Iesus bar tinara
11
(Sapta 11:1--16:20)
Gumazamiziba Ruer Gumazim Jon, uan suren gumaziba amadazɨ me Iesus bagha ghue
(Luk 7:18-35)
1 Egha Iesus akar kaba uan 12plan suren gumazibagh anɨga, egha danganir kam ategha nguibar igharazibar ghua men sure gamua Godɨn akam me mɨkɨri.
2 Mt 14:3Matyu 14:3Jon kalabusɨn ikia kamaghɨn God Ua Gumazamiziba Iniasa Mɨsevezir Gumazimɨn ingangariba baregha uan suren gumaziba a bagha me amada. 3 Mal 3:1Malakai 3:1Egha ghaze, ia mangɨ kamaghɨn Iesusɨn azang, “Ti nɨrara, gumazir God faragha amangasa mɨkemezim? O, e ti ua gumazir igharazitam mɨzuamam?”
4 Ezɨ Iesus men azangsɨziba ikaragha ghaze, “Ia mangɨ, bizir ia garava orazibar gun Jon mɨkɨm suam: 5 Gumazamizir damazir okavɨrɨziba ua gari, ezɨ gumazamizir suer amɨriziba uam arui. Ezɨ gumazamizir lepa itiba ua zuegha dera, ezɨ gumazamizir kuarir orazir puvatɨziba uam orasi. Ezɨ ovengezir gumazamiziba ua dɨkavima, ezɨ gumazamizir onganarazibagh amiba Akar Aghuim barasi.*Godɨn akam inigha izezir gumazim Aisaia fomɨra ghaze, God uan adarazi Israelian akurvaghamim dughiam, arazir kaba otivam. Nɨ Aisaia 35:1-7 ko 61:1-4ɨn gan. 6 Mt 13:57, 26:31Matyu 13:57; 26:31Gumazamizir nan ganigha nɨghnɨzir gavgavim nan itiba, men nɨghnɨzir gavgavim ikɨvɨra ikɨ, eghtɨ men navir averiaba deraghtɨ me bar akuegham!”
7 Mt 3:5Matyu 3:5Ezɨ Jonɨn suren gumaziba anetegha ghuezɨma, Iesus an gun gumazamizibav gei, “Ia gumazamiziba puvatɨzir danganimɨn ghua tizimɨn ganasa ghue? Ia ti ighurunir amɨnim ivaimɨn ganasa ghue? Puvatɨ. 8 Ia tizimra ganasa ghue? Ia ti gumazir korotiar aghuiba aghuizitamɨn ganasa ghue? Puvatɨ. Gumazir korotiar aghuiba azuiba, atrivibar dɨpenibar iti. 9 Lu 1:76Luk 1:76Ezɨ ia tizimɨn ganasa ghue? Ia Godɨn akam inigha izir gumazitamɨn ganasa ghue? Bar guizbangɨra! Kɨ ia mɨgei, Godɨn akam inigha izir gumazir kam, a Godɨn akam inigha izir gumazir igharaziba, bar me gafira. 10 Mal 3:1, Mk 1:2, Jo 3:28Malakai 3:1; Mak 1:2; Jon 3:28Gumazir kam baghavɨra Godɨn Akɨnafarim mɨgɨa ghaze, ‘Ia oragh. Kɨ uan abuir gumazim amadaghtɨma, a faragh mangɨva nɨ bagh tuavim akɨram.’ 11 Kɨ guizbangɨra ia mɨgei, Gumazamiziba Ruer Gumazim Jon, nguazimɨn itir gumazamiziba bar me gafira, ezɨ tina borimɨn mɨn God Bizibagh Ativamin Dughiamɨn aven iti, a bar Jon gafira.
12 Luk 16:16“Gumazamiziba Ruer Gumazim Jonɨn dughiamɨn ikegha iza datɨrɨghɨn, gumazir kuraba God Bizibagh Ativamin Dughiam iniasa puv ingara mɨsosi. Egha me mɨdorozir arazir anabar igharazibagh amua, egha osɨmtɨzir avɨriba a ganɨdi.†Grighɨn akamɨn mɨgɨrɨgɨar kam me deragha anebɨghizir puvatɨ. Marazi nɨghnɨgha ghaze, Iesus ghaze, gumazitaba otivigh Romɨn gavman ko mɨsogh me batuegh eghɨva God Bizibagh Ativamin Dughiam damightɨma, a nguazimɨn ikiam. 13 Godɨn akam inigha izir gumazibar osiziriba ko Moses Osirizir Araziba, da Godɨn akam akura iza Jon otozir dughiamɨn tu. 14 Mal 4:5, Mt 17:10-13, Mk 9:11-13Malakai 4:5; Matyu 17:10-13; Mak 9:11-13Kamaghɨn amizɨ, ia dar akam baraghsɨ ifuegh, a baragh, ‘Godɨn akam inigha izir gumazim Elaija izam,’ kar a Jon baghavɨra mɨgei. 15 Tina kuarimning iti, an oragh.
