Iesus mɨzazim inigha
aremegha ua dɨkafi
aremegha ua dɨkafi
26
(Sapta 26--28)
Gumazir dapaniba Iesus mɨsueghtɨ an aremeghasa mɨgɨrɨgɨabar kɨri
(Mak 14:1-2; Luk 22:1-2; Jon 11:45-53)
1 Iesus mɨgɨrɨgɨar kaba agɨvagha, uan suren gumaziba kamaghɨn me mɨgei, 2 Kis 12:1-27, Mt 20:18, Mk 14:1, Lu 22:1, Jo 13:1Ua Me Ini 12:1-27; Matyu 20:18; Mak 14:1; Luk 22:1; Jon 13:1“Ia fo, aruer pumuning gɨvaghtɨma, God Israelia Gitazir Dughiamɨn isar ekiam otivam. Eghtɨ me Gumazamizibar Otarim isɨ apanibar agharim datɨghtɨ me a isɨva ter ighuvimɨn a gafugham.”
3 Dughiar kamɨn, ofa gamir gumazir ekiaba koma Judabar gumazir aruaba ghua, ofa gamir gumazibar dapanimɨn dɨpenimɨn uari akufa. Gumazir kamɨn ziam Kaiafas. 4 Egha me arazir mogometamɨn Iesusɨn suiragh a mɨsueghtɨ an aremeghasa tuaviba buria, akabav sosi. 5 Egha me kamaghɨn uariv gei, “E isar ekiamɨn dughiamɨn an suighan kogham. E damutɨ, gumazamizir isamɨn itiba men naviba osemegh, egh mɨdorozir dafatam damigham.”
Amizir mam borem isa
Iesusɨn dapanim ginge
Iesusɨn dapanim ginge
(Mak 14:3-9; Jon 12:1-8)
6 Ezɨ Iesus ghua Betanin nguibamɨn aven Saimonɨn dɨpenimɨn iti, Saimon faragha lepan arɨmariam an mɨkarzim gami. 7 Lu 7:37-38Luk 7:37-38Dughiar kamɨn Iesus dagher dakozimɨn aperaghav itima, amizir mam, borer mughuriar aghuim zuir mam, inigha izi. Borer aghuir kamɨn mɨsevim, me dagɨar ziam alabastan an ingari. Ezɨ borer kamɨn ivezim bar pɨn ko. Ezɨ amizir kam borer kam isava, Iesusɨn dapanim ginge. 8 Ezɨ an suren gumaziba kamaghɨn an gara, navir averiaba ikufi. Egha me ghaze, “Tizim bagha kav borer mughuriar aghuim zuim pazava a gami? 9 E ti anemadagha dagɨar ekiatam inigha asaghasazibagh anighai.”
10 Ezɨ Iesus men mɨgɨrɨgɨabagh fogha kamaghɨn me mɨgei, “Ia tizim bagha osɨmtɨzim amizir kam garɨsi? Anetakigh! An arazir aghuim na gami. 11 Lo 15:11, Jo 12:8, 14:19, 17:11Godɨn Araziba 15:11; Jon 12:8; 14:19; 17:11Asaghasaziba zurara ia ko ikiam. Kɨrara, ia ko zurara ikian kogham. 12 Amizir kam nan namnam mozim bagh anekɨrasa, borer aghuir kam na ginge. 13 Kɨ guizbangɨra ia mɨgei, me nguazir kamɨn danganir manabar Godɨn Akar Aghuim akunɨva, amizir kam amizir arazim uaghan a mɨkɨmɨva a gɨnɨghnɨghvɨra ikiam.”
