir gumaziba batosi. 46 Ais 56:7, Jer 7:11Aisaia 56:7; Jeremaia 7:11Egha kamaghɨn me mɨgei, “Godɨn Akɨnafarimɨn aven, osizirim kamaghɨn iti, ‘Nan Dɨpenim, God ko mɨgeir Dɨpenimra. Ezɨ ia a gamizɨ, an okɨmakɨar gumazibar mogomer danganimɨn mɨn oto.’ ”
47 Lu 21:37, 22:53, Jo 7:19, 8:37, 18:20Luk 21:37; 22:53; Jon 7:19; 8:37; 18:20A zurara Godɨn Dɨpenimɨn aven men sure gami. Ezɨ ofa gamir gumazir ekiaba ko Judan Arazibagh fozir gumaziba ko gumazir dapaniba, me a mɨsueghtɨ an aremeghasa. 48 Mt 21:46, Mk 14:1-2, Lu 20:19Matyu 21:46; Mak 14:1-2; Luk 20:19Ezɨ gumazamiziba a baraghasa bar ifongegha, bar an boroghɨn iti. Kamaghɨn amizɨ, an apaniba a mɨsoghan ibura.
19:7: Mt 9:11, Lu 5:30, 15:2
19:7: Matyu 9:11; Luk 5:30; 15:2
19:8: Kis 22:1, Nam 5:6-7, 1 Sml 12:3, 2 Sml 12:6
19:8: Ua Me Ini 22:1; Dɨboboniba 5:6-7; 1 Samuel 12:3; 2 Samuel 12:6
19:9: Lu 13:16, Ap 16:31, Ro 4:11-13, Ga 3:7
19:9: Luk 13:16; Aposel 16:31; Rom 4:11-13; Galesia 3:7
19:10: Mt 10:6, 18:11, Lu 15:4, Jo 3:17, 1 Ti 1:15
19:10: Matyu 10:6; Luk 15:4; Jon 3:17; 1 Timoti 1:15
19:11: Mt 25:14-30, Ap 1:6
19:11: Matyu 25:14-30; Aposel 1:6
19:14: Jo 1:11
19:14: Jon 1:11
19:17: Mt 25:21, Lu 16:10
19:17: Matyu 25:21; Luk 16:10
19:21: Mt 25:24
19:21: Matyu 25:24
19:22: 2 Sml 1:16, Jop 15:6, Mt 12:37, 25:26
19:22: 2 Samuel 1:16; Jop 15:6; Matyu 12:37; 25:26
19:26: Mt 13:12, 25:29, Mk 4:25, Lu 8:18
19:26: Matyu 13:12; 25:29; Mak 4:25; Luk 8:18
19:30: Matyu 21:2-3; Mak 11:2-3
19:32: Lu 22:13
19:32: Luk 22:13
19:35: 2 Kin 9:13, Mt 21:7, Mk 11:7, Jo 12:14
19:35: 2 Atriviba 9:13; Matyu 21:7; Mak 11:7; Jon 12:14
19:36: 2 Kin 9:13, Mt 21:8
19:36: 2 Atriviba 9:13; Matyu 21:8
19:38: Sng 118:26, Lu 2:14, 13:35, Ef 2:14
19:38: Onger Akaba 118:26; Luk 2:14; 13:35; Efesus 2:14
19:40: Hab 2:11
19:40: Habakuk 2:11
19:41: Jo 11:35
19:41: Jon 11:35
19:42: Ais 6:9-10, Mt 13:14, Ro 11:8
19:42: Aisaia 6:9-10; Matyu 13:14; Rom 11:8
19:43: Ais 29:3-4, Jer 6:3, 6:6, Lu 21:20
19:43: Aisaia 29:3-4; Jeremaia 6:3; 6:6; Luk 21:20
19:44: Dan 9:24, Mai 3:12, Mt 24:2, Mk 13:2, Lu 1:68, 21:6
19:44: Daniel 9:24; Maika 3:12; Matyu 24:2; Mak 13:2; Luk 1:68; 21:6
19:45: Mt 21:12, Mk 11:11, 11:15, Jo 2:14-15
19:45: Matyu 21:12; Mak 11:11; 11:15; Jon 2:14-15
19:46: Ais 56:7, Jer 7:11
19:46: Aisaia 56:7; Jeremaia 7:11
19:47: Lu 21:37, 22:53, Jo 7:19, 8:37, 18:20
19:47: Luk 21:37; 22:53; Jon 7:19; 8:37; 18:20
19:48: Mt 21:46, Mk 14:1-2, Lu 20:19
19:48: Matyu 21:46; Mak 14:1-2; Luk 20:19