16 “Eghtɨ kɨ datɨrɨghɨn itir gumazamizibar arazibar gun mɨkɨmsɨva akar isɨn zuir manam mɨkɨmam? Me boribar mɨn gara biziba amadir danganibar apiav ikia uarir dei:
17 “ ‘E ia bagha marvibagh ivima,
ia ighian aghua.
Ezɨ e ongerakar amɨrizibagh amima,
ia azir puvatɨ.’
18 Mt 3:4Matyu 3:4“Datɨrɨghɨn itir gumazamiziba, borir kabar mɨn ami. Jon izava pamten apir puvatɨghava wainɨn dɨpaba apir puvatɨzɨma, me ghaze, ‘Duar kuraba a gapasa.’ 19 Mt 9:10-14, Lu 7:35Matyu 9:10-14; Luk 7:35Ezɨ Gumazamizibar Otarim izava dagheba ko wainɨn dɨpaba api. Ezɨ me ghaze, ‘Ia gan, a gumazir puv daghem ko wainɨn dɨpam apim. Egha a dagɨaba isir gumazamiziba ko gumazamizir arazir kurabagh amiba, a men roroabagh amua me ko iti.’ Me kamaghɨn mɨgeima, gumazamiziba men gara fo, Godɨn fofozim a guizbangɨra bizim.”
Navibagh irazir puvatɨzir gumazamiziba, me bar ikuvigham
(Luk 10:13-15)
20 Iesus nguibar ekiar mabar mirakelɨn avɨribagh amizɨ me uan navibagh irazir puvatɨ. Ezɨ Iesus dughiar kamɨn nguibar kabar gumazamizibar atara ghaze, 21 Aisaia 23:1-18; Esekiel 26:1--28:26; Joel 3:4-8; Amos 1:9-10; Jona 3:6; Sekaraia 9:2-4“Ia Korasinɨn nguibamɨn itir gumazamiziba, Iavzika! Ia kuram iniam. Ia Betsaidan nguibamɨn itir adarasi, Iavzika! Ia bar ikuvigham. Gumazitam Tairɨn nguibam ko Saidonɨn nguibamɨn ghua, mirakelɨn kɨ amiziba men tongɨn dagh amighai, Tair ko Saidonɨn itir darazi ti fomɨra navibagh iragha, egha azir adiariba aghuigha, averenim gapiava a guruava, egha uan arazir kamɨn uari akakagha ghaze, me uan arazir kuraba ataki. 22 Ezɨ kɨ ia mɨgei, Godɨn Kotɨn Dughiamɨn, osɨmtɨzir ia iniamim, an osɨmtɨzir Tair ko Saidon iniamim gafiragham. 23 Stt 19:24-28, Ais 14:13-15Jenesis 19:24-28; Aisaia 14:13-15Ezɨ ia Kaperneamɨn nguibamɨn itir darasi, ia ghaze, ia uari fegh Godɨn Nguibamɨn ikiam, a? Bar puvatɨ, God ia akunightɨ ia Gumazamizir Oveaghuezibar Nguibamɨn magɨram. Ezɨ gumazitam ti Sodomɨn nguibamɨn ghua mirakelɨn kɨ ian tongɨn amizibagh amizɨ, kamaghɨn Sodom ti ikiavɨra ikiai. 24 Mt 10:15, Lu 10:12Matyu 10:15; Luk 10:12Ezɨ kɨ ia mɨgei, Godɨn Kotɨn Dughiamɨn, osɨmtɨzir ia iniamim, an osɨmtɨzir Sodom inizim gafiragham.”
Ia na bagh izɨva aghuvsazim iniam
(Luk 10:21-22)
25 1 Ko 1:26-291 Korin 1:26-29Egha dughiar kamɨn Iesus kamaghɨn mɨgei, “Afeziam, nɨ nguazim ko overiam gativazir Ekiam! Nɨ fofozim ko nɨghnɨzir aghuiba itir gumazamiziba bizir kaba men modo, egha boribar mɨn itir gumazamizibar aka. Kamaghɨn kɨ nɨ mɨnabi. 26 Guizbangɨra Afeziam, nɨ uan ifongiamɨn kamaghɨn ami.”