Judas Iesus isɨva gumazir ekiabar agharim darɨghasa akam akɨri
(Mak 14:10-11; Luk 22:3-6)
14 Jo 11:57Jon 11:57Dughiar kamɨn Judas Iskariot, a 12plan suren gumazir mam, a ofa gamir gumazir ekiaba bagha ghu. 15 Sek 11:12, Mt 27:3Sekaraia 11:12; Matyu 27:3Egha a kamaghɨn men azai, “Kɨ Iesus isɨva ian dafaribar atɨghtɨ, ia tizim na danɨngam?” Ezɨ me 30plan silvan dagɨar maba mengegha, da isa a ganɨngi.*Dagɨar 30 silvan kaba ti datɨrɨghɨn en dagɨabar dɨbobonim, ti manmakɨn? Da avɨraseme, egha gumazim iakɨnir 5pla o 6plan ingarizir ivezimɨn mɨn otogham. Nɨ Matyu 27:9-10ɨn gan. 16 Ezɨ dughiar kamɨn ikegha ghua, Judas, Iesusɨn suiragh men dafaribar arɨghasa tuaviba buri.
Iesus uan suren gumaziba ko api
(Mak 14:12-21; Luk 22:7-14; 22:21-23; Jon 13:21-30)
17 Kis 12:6, 12:14-20, Mk 14:12, Lu 22:7-9Ua Me Ini 12:6; 12:14-20; Mak 14:12; Luk 22:7-9Ezɨ Yis Puvatɨzir Bretɨn Isam Damuamin Dughiam, an faragha zuir dughiam otozɨ, Iesusɨn suren gumaziba iza kamaghɨn a mɨgei, “Nɨ danganir manamɨn God Israelia Gitazir Dughiamɨn isam amɨsɨ ifongeghtɨ, e an mangɨ bizibar kɨram?”
18 Mt 21:3Matyu 21:3Ezɨ a kamaghɨn me mɨgei, “Ia nguibar ekiamɨn aven mangɨ, egh gumazir kam bagh mangɨ kamaghɨn a mɨkɨm, ‘Tisa ghaze, nan dughiam roghɨra izegha gɨfa. Ezɨ kɨ uan suren gumaziba ko, God Israelia Gitazir Dughiamɨn isam, e nɨn dɨpenimɨn daghebar amam.’ ” 19 Ezɨ suren gumaziba Iesus mɨkemezɨ moghɨn ghua God Israelia Gitazir Dughiam bagha dagheba ko bizibar kɨri.
20 Ezɨ guaratɨghɨn Iesus uan aposelba ko me dagher dakozimɨn mɨn apiaghav iti. 21 Me apava a kamaghɨn me mɨgei, “Kɨ guizbangɨra ia mɨgei, ian tav na isɨ gumazir nan apanim gamibar agharim darɨgham.”
22 Ezɨ an suren gumaziba akar kam baregha, naviba bar oseme. Egha me bar vaghvagha kamaghɨn an azangsɨsi, “Ekiam, kɨrara markiama?”
23 Sng 41:9, Lu 22:21, Jo 13:18Onger Akaba 41:9; Luk 22:21; Jon 13:18Ezɨ a kamaghɨn me ikaragha ghaze, “Gumazir na isɨva apanibar agharim darɨghamim, a uaghan na ko ga uan dafarimning isa itarir vamɨra garugha uam aning asi. 24 Ais 53, Dan 9:26, Mk 9:12, Jo 17:12Aisaia 53:1-12; Daniel 9:26; Mak 9:12; Jon 17:12Gumazamizibar Otarim, Godɨn Akɨnafarim mɨkemezɨ moghɨn, an aremegham. Eghtɨ gumazir Gumazamizibar Otarim isava apanibar agharim gatɨzim, gumaka! A bar ikuvigham! Amebam a batezir puvatɨzɨ deraghai!”
25 Ezɨ gumazir Iesus isɨva apanibar agharim darɨghamim, a Judas, a kamaghɨn an azai, “Ekiam, nɨ ti na mɨgɨa ma?”
Ezɨ Iesus ghaze, “Nɨrara, nɨ mɨgei moghɨra!”
Iesus bret ko wain uan suren gumazibagh anɨdi
(Mak 14:22-26; Luk 22:15-20; 1 Korin 11:23-25)
26 Mt 14:19, 1 Ko 10:161 Korin 10:16Iesus uan suren gumaziba ko apava, a bretɨn mam inigha God mɨnabagha anebigha, a isa uan suren gumazibagh anɨga kamaghɨn me mɨgei, “Kar nan inivafɨzim. Ia a inigh aneremɨ.”
27 Egha a wain apir kavɨn mam inigha God mɨnabagha, a isa me ganɨga kamaghɨn mɨgei, “Ia bar wainɨn dɨpar kam amɨ. 28 Kis 24:8, Jer 31:31-34, Sek 9:11, Ro 5:15, 1 Ko 10:16, Hi 9:22Ua Me Ini 24:8; Jeremaia 31:31-34; Sekaraia 9:11; Rom 5:15; 1 Korin 10:16; Hibru 9:22Kar nan ghuzim, an Akar Dɨkɨrɨzir Gavgavim, a gavgavim a ganɨdi. A, gumazamizir avɨribar arazir kuraba gɨn amangasa, nan ghuzim me bagha ire. 29 Mk 14:25, Lu 22:18, Ap 10:41Mak 14:25; Luk 22:18; Aposel 10:41Kɨ guizbangɨra ia mɨgei, kɨ ua wainɨn ovɨzimɨn dɨpatam rameghan kogh, kamaghɨra ikɨ mangɨ Dughiar Afeziam Bizibagh Ativamimɨn otogham. Eghtɨ dughiar kam, kɨ ia ko wainɨn dɨpar igiam amam.”
30 Lu 22:39, Jo 18:1Luk 22:39; Jon 18:1Egha me Godɨn ziam fer ighiar mam gamigha, dɨkavigha Olivɨn Mɨghsɨamɨn ghue.
Iesus ghaze, Pita akɨrim ragh a gasaragham
(Mak 14:27-31; Luk 22:31-34; Jon 13:36-38)
31 Sek 13:7, Jo 16:32Sekaraia 13:7; Jon 16:32Egha Iesus kamaghɨn uan suren gumazibav gɨa ghaze, “Ia dɨmagarir kamɨn na bativamin arazibar ganɨva ian nɨghnɨzir gavgavir nan itim gɨvaghtɨma, ia na ategh aregham. Egh Godɨn Akɨnafarim mɨkemezɨ moghɨn otivam:
“ ‘Kɨ sipsipbar garir gumazim mɨsueghtɨma,
sipsipba tintinimɨn aregham.’
32 Mt 28:7, 28:16, Mk 14:28Matyu 28:7; 28:16; Mak 14:28“Kɨ aremegh ua dɨkavigh ian faragh Galilin Distrighɨn mangam.”
33 Ezɨ Pita an akam ikaragha kamaghɨn a mɨgɨa ghaze, “Me ti bar, nɨ bativamin arazibar ganɨva, nɨ ataghɨragh aram, eghtɨ kɨrara nɨ ateghan kogham.”
34 Mt 26:69-75Matyu 26:69-75Ezɨ Iesus kamaghɨn a mɨgei, “Kɨ guizbangɨra nɨ mɨgei, datɨrɨghɨn dɨmagarir kamɨn nɨ uabɨ dughiar pumuning ko mɨkezimɨn, nɨ suam, ‘Kɨ a gɨfozir puvatɨ,’ eghtɨ tuarim gɨn akam.”
35 Mt 26:56Matyu 26:56Ezɨ Pita a mɨgei, “Kɨ nɨ ko ovengsɨva ovengam, kɨ bar mamaghɨn mɨkemeghan kogham. Bar puvatɨgham!” Ezɨ suren gumaziba bar kamaghɨram a mɨgei.