27 Mt 28:18, Jo 1:18, 3:35, 10:15, 17:2, Fl 2:9Matyu 28:18; Jon 1:18; 3:35; 10:15; 17:2; Filipai 2:9Egha Iesus ua kamaghɨn mɨgei, “Nan Afeziam biziba bar da isa nan dafarim gatɨ. Ezɨ gumazitam Otarim gɨfozir puvatɨ. Afeziam uabɨra a gɨfo. Egha tav Afeziam gɨfozir puvatɨ. Otarim uabɨra, ko gumazir Otarim ifuegha Afeziam isa men akaziba, merara Afeziam gɨfo. 28 Jer 31:25Jeremaia 31:25Ia, gumazamizir ingangarir ekiabagh amua osɨmtɨzir avɨriba ateriba, ia bar moghɨra na bagh izɨ. Eghtɨ kɨ aghuvsazim ia danɨngam. 29 Jer 6:16, Sek 9:9, Jo 13:15, Fl 2:5, 1 Jo 2:6Jeremaia 6:16; Sekaraia 9:9; Jon 13:15; Filipai 2:5; 1 Jon 2:6Ia na da fofozim iniva nan mɨgɨrɨgɨabar apengan ikɨ, egh mati temer ruarir me bulmakauningɨn tuemning gatɨzɨma aning uaning inigha ingangarim gami moghɨn, ia nan apengan ikɨ. Ia na gɨfo, kɨ uan navir averiamɨn aven uabɨ dɨkabɨragha, egha gumazamizibar asughasusi. Egh kɨ ia damutɨ ia aghuvsazim iniam. 30 1 Jo 5:31 Jon 5:3Ter ruarir kɨ ian tuebagh arɨzim, ia a gumuam, ezɨ bizir kɨ aterim an osemezir puvatɨ.”
11:2: Mt 14:3
11:2: Matyu 14:3
11:3: Mal 3:1
11:3: Malakai 3:1
*11:5: Godɨn akam inigha izezir gumazim Aisaia fomɨra ghaze, God uan adarazi Israelian akurvaghamim dughiam, arazir kaba otivam. Nɨ Aisaia 35:1-7 ko 61:1-4ɨn gan.
11:6: Mt 13:57, 26:31
11:6: Matyu 13:57; 26:31
11:7: Mt 3:5
11:7: Matyu 3:5
11:9: Lu 1:76
11:9: Luk 1:76
11:10: Mal 3:1, Mk 1:2, Jo 3:28
11:10: Malakai 3:1; Mak 1:2; Jon 3:28
11:12: Luk 16:16
†11:12: Grighɨn akamɨn mɨgɨrɨgɨar kam me deragha anebɨghizir puvatɨ. Marazi nɨghnɨgha ghaze, Iesus ghaze, gumazitaba otivigh Romɨn gavman ko mɨsogh me batuegh eghɨva God Bizibagh Ativamin Dughiam damightɨma, a nguazimɨn ikiam.
11:14: Mal 4:5, Mt 17:10-13, Mk 9:11-13
11:14: Malakai 4:5; Matyu 17:10-13; Mak 9:11-13
11:18: Mt 3:4
11:18: Matyu 3:4
11:19: Mt 9:10-14, Lu 7:35
11:19: Matyu 9:10-14; Luk 7:35
11:21: Aisaia 23:1-18; Esekiel 26:1--28:26; Joel 3:4-8; Amos 1:9-10; Jona 3:6; Sekaraia 9:2-4
11:23: Stt 19:24-28, Ais 14:13-15
11:23: Jenesis 19:24-28; Aisaia 14:13-15
11:24: Mt 10:15, Lu 10:12
11:24: Matyu 10:15; Luk 10:12
11:25: 1 Ko 1:26-29
11:25: 1 Korin 1:26-29
11:27: Mt 28:18, Jo 1:18, 3:35, 10:15, 17:2, Fl 2:9
11:27: Matyu 28:18; Jon 1:18; 3:35; 10:15; 17:2; Filipai 2:9
11:28: Jer 31:25
11:28: Jeremaia 31:25
11:29: Jer 6:16, Sek 9:9, Jo 13:15, Fl 2:5, 1 Jo 2:6
11:29: Jeremaia 6:16; Sekaraia 9:9; Jon 13:15; Filipai 2:5; 1 Jon 2:6
11:30: 1 Jo 5:3
11:30: 1 Jon 5:3