Iesus Getsemanin Azenimɨn
God ko mɨgei
God ko mɨgei
(Mak 14:32-42; Luk 22:39-46)
36 Egha Iesus uan suren gumaziba ko danganir ziam Getsemanin ghue. Egha a kamaghɨn me mɨgei, “Ia kagh dapiaghɨv ikɨtɨ, kɨ munagh mangɨ God ko mɨkɨmam.” 37 Egha a Pita ko Sebedin otarimning inigha, me ghue. Ezɨ an navim bar a basemezɨ, a bar paza uabɨ barasi.
38 Jo 12:27Jon 12:27Egha a kamaghɨn me mɨgei, “Nan navir averiam, osɨmtɨzim a itaragha ghuaghiri. Ezɨ kɨ aremeghasava ami. Ia kagh ikɨ, egh na ko gan.”
39 Mt 6:10, 20:22, Jo 6:38, Hi 5:7-8Matyu 6:10; 20:22; Jon 6:38; Hibru 5:7-8Egha a mong isɨvagha ghugha, uan guam moghɨn nguazim girɨgha kamaghɨn God ko mɨgei, “Nan Afeziam nɨ ifueghɨva, nɨ na da osɨmtɨzir kam inigh. Nɨ nan ifongiamɨn gɨn mangan markɨ. Puvatɨ, nɨ uan ifongiamra gɨn mangɨ.”
40 Egha a dɨkavigha uamategha uan suren gumazir pumuning ko mɨkezim bagha ghugha garima me akui. Ezɨ a kamaghɨn Pitan azai, “Manmaghɨn ami? Ia ti na ko dughiar otevimɨn gan ikian kogham o? 41 Mt 6:13, Ef 6:18, Hi 2:14,, 4:15Matyu 6:13; Efesus 6:18; Hibru 2:14; 4:15Ia na bagh deravɨra gan, egh God ko mɨkɨm, eghtɨ osɨmtɨzitam ia damutɨ, ia ireghan kogham. Kɨ fo, ian navir averiaba ifonge, ezɨ inivafɨziba gavgaviba dar puvatɨ. Kamaghɨn pariam ian azi.”
42 Egha a uamategha ghua kamaghɨn Afeziam ko mɨgei, “Nan Afeziam, osɨmtɨzir kam na gitaghan koghtɨ, kɨ anetertɨma, kamaghɨn nɨ uan ifongiamɨn gɨn mangɨ.”
43 Egha a uamategha suren gumaziba bagha iza gari, me akuavɨra iti. Pariam puv men azi. 44 2 Ko 12:82 Korin 12:8Ezɨ a me ategha dughiar mɨkezimɨn ghua, faragha Afeziam ko mɨkemezɨ moghɨn uam a ko mɨgei. 45 Jo 12:27, 13:1Jon 12:27; 13:1Egha a gɨn iza suren gumaziba kamaghɨn me mɨgei, “Ia avughsava akuavɨra iti? Arazir kam atakigh! Dughiam oto. Ia gan, Gumazamizibar Otarim me a isɨva gumazir arazir kurabagh amibar dafarim darɨghasa. 46 Jo 14:31Jon 14:31Ia dɨkafigh! E mangam! Ia gan. Gumazir na isɨva apanibar anɨngamim, a muna izi!”
Judas Iesus isava
an apanibar agharim gatɨ
an apanibar agharim gatɨ
(Mak 14:43-50; Luk 22:47-53; Jon 18:3-12)
47 Iesus kamaghɨn mɨgɨavɨra itima, Judas oto, a 12plan suren gumazibar mav. Maburan avɨrim a ko mɨdorozir sababa ko asianiba inigha Iesus bagha izi. Ofa gamir gumazir ekiaba ko Judabar gumazir aruaba, me me amangizɨ, me izi. 48 Gumazir Iesus isɨ men dafaribar arɨghasava amim faragha ghaze, “Kɨ arazir kam ian akagham. Gumazir kɨ toramim, anarɨra Iesus. Ia an suiragh.”
49 Egha a Iesus bagha ghuavɨra ikia ghaze, “Tisa, dɨmagarir aghuim.” Egha an tore.
50 Ezɨ Iesus kamaghɨn a mɨgɨa ghaze, “Namakam, nɨ damuasa izezir bizim, nɨ zuamɨram a damu.” Ezɨ gumaziba izava Iesusɨn agharibagh iregha, pamtem an suiki.†Mɨgɨrɨgɨar otevir kam Grighɨn akam deragha anebɨghizir puvatɨ. Gumazir maba akar kam giragha ghaze, Iesus kamaghɨn mɨgei, “Namakam, nɨ bizitam bagha izi?” 51 Jo 18:26Jon 18:26Ezɨ gumazir Iesus ko itir mam, uan mɨdorozir sabam asigha, ofa gamir gumazibar dapanimɨn ingangarir gumazimɨn kuarim atu, ezɨ an kuarim dutuaghirɨ.
52 Stt 9:6, MAA 13:10Jenesis 9:6; Akar Mogomem 13:10Ezɨ Iesus kamaghɨn a mɨgɨa ghaze, “Nɨ ua uan sabam isɨ an mɨsevim darugh. Gumazir sababar igharazibav soziba, me sababaram arɨghiram. 53 2 Kin 6:17, Dan 7:102 Atriviba 6:17; Daniel 7:10Nɨ ti kamaghɨn fozir puvatɨ? Kɨ ifueghɨva uan Afeziamɨn azaraghtɨ, a mɨdorozir enselɨn avɨriba amadagham, men dɨbobonim 12plan mɨdorozir gumazir okoruar bar ekiabagh afiragham. Ezɨ me iza nan akuraghai. 54 Ais 53:7, Mt 26:56, Mk 14:49Aisaia 53:7; Matyu 26:56; Mak 14:49Kɨ kamaghɨn damightɨ, Godɨn Akɨnafarim mɨkemezir mɨgɨrɨgɨaba otivan kogham. Godɨn Akɨnafarim na bativamin bizir kabav keme.”
55 Lu 19:47, 21:37Luk 19:47; 21:37Egha Iesus maghɨrama gumazir an suighasa izeziba kamaghɨn me mɨgɨa ghaze, “Kɨ okɨmakɨar gumazim puvatɨ. Ia tizim bagha nan suighasa mɨdorozir sababa koma asianiba suigha izi? Kɨ zurara ia ko ikia, Godɨn Dɨpenim avɨnizir dɨvazimɨn aven gumazamizibar sure gami. Ezɨ ia nan suighan aghua. 56 Mt 26:31Matyu 26:31Godɨn Akɨnafarimɨn Osizirim mɨkemezɨ moghɨra ia kamaghɨn na gami.”
Ezɨ Iesusɨn suren gumaziba bar aneteghava are.
Me Iesus isa kot gatɨ
(Mak 14:53-65; Luk 22:54-55; 22:63-71; Jon 18:13-14; 18:19-24)
57 Ezɨ gumazir Iesusɨn suighiziba a inigha, ofa gamir gumazibar dapanim, Kaiafasɨn dɨpenimɨn ghue. Ezɨ Judan Arazibagh fozir gumaziba ko Judabar gumazir aruaba iza uari akuvagha iti. 58 Ezɨ Pita mong tɨzim a gatɨgha Iesusɨn gɨn ghua bar ghua, ofa gamir gumazibar dapanimɨn dɨpenim avɨnizir dɨvazimɨn aven ghu. Egha Godɨn Dɨpenimɨn garir polisba ko aperaghav iti. Egha a me Iesus gamir arazibar ganasa.
59 Dughiar kamɨn, ofa gamir gumazir ekiaba koma Judan kotɨn aven itir gumaziba bar, akar ifavaribar Iesus gasasa tuaviba buri. Me nɨghnɨgha ghaze, me an arazir kuratam batogh amɨsueghtɨ an aremegham. 60 Lo 19:15, Sng 27:12, Mk 14:55, Ap 6:13Godɨn Araziba 19:15; Onger Akaba 27:12; Mak 14:55; Aposel 6:13Egha me tam batozir puvatɨ. Ezɨ gumazir avɨriba iza akar ifavariba isa Iesus gasi. Ezɨ gɨn gumazir pumuning iza, 61 Mt 27:40, Jo 2:19Matyu 27:40; Jon 2:19kotɨn aven mɨgɨa ghaze, “Gumazir kam kamaghɨn mɨgei, ‘Kɨ Godɨn Dɨpenim akarigh, egh aruer pumuning ko mɨkezimɨn uam an ingarigham.’ ”
62 Ezɨ ofa gamir gumazibar dapanim tugha kamaghɨn Iesusɨn azai, “Nɨ akatam ikarvaghan aghua? Me nɨ gasir akar kam, a guizbangɨra, o?” 63 Ais 53:7, Mt 27:12Aisaia 53:7; Matyu 27:12Ezɨ Iesus nɨmɨra ikia mɨgɨrɨgɨatam gamir puvatɨ. Ezɨ ofa gamir gumazibar dapanim a mɨgɨa ghaze, “Kɨ akar gavgavim nɨ ganɨdi, nɨ Godɨn zurara itimɨn ziamɨn akakagh, egh guizbangɨra e mɨkɨm. Nɨ ti, God Uam E Iniasa Mɨsevezir Gumazim, nɨ ti Godɨn Otarimra, o puvatɨ?”
64 Sng 110:1, Dan 7:13, Mt 24:30, Lu 21:27, Ap 7:55, 1 Te 4:16, MAA 1:7Onger Akaba 110:1; Daniel 7:13; Matyu 24:30; Luk 21:27; Aposel 7:55; 1 Tesalonika 4:16; Akar Mogomem 1:7Ezɨ Iesus kamaghɨn a mɨgɨa ghaze, “Are, nɨ mɨkemezɨ moghɨra. Kɨ guizbangɨra ia mɨgei, ia gɨn gantɨ, Gumazamizibar Otarim gavgavim itir Godɨn agharir guvim daperagh overiamɨn ghuariabagh isɨn izam.”
65 Mt 9:3, Mk 14:63, Jo 10:33, Ap 14:14Mak 14:63; Aposel 14:14Ofa Gami 24:16Ezɨ ofa gamir gumazibar dapanim uan korotiam abigha kamaghɨn mɨgei, “A Godɨn ziam gasɨghasɨsi! E tizim bagh uam akar akurvaziba buriam? Markiam! Ia datɨrɨghɨn uari a barasi, a mɨgɨrɨgɨar kurabar Godɨn ziam gasɨghasɨsi! 66 Jo 19:7Jon 19:7Ezɨ ia manmaghɨn a gɨnɨghnɨsi, e arazir manatamɨn a damuam?”
Ezɨ me a ikaragha ghaze, “An arazir kuram gami, kamaghɨn an ovengam.”
67 Ais 50:6, 53:5, Mt 27:30, Jo 19:3Aisaia 50:6; 53:5; Matyu 27:30; Jon 19:3Egha me Iesusɨn guam giparava a mɨsogha, marazi dafariba onegha a mɨsosi. 68 Egha ghaze, “Nɨ, God Uam E Iniasa Mɨsevezir Gumazim! Nɨ Godɨn akam inigha izir gumazibar arazitam damuva, egh e mɨkɨm, ‘Kar gumazir manam nɨ mɨsosi?’ ”
Pita ghaze, a Iesus gɨfozir puvatɨ
(Mak 14:66-72; Luk 22:56-62; Jon 18:15-18; 18:25-27)
69 Ezɨ Pita dɨpenimɨn dɨvazimɨn aven an mɨriamɨn aperaghav iti. Ezɨ ingangarir guivir mam an boroghɨra iza ghaze, “Nɨ uaghan Galilin gumazim Iesus ko ike.”
70 Ezɨ Pita uabɨn ghuara, ezɨ me bar an garima, a ghaze, “Nɨ mɨgeir akar kam, kɨ a gɨfozir puvatɨ.” 71 Egha gɨn ghua dɨpenimɨn dɨvazimɨn itir tiar akar ekiamɨn ghua tughav iti. Ezɨ ingangarir guivir igharazir mam iza an ganigha, gumazamizir an boroghɨn itiba kamaghɨn me mɨgɨa ghaze, “Gumazir kam, a Nasaretɨn gumazim Iesus ko ike.” 72 Ezɨ Pita ua uabɨn ghuaragha ghaze, “Bar guizbangɨra, kɨ Godɨn damazimɨn ia mɨgei, kɨ gumazir kam gɨfozir puvatɨ.” 73 Ezɨ gɨn gumazir roghɨra tuivighav itiba iza kamaghɨn Pita mɨgei, “Bar guizbangɨra, nɨ men mavɨra, nɨ men mɨrara mɨgei.” 74 Mk 14:71Mak 14:71Ezɨ Pita ua bagha pamtem mɨgɨa ghaze, Kɨ guizbangɨra mɨgei, kɨ ifaraghtɨma God na gasɨghasigham. Egha mɨgɨa ghaze, “Bar guizbangɨra kɨ Godɨn damazimɨn ia mɨgei, kɨ gumazir kam gɨfozir puvatɨ. Kɨ ifartɨma, God na gasɨghasɨgh.” A kamaghɨn mɨkemegha gɨvazɨ, tuarim maghɨram ake.
75 Mt 26:34, Mk 14:30, Lu 22:61-62, Jo 13:38Matyu 26:34; Mak 14:30; Luk 22:61-62; Jon 13:38Ezɨ Pita Iesus mɨkemezir mɨgɨrɨgɨam ginɨrɨ, “Tuarim tɨghar akegham, eghtɨ nɨ faraghɨvɨra dughiar pumuning ko mɨkezim, na mɨkɨm suam, nɨ na gɨfozir puvatɨ.” Egha Pita azenimɨn ghua bar puvɨrama azi.
26:2: Kis 12:1-27, Mt 20:18, Mk 14:1, Lu 22:1, Jo 13:1
26:2: Ua Me Ini 12:1-27; Matyu 20:18; Mak 14:1; Luk 22:1; Jon 13:1
26:7: Lu 7:37-38
26:7: Luk 7:37-38
26:11: Lo 15:11, Jo 12:8, 14:19, 17:11
26:11: Godɨn Araziba 15:11; Jon 12:8; 14:19; 17:11
26:14: Jo 11:57
26:14: Jon 11:57
26:15: Sek 11:12, Mt 27:3
26:15: Sekaraia 11:12; Matyu 27:3
*26:15: Dagɨar 30 silvan kaba ti datɨrɨghɨn en dagɨabar dɨbobonim, ti manmakɨn? Da avɨraseme, egha gumazim iakɨnir 5pla o 6plan ingarizir ivezimɨn mɨn otogham. Nɨ Matyu 27:9-10ɨn gan.
26:17: Kis 12:6, 12:14-20, Mk 14:12, Lu 22:7-9
26:17: Ua Me Ini 12:6; 12:14-20; Mak 14:12; Luk 22:7-9
26:18: Mt 21:3
26:18: Matyu 21:3
26:23: Sng 41:9, Lu 22:21, Jo 13:18
26:23: Onger Akaba 41:9; Luk 22:21; Jon 13:18
26:24: Ais 53, Dan 9:26, Mk 9:12, Jo 17:12
26:24: Aisaia 53:1-12; Daniel 9:26; Mak 9:12; Jon 17:12
26:26: Mt 14:19, 1 Ko 10:16
26:26: 1 Korin 10:16
26:28: Kis 24:8, Jer 31:31-34, Sek 9:11, Ro 5:15, 1 Ko 10:16, Hi 9:22
26:28: Ua Me Ini 24:8; Jeremaia 31:31-34; Sekaraia 9:11; Rom 5:15; 1 Korin 10:16; Hibru 9:22
26:29: Mk 14:25, Lu 22:18, Ap 10:41
26:29: Mak 14:25; Luk 22:18; Aposel 10:41
26:30: Lu 22:39, Jo 18:1
26:30: Luk 22:39; Jon 18:1
26:31: Sek 13:7, Jo 16:32
26:31: Sekaraia 13:7; Jon 16:32
26:32: Mt 28:7, 28:16, Mk 14:28
26:32: Matyu 28:7; 28:16; Mak 14:28
26:34: Mt 26:69-75
26:34: Matyu 26:69-75
26:35: Mt 26:56
26:35: Matyu 26:56
26:38: Jo 12:27
26:38: Jon 12:27
26:39: Mt 6:10, 20:22, Jo 6:38, Hi 5:7-8
26:39: Matyu 6:10; 20:22; Jon 6:38; Hibru 5:7-8
26:41: Mt 6:13, Ef 6:18, Hi 2:14,, 4:15
26:41: Matyu 6:13; Efesus 6:18; Hibru 2:14; 4:15
26:44: 2 Ko 12:8
26:44: 2 Korin 12:8
26:45: Jo 12:27, 13:1
26:45: Jon 12:27; 13:1
26:46: Jo 14:31
26:46: Jon 14:31
†26:50: Mɨgɨrɨgɨar otevir kam Grighɨn akam deragha anebɨghizir puvatɨ. Gumazir maba akar kam giragha ghaze, Iesus kamaghɨn mɨgei, “Namakam, nɨ bizitam bagha izi?”
26:51: Jo 18:26
26:51: Jon 18:26
26:52: Stt 9:6, MAA 13:10
26:52: Jenesis 9:6; Akar Mogomem 13:10
26:53: 2 Kin 6:17, Dan 7:10
26:53: 2 Atriviba 6:17; Daniel 7:10
26:54: Ais 53:7, Mt 26:56, Mk 14:49
26:54: Aisaia 53:7; Matyu 26:56; Mak 14:49
26:55: Lu 19:47, 21:37
26:55: Luk 19:47; 21:37
26:56: Mt 26:31
26:56: Matyu 26:31
26:60: Lo 19:15, Sng 27:12, Mk 14:55, Ap 6:13
26:60: Godɨn Araziba 19:15; Onger Akaba 27:12; Mak 14:55; Aposel 6:13
26:61: Mt 27:40, Jo 2:19
26:61: Matyu 27:40; Jon 2:19
26:63: Ais 53:7, Mt 27:12
26:63: Aisaia 53:7; Matyu 27:12
26:64: Sng 110:1, Dan 7:13, Mt 24:30, Lu 21:27, Ap 7:55, 1 Te 4:16, MAA 1:7
26:64: Onger Akaba 110:1; Daniel 7:13; Matyu 24:30; Luk 21:27; Aposel 7:55; 1 Tesalonika 4:16; Akar Mogomem 1:7
26:65: Mt 9:3, Mk 14:63, Jo 10:33, Ap 14:14
26:65: Mak 14:63; Aposel 14:14
26:65: Ofa Gami 24:16
26:66: Jo 19:7
26:66: Jon 19:7
26:67: Ais 50:6, 53:5, Mt 27:30, Jo 19:3
26:67: Aisaia 50:6; 53:5; Matyu 27:30; Jon 19:3
26:74: Mk 14:71
26:74: Mak 14:71
26:75: Mt 26:34, Mk 14:30, Lu 22:61-62, Jo 13:38
26:75: Matyu 26:34; Mak 14:30; Luk 22:61-62; Jon 13